Լրահոս

ՍԱԳՕ ԱՐԵԱՆ

Փա­շի­նեա­նի հրա­ժա­րա­կա­նէն ետք...
16 հոկ­տեմ­բե­րը կա­րե­ւոր թուա­կան մը դար­ձաւ Հա­յաս­տա­նի մէջ։ 

Հայաստանի Հանրապետութեան նախագահ Արմէն Սարգսեան, որ այս օրերուն կ՚այցելէ Ժընեւ, երէկ հանդիպում մը ունեցաւ գերմանացի ձեռնարկատէր Ֆրանք-Եուրկէն Ռիխթէրի հետ։ Այս վերջինը միեւնոյն ժամանակ Զուիցերիոյ մէջ գործող «Horasis» կեդրոնի հիմնադիր նախագահն է։

Ռուսաստանի նախագահ Վլատիմիր Փութին երէկ Մոսկուայի մէջ հիւրընկալեց Ամերիկայի Միացեալ Նահանգներու Ազգային անվտանգութեան խորհրդական Ճոն Պոլթընը։ Միջազգային աղբիւրներու հաղորդումներով, Փութինի եւ Պոլթընի զրոյցը անցաւ որոշ չափով լարուած մթնոլորտի մը մէջ։

CIA-ի տնօրէնուհի Ճինա Հեսփըլ այս օրերուն կ՚այցելէ Թուրքիա։ «Հիւրրիյէթ» օրաթերթի հաղորդումներով, ան հանդիպում մը կ՚ունենայ ՄԻԹ-ի խորհրդական Հաքան Ֆիտանի հետ։

Արմէն Սարգսեան. «Մենք պէտք է անպայման կարողանանք կառուցել կայուն եւ կանխատեսելի երկիր մը»:
Հայաստանի նախագահը եւ առաջին տիկինը հիւրընկալուեցան զուիցերահայ գործարար Վարդան Սըրմաքէշի կողմէ:

Ամերիկայի Միացեալ Նահանգներու նախագահ Տանըլտ Թրամփի իրաւաբանական հարցերով անձնական խորհրդականը՝ Ռուտի Ճուլիանի այս օրերուն կ՚այցելէ Երեւան։ Ռուսաստանի Հայոց միութեան նախագահ եւ ԻՒՆԷՍՔՕ-ի բարեկամեցողութեան դեսպան Արա Աբրահամեանի հրաւէրով տեղի կ՚ունենայ այս այցելութիւնը։ Ռուտի Ճուլիանի, որ Նիւ Եորքի նախկին քաղաքապետն է, Երեւանի մէջ մասնակցութիւն կը բերէ Եւրոասիոյ տնտեսական միութեան ծիրին մէջ կազմակերպուած ֆորումին։

Հայաստանի վարչապետ Նիկոլ Փաշինեան յայտարարեց, որ դժուար կը պատկերացնէ Լեռնային Ղարաբաղի հիմնահարցի կարգաւորումը՝ առանց Արցախի կարգավիճակի ճշգրտման եւ յստակեցման։ «Արմէնփրէս»ի հաղորդումներով, Պէյրութ կատարած այցելութեան ընթացքին, լիբանանահայ համայնքի ներկայացուցիչներու հետ զրուցելու ժամանակ Նիկոլ Փաշինեան անդրադարձաւ Արցախի հիմնախնդրի կարգաւորման։

Երեւանի մէջ երէկ տեղի ունեցաւ «Եւրոասիական շաբաթ» խորագրեալ համաժողովը, որ երրորդն է իր տեսակին մէջ։ Եւրոասիոյ տնտեսական միութեան խորհուրդի նախագահ Տիգրան Սարգսեան եւ Հայաստանի վարչապետ Նիկոլ Փաշինեան ելոյթներով հանդէս եկան այս համաժողովի բացման։ «Արմէնփրէս»ի հաղորդումներով, նոյն ծիրին մէջ տեղի ունեցան միջազգային ցուցահանդէս-տօնավաճառ մը եւ Եւրոասիոյ տնտեսական միութեան անդամ երկիրներու արտահանման ապահովագրական գործակալութիւններու միջեւ խորհրդակցութիւն մը։

Ամերիկայի Միացեալ Նահանգներու Ազգային անվտանգութեան խորհրդական Ճոն Պոլթըն երէկ Մոսկուայի մէջ հանդիպում մը ունեցաւ Ռուսաստանի Անվտանգութեան խորհուրդի քարտուղար Նիքոլայ Փաթրուշեւի հետ։ «Ինթերֆաքս» գործակալութեան հաղորդումներով, երկու բարձրաստիճան պաշտօնատարները քըն-նարկեցին բազմաբնոյթ հարցեր, ներառեալ սպառազինութիւններու վերաբերեալ համաձայնագրեր եւ Սուրիոյ իրադրութիւնը։

Հայաստանի Արտաքին գործոց նախարար Զօհրապ Մնացականեան երէկ հիւրընկալեց ԵԱՀԿ-ի շրջանային նախագահի Հարաւային Կովկասի հարցերով յատուկ ներկայացուցիչ Ռուտոլֆ Միխալքան, որ այցելեց Երեւան։ Մնացականեան հիւր դիւանագէտը շնորհաւորեց պատասխանատու պաշտօնի մէջ նշանակուելու բերումով եւ մաղթեց յաջողութիւն։