Արխիւ

Երեւանի քաղաքապետարանին մէջ տեղի ունեցած աշխատանքային խորհրդակցութեան ժամանակ՝ քաղաքապետ Տարօն Մարգարեան, աշխատակազմի արտաքին կապերու եւ մշակոյթի վարչութիւններուն յանձնարարած է նախապատրաստուիլ այս տարուան Սեպտեմբերի 6-8 թուականներուն միջեւ նախատեսուող «Երեւանի օրերը Սեն Փեթերսպուրկի մէջ» ձեռնարկներու ծրագրի պատշաճ իրականացման:

Երբ 1977 թուականին Ժորժ Փոմփիտուի անուան «Սանթր Պոպուր» (Centre Beaubourg) ժամանակակից արուեստի կեդրոն-մատենադարանի բացումը տեղի ունեցաւ Փարիզի մէջ, բաւական մեծ աղմուկ յարուցեց արուեստի աշխարհէն ներս, թէ՛ կառոյցի իր տարօրինակ լուծումներով եւ թէ իր «արտակեդրոն» ոճի հարստութեամբ ու որակով:

Փարիզի մէջ կազմակերպուած յունահռոմէական ոճի ըմբշամարտի ախոյենութեան ընթացքին ոսկէ մետայլ նուաճած Հայաստանի երկու ներկայացուցիչները երէկ վերադարձան Երեւան եւ «Զուարթնոց» օդակայանին մէջ մարզասէրներու կողմէ դիմաւորուեցան մեծ խանդավառութեամբ։

Թուրքիա եւ Միացեալ Նահանգներ լուրջ տարակարծութիւն մը չունին Հիւսիսային Իրաքի մէջ նախատեսուած՝ անկախութեան հանրաքուէին շուրջ:
Մերձաւոր Արեւելքի տարածքաշրջանային իրադարձութիւնները թափ կու տան ամենաբարձր մակարդակի վրայ դիւանագիտական ջանքերու աշխուժացման:

Գուզկունճուքի Ս. Գրիգոր Լուսաւորիչ եկեղեցւոյ մէջ երէկ մատուցուեցաւ Ս. Պատարագ։ Մօտաւոր անցեալի իրերայաջորդ տեղատարափներուն հետեւանքով վնասներ յառաջացած Վոսփորի Ասիական ափի մեր այս եկեղեցւոյ մէջ արարողութիւնները բարեբախտաբար չեն կաղար։

ԱԼԵՔՍ ՍՐԿ. ԳԱԼԱՅՃԵԱՆ

Թանձր գիշեր է դարձեալ։ Քայլամոլոր կ՚ուղեւորուիմ դէպի տուն։ Անէութեան զգացումը կը փորձէ զիս։ Գիտակցութեան առջեւ սակայն կ՚անէանայ ինքը՝ անէութիւնը։ Գիտակցութեանս ներզօր ուժով կը վերյիշեմ Ս. Գէորգ եկեղեցւոյ բոժոժաձայն զանգին ձայնը, որ ողջ մարմնիս եւ էութեանս մէջ կը տարրանայ։

Համակրելի մեներգչուհին գեղարուեստական գործունէութիւնը կը ճիւղաւորէ յաջող ծրագրերով:
Սիպիլ հրաւիրուած է Սփիւռքի յատկանշական ձեռնարկներէն մէկուն՝ Հայկական ժառանգութեան նաւապտոյտին:

Գոհունակութեամբ վերահասու կ՚ըլլանք, թէ մեր վաստակաշատ կրթական մշակներէն Լեռնա Գարագիւթիւք հրատարակած է իր անդրանիկ գիրքը, որ կը կոչուի «Երթաս բարով»։ Սա բանաստեղծութիւններու ժողովածոյ մըն է։

Ծանօթ է թէ Պատրիարքական, ինչպէս նաեւ համայնքային ու թաղային հաստատութեանց վարիչներու ընտրութեանց առթիւ քուէարկողներու ցանկերը երկար ժամանակէ ի վեր չեն այմէականացուած։