Ըստ Նիկոլ Փաշինեանի, Հայաստանի Հանրապետութեան միջազգայնօրէն ճանչցուած սահմանները կը մնան անձեռնմխելի: Վարչապետի յայտարարութիւնները չեն արդարանար դաշտի վրայ: Գերիներու փոխանակման ծիրէն ներս Ատրպէյճանին վերադարձուեցաւ՝ Արցախի մէջ անչափահաս մը սպաննած երկու սահմանախախտ դատապարտեալ: Երէկ երեկոյեան ժամերուն Երեւան հասաւ 44 ռազմագերի:
Լեռնային Ղարաբաղի մէջ շաբաթավերջին պատահած բախումները, հրադադարի խախտումներու զուգահեռ՝ Ատրպէյճանի բանակին կողմէ հայկական երկու գիւղերու եւս գրաւումը ստեղծած է լայն արձագանգ։ Քրեմլինի բանբեր Տիմիթրի Փեսքով երէկ յայտարարեց, որ Մոսկուա կը հետեւի Լեռնային Ղարաբաղէ ներս տիրող իրավիճակին։
Հայկական բարեգործական ընդհանուր միութիւնը (ՀԲԸՄ) յայտարարութիւնով մը հանդէս եկաւ Հայաստանի դիմագրաւած լուրջ տագնապի մթնոլորտին մէջ։ ՀԲԸՄ հայաշխարհի մեծագոյն բարենպատակ հաստատութիւնն է, ունի աշխարհատարած ցանց մը եւ հայոց սփիւռքին տեսակէտէ ամենաներկայացուցչական կառոյցներէն մին կը համարուի։
Մոսկուա եւ Անգարա աւարտին հասցնելու վրայ են՝ Լեռնային Ղարաբաղի հրադադարի վերահսկման նպատակով նախատեսուած Թուրքիա-Ռուսաստան համատեղ կեդրոնի բացման աշխատանքները։ Ազգային պաշտպանութեան նախարարութեան աղբիւրները հաղորդեցին, որ բանակցութիւնները յառաջ կը տարուին Պաքուի հետ համագործակցութեամբ։
Ֆրանսայի կողմէ ձեռնարկուած մարդասիրական օժանդակութեան արշաւի ծիրէն ներս շաբաթավերջին Երեւան հասաւ երրորդ ֆրանսական օդանաւը, որ կը փոխադրէր մարդասիրական օժանդակութիւն։ «Արմէնփրէս»ի հաղորդումներով, Երեւանի մօտ Ֆրանսայի դեսպանութեան աղբիւրները տեղեկացուցին, որ այս թռիչքով փոխադրուած է «Ազնաւուր» հիմնարկին կողմէ հաւաքուած մարդասիրական նուիրատուութիւնը։
Հրադադարի համաձայնութենէն վերջ առաջին անգամ շաբաթավերջին բախումներ տեղի ունեցան:
Հայաստանի Ազգային անվտանգութեան խորհուրդը երէկ երեկոյեան արտահերթ ժողով մը գումարեց:
Իլհամ Ալիեւ Պաքուի մէջ շաբաթավերջին տեսակցեցաւ Վիսքոնթիի եւ Շեֆըրի հետ. «Ես չէ, որ այստեղ հրաւիրած եմ ձեզ»:
ԵԱՀԿ-ի Մինսքեան խմբակի ֆրանսացի եւ ամերիկացի համանախագահները այսօր բարձր մակարդակի շփումներ կ՚ունենան Երեւանի ղեկավարութեան հետ:
Հայաստանի ներքին քաղաքական առկայ փակուղիին մէջ Հանրապետութեան նախագահ Արմէն Սարգսեան կը շարունակէ զանազան մակարդակներու վրայ շփումներն ու խորհրդակցութիւնները։ Վարչապետ Նիկոլ Փաշինեանի հրաժարականի պահանջով ամբողջ երկրէն ներս կը շարունակուին զանազան ձեւաչափերով բողոքի ցոյցերը։
Ատրպէյճանի նախագահ Իլհամ Ալիեւ տեղեկացուց, որ Լեռնային Ղարաբաղի հրադադարի վերահսկման համար նախատեսուած Ռուսաստան-Թուրքիա համատեղ դիտարկման կեդրոնը պիտի ստեղծուի Աղտամի շրջանէն ներս։ Ան այս յայտարարութիւնը ըրաւ շաբաթավերջին ԵԱՀԿ-ի Մինսքեան խմբակի ամերիկացի եւ ֆրանսացի համանախագահները ընդունելով։
Հայաստանի վարչապետ Նիկոլ Փաշինեան այս առաւօտ հանդէս եկաւ ընկերային ցանցերու վրայ ելոյթով մը՝ ժողովուրդի հետ զրոյցի ձեւաչափին մէջ։ Այս առթիւ ան տեղեկացուց, որ 19 դեկտեմբերին պիտի լրանայ Արցախի լայնածաւալ պատերազմին վերջ տուած հրադադարի համաձայնութեան 40-րդ օրը։
