Իրանի արտաքին գործոց նախարար Ապպաս Արաղչի երէկ ընդունեց Ռուսաստանի արտաքին գործոց փոխ-նախարար Ալեքսանտր Կրուշքոն։ Թեհրանի զրոյցի ընթացքին քննարկուեցան տարածաշրջանէն ներս խաղաղութեան ու կայունութեան ապահովման վերաբերեալ հարցեր։
Մեծ բանաստեղծ Զահրատի 100-ամեակին ձօնուած «Կիկօ-ի հետ առաջ ու յետ» խորագրեալ ցուցահանդէսի բացման արձագանգները կը շարունակուին։ Գարակէօզեան տան համալիրէն ներս, «Նատիա եւ Տիգրան Կիւլմէզկիլ» գեղարուեստից աշխատանոցի երդիքին տակ կեանքի կը կոչուի այս բացառիկ նախագիծը, որ արժանացած է բարձր գնահատանքի։
Ամերիկայի Միացեալ Նահանգներու նախագահ Տանըլտ Թրամփ եւ Ռուսաստանի նախագահ Վլատիմիր Փութին այսօր կ՚ունենան հեռախօսազրոյց մը։ Անցեալ փետրուարի 12-ին անոնց միջեւ տեղի ունեցած խօսակցութենէն վերջ, սա արդէն նախագահներու երկրորդ շփումը պիտի ըլլայ։
Գերմանիոյ նախագահ Ֆրանք-Վալթէր Շթայնմայէր կը պատրաստուի այս ամսավերջին ուղեւորութեան մը ձեռնարկել դէպի Հարաւային Կովկաս։ Այսպէս, 30 մարտ-2 ապրիլ թուականներուն ան պիտի այցելէ Հայաստան եւ Ատրպէյճան։
Առաջնահերթ օրակարգ. «Սուրիոյ կողքին կանգնիլ. յաջող անցումի մը համար դիմագրաւել կարիքները»:
ԵՄ-ի կողմէ կազմակերպուած հերթական խորհրդաժողովին առաջին անգամ հրաւիրուեցաւ Դամասկոսի ղեկավարութիւնը:
Այս հարցի արդիականութիւնը Հայաստանի ներքին քաղաքական օրակարգ մտաւ նոյնքան յախուռն ու անսպասելի՝ որքան փետրուարի 17-ի ասուլիսի Հայաստանի երկրորդ նախագահի այն բացայայտումը, թէ «Հայաստան» դաշինքը ծանրակշիռ մասնակցութիւն պիտի ունենայ յառաջիկայ քաղաքական գործընթացներուն՝ ըլլան անոնք խորհրդարանական հերթական կամ արտահերթ ընտրութիւններ եւ կամ փողոցային պայքարի մարտավարութիւն։
Պոլսահայ մշակութասէրներուն տեսակէտէ շաբաթավերջին եզակի ու հաճելի իրադարձութիւն մը եղաւ «Կիկօ-ի հետ առաջ ու յետ» խորագրեալ ցուցահանդէսին բացումն ու նոյն առթիւ պատրաստուած գիրքին շնորհանդէսը։ Երէկ յետմիջօրէին, Գարակէօզեան տան համալիրէն ներս, «Նատիա եւ Տիգրան Կիւլմէզկիլ» գեղարուեստից աշխատանոցի երդիքին տակ տեղի ունեցաւ ձեռնարկը, որ մեծանուն բանաստեղծ Զահրատի վիթխարի ժառանգութեան վառ հետքերուն հետեւելու առումով ինքնուրոյն հնարաւորութեան մը վերածուեցաւ
Հանրապետութեան նախագահ Ռեճեփ Թայյիպ Էրտողան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Տանըլտ Թրամփի հետ։ Անգարա-Ուաշինկթըն առանցքին վրայ սա եղաւ Սպիտակ տան նոր շրջանի առաջին ամենաբարձր մակարդակի շփումը։
Հայաստանի վարչապետ Նիկոլ Փաշինեան շաբաթավերջին հեռախօսազրոյցներ ունեցաւ Ֆրանսայի Հանրապետութեան նախագահ Էմմանիւէլ Մաքրոնի եւ Իրանի նախագահ Մեսուտ Փեզեշքիանի հետ։
Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Ռուսաստանի նախագահ Վլատիմիր Փութինի հետ։ Պաշտօնական աղբիւրներու հաղորդումներով, երկու ղեկավարներու շփումը տեղի ունեցաւ՝ Հայաստան-Ատրպէյճան ենթադրեալ խաղաղութեան պայմանագրի բովանդակութեան շուրջ բանակցութիւններու աւարտին կապակցութեամբ։
