Լրահոս

Չավուշօղլու. «Թուրքիա մտադրութիւն ունի Հայաստանի հետ յարաբերութիւնները կարգաւորելու»:
Արտաքին գործոց նախարարը հերթական անգամ խօսեցաւ Անգարա-Երեւան կապերու ապագային առընչութեամբ:

Հայաստանի Հանրապետութեան նախագահ Արմէն Սարգսեան կը շարունակէ դարմանման տակ մնալ՝ քորոնաժահրով վարակուած ըլլալով։ Նախագահ Սարգսեան տարեմուտին Լոնտոնի մէջ ենթարկուած էր վիրահատութեան մը եւ այդ ժամանակ վարակուած՝ քորոնաժահրով։

«Տասնամեակներ շարունակ բանակցութիւններու ընթացքին երբեք չէ հնչած Հայաստանի եւ Լեռնային Ղարաբաղի միջեւ կապը խզելու հարցը»:
Ըստ Սերկէյ Լաւրովի, ռազմական գործողութիւններուն վերջ տուած 9 նոյեմբերի հրադադարի եռակողմանի համաձայնութիւնը գաղտնի յաւելուածներ ընդհանրապէս չունի:

Հայաստանի Մարդու իրաւանց պաշտպան Արման Թաթոյեան երէկ պաշտօնական նամակներով դիմեց ԵԱՀԿ-ի Մինսքեան խմբակի համանախագահներուն եւ ԵԱՀԿ-ի շրջանային նախագահի յատուկ ներկայացուցիչ դեսպան Անճէյ Կասպըրչիկին։ Այս առթիւ ան անդրադարձաւ Ատրպէյճանէն հայ ռազմագերիներու վերադարձի եւ անոնց իրաւունքներու պաշտպանութեան վերաբերեալ հարցերու։

Հայաստանի ներքին քաղաքական տագնապի մթնոլորտին մէջ վարչապետ Նիկոլ Փաշինեան իր վարչախումբի յառաջատար դէմքերու պարագային երէկ կատարեց կարգ մը նոր նշանակումներ։ Հայաստանի կառավարութիւնը մէկ կողմէ կը ջանայ յետպատերազմեան իրավիճակի մէջ հրաժարականի համատարած պահանջի մարտահրաւէրը դիմագրաւել, իսկ միւս կողմէ Նիկոլ Փաշինեան կը կատարէ նոր նշանակումներ։

Նահատակեալ լրագրողը մահուան տարելիցին առթիւ հերթական անգամ կը վերյիշուի բիւր յարգանքով:
«Ակօս» շաբաթաթերթի խմբագրատան նախկին շէնքին վրայ կը ցոլանայ հոգելոյս Հրանդ Տինքի դիմանկարը:

Հանրապետութեան նախագահ Ռեճեփ Թայյիպ Էրտողան շաբաթավերջին հեռախօսազրոյց մը ունեցաւ Ատրպէյճանի նախագահ Իլհամ Ալիեւի հետ։ Լեռնային Ղարաբաղի լայնածաւալ պատերազմին յաջորդած իրադրութեան մէջ երկու ղեկավարները շօշափեցին Թուրքիա-Ռուսաստան դիտարկման համատեղ կեդրոնի մօտալուտ գործունէութեան վերաբերեալ հարցեր։

Արցախի ձեռագրական ժառանգութիւնը կը ցուցադրուի Երեւանի «Մեսրոպ Մաշտոց» մատենադարանին մէջ։ Այսպէս, Երեւանի «Մեսրոպ Մաշտոց» մատենադարանը կը պատրաստուի ցուցադրութեան մը։

«Կամք, իմաստութիւն, սէր» խորագրով մէկ հարթակի մէջ կը ներկայացուին անուանի հայ արուեստագէտներու բացառիկ գործերը։ Այսպէս, Վարդգէս Սուրէնեանցի, Եղիշէ Թադէոսեանի, Յակոբ Կիւրճեանի, Գրիգոր Խանճեանի, Մինաս Աւետիսեանի, Սերկէյ Փարաճանովի եւ խումբ մը այլ անուանի հայ արուեստագէտներու աշխատանքներ, որոնց մէջ կը պատկերուի Յիսուս Քրիստոսի կերպարը, կը ներկայացուին «Կամք, իմաստութիւն, սէր» խորագրով ցուցահանդէսով:

Ալիեւները այց մը տուին Շուշի՝ ներառեալ քաղաքի մեծ մզկիթն ու Ս. Ամենափրկիչ Ղազանչեցոց եկեղեցին:
Ատրպէյճանի եւ Ռուսաստանի արտաքին գործոց նախարարներուն միջեւ երէկ տեղի ունեցաւ հեռախօսազրոյց մը: