Արխիւ

Ամերիկայի Միացեալ Նահանգներու Ազգային անվտանգութեան խորհրդական Ճոն Պոլթըն երէկ Մոսկուայի մէջ հանդիպում մը ունեցաւ Ռուսաստանի Անվտանգութեան խորհուրդի քարտուղար Նիքոլայ Փաթրուշեւի հետ։ «Ինթերֆաքս» գործակալութեան հաղորդումներով, երկու բարձրաստիճան պաշտօնատարները քըն-նարկեցին բազմաբնոյթ հարցեր, ներառեալ սպառազինութիւններու վերաբերեալ համաձայնագրեր եւ Սուրիոյ իրադրութիւնը։

Երեւանի մէջ երէկ տեղի ունեցաւ «Եւրոասիական շաբաթ» խորագրեալ համաժողովը, որ երրորդն է իր տեսակին մէջ։ Եւրոասիոյ տնտեսական միութեան խորհուրդի նախագահ Տիգրան Սարգսեան եւ Հայաստանի վարչապետ Նիկոլ Փաշինեան ելոյթներով հանդէս եկան այս համաժողովի բացման։ «Արմէնփրէս»ի հաղորդումներով, նոյն ծիրին մէջ տեղի ունեցան միջազգային ցուցահանդէս-տօնավաճառ մը եւ Եւրոասիոյ տնտեսական միութեան անդամ երկիրներու արտահանման ապահովագրական գործակալութիւններու միջեւ խորհրդակցութիւն մը։

Ամերիկայի Միացեալ Նահանգներու նախագահ Տանըլտ Թրամփի իրաւաբանական հարցերով անձնական խորհրդականը՝ Ռուտի Ճուլիանի այս օրերուն կ՚այցելէ Երեւան։ Ռուսաստանի Հայոց միութեան նախագահ եւ ԻՒՆԷՍՔՕ-ի բարեկամեցողութեան դեսպան Արա Աբրահամեանի հրաւէրով տեղի կ՚ունենայ այս այցելութիւնը։ Ռուտի Ճուլիանի, որ Նիւ Եորքի նախկին քաղաքապետն է, Երեւանի մէջ մասնակցութիւն կը բերէ Եւրոասիոյ տնտեսական միութեան ծիրին մէջ կազմակերպուած ֆորումին։

Երուսաղէմի մէջ եկեղեցապատկան կալուածներու վերաբերեալ մտահոգիչ խնդիրները միշտ օրակարգի վրայ՝ ստեղծելով լուրջ ցասում:
Հայոց, յունաց եւ լատինաց պատրիարքները վերջին օրերուն համատեղ ստորագրութեամբ նամակ մը ուղարկեցին Իսրայէլի վարչապետ Պենիամին Նեթանիյահուին:

Գումգաբուի երէկուան հանգանակութեան արդիւնքը պոռթկում մը եղաւ համայնքէն ներս վարժարաններու ապագային համար վերջերս խորանալ սկսած յոռետեսութեան դէմ: Կեդրոնականի սիրոյ սեղանին նախագահեց Պատրիարքական ընդհանուր փոխանորդ Տ. Արամ Արք. Աթէշեան. «Եթէ եկեղեցին ու դպրոցը տկարանան, ապա յոյս չենք կրնար ունենալ ազգի գոյութեան համար»:

Երէկ, Երեւանի հիմնադրութեան 2800-ամեակը նշուեցաւ յոբելենական աննախընթաց խրախճանքով մը։ Հայաստանի մայրաքաղաքին մէջ իսկապէս եզակի օր մըն էր ժողովուրդի բարձր տրամադրութիւնով։

Պատրիարքական ընդհանուր փոխանորդ Տ. Արամ Արք. Աթէշեան այս առաւօտ մեկնեցաւ Մայր Աթոռ Սուրբ Էջմիածին։ Իսթանպուլ-Երեւան ուղիղ թռիչքով մեկնեցաւ նորին սրբազնութիւնը, որու կեցութիւնը պիտի շարունակուի մինչեւ շաբաթավերջ։

Արա Կիւլէր յաւերժութեան ճամբուեցաւ հանճարի մը վայել երախտագիտութեամբ։ Պատմական յուղարկաւորութիւնը տեղի ունեցաւ պետական արարողակարգով. դագաղը ծածկուած էր դրօշով։ Կալաթասարայի հրապարակին վրայ աշխարհահռչակ լուսանկարչին համար կազմակերպուած սգահանդէսը համախմբեց հասարակութեան բոլոր խաւերէն հեղինակաւոր դէմքեր, որոնք բիւր յարգանքով իրենց խոնարհումը բերին մեծանուն վարպետի յիշատակին ու վաստակին առջեւ։ Սրճարանի ընթացիկ սեղանին թողուած էին ծաղիկներ։ Իշխանութիւնները մասնակցեցան ամենաբարձր մակարդակի վրայ։ Պատրիարքական ընդհանուր փոխանորդ Տ. Արամ Արք. Աթէշեան նախագահեց Պէյօղլուի Ս. Երրորդութիւն եկեղեցւոյ փառաշուք արարողութեան։ Նախագահ Էրտողանի պատգամի հրապարակումէն վերջ, Կրօնական ժողովի ատենապետ Տ. Սահակ Եպսկ. Մաշալեան խօսեցաւ կուռ դամբանական մը։ Ներկայ էր Ուղղափառաց ծայրագոյն պատրիարք Տ.Տ. Պարթոլոմէոս Ա.-ի ներկայացուցիչը։ Հայաստանի մշտական ներկայացուցիչ Արսէն Աւագեան ընթերցեց Երեւանի ղեկավարութեան կողմէ ուղարկուած ցաւակցականները։ ԺԱՄԱՆԱԿ օրաթերթի գլխաւոր խմբագիր Արա Գօչունեան դամբանախօսեց հայերէնով։ Լուսարարապետ Տ. Թաթուլ Ծ. Վրդ. Անուշեան հանդիսապետեց Շիշլիի գերեզմանատան թաղման կարգին։ Շիրիմը այժմէն արդէն վերածուած է պատկառազդու  յուշարձանի մը։ Հրաժեշտի յուզումնախառն հանգրուանին իր խորհրդանշած կերպարի բազմակողմանի վերագնահատումէն ծնունդ առաւ նոր առասպել մը, որու թողած վիթխարի ժառանգը կը կամրջէ դարերը եւ կը միաձուլէ արժէքներն ու մշակոյթները։

Սու­րիոյ տագ­նա­պը կը շա­րու­նա­կէ մնալ թրքա­կան դի­ւա­նա­գի­տու­թեան կի­զա­կէ­տին։ Ան­գա­րա ի­րե­րա­յա­ջորդ նա­խա­ձեռ­նու­թիւն­նե­րով հան­դէս կու գայ այս խնդրին շուրջ՝ որ­պէս ա­ռանց­քա­յին դե­րա­կա­տար։ Այս ծի­րին մէջ Թուր­քիա յա­ռա­ջի­կայ շրջա­նին պի­տի կազ­մա­կեր­պէ կա­րե­ւոր գա­գա­թա­ժո­ղով մը։