Կը տեղեկանանք, որ Մոնրէալի մէջ լոյս տեսած է սփիւռքահայ յայտնի մտաւորական Վրէժ-Արմէնի գրութիւններու համապարփակ մատենագիտութիւնը։ 1954 թուականի մայիսէն մինչեւ այս տարուան մարտ ամսուան ժամանակաշրջանը՝ այս մատենագրութեան մէջ արդէն ամփոփուած են հեղինակին կողմէ ստորագրուած բազմաբնոյթ գրութիւնները։
Վրաստան մինչեւ տարեվերջ պիտի ստանայ Եւրոմիութեան անդամակցութեան թեկնածուի կարգավիճակ։ Թիֆլիզ աւարտած է՝ այդ կարգավիճակը ձեռք բերելու համար անհրաժեշտ 12 յանձնարարականներու աշխատանքները եւ մինչեւ տարեվերջ Պրիւքսելի կողմէ իրեն պիտի տրամադրուի անդամակցութեան թեկնածուի կարգավիճակ։
Ատրպէյճանի եւ Իսրայէլի համագործակցութիւնը կը շարունակէ զարգանալ բոլոր ուղղութիւններով։ Այսպէս, կը հաղորդուի, որ յառաջիկային Իսրայէլ պաշտպանական արդիւնաբերութեան ձեռնարկութիւններէն մէկը Ատրպէյճանին պիտի տրամադրէ՝ 120 միլիոն ամերիկեան տոլար արժողութեամբ երկու արբանեակ։
Կը տեղեկանանք, որ «Արաս» հրատարակչութիւնը վերջերս հրատարակած է հետաքրքրական վէպ մը, որ կը կոչուի «Kızgın Buhardaki Koza» եւ որու հեղինակն է Յակոբ Կոպէլեան։ Սա ունի պատմավէպի մը բնոյթը, որովհետեւ գործը կը վերաբերի անցեալի հայաբնակ Պարտիզակին եւ անոր վերաբերեալ ինչ-ինչ յիշողութիւններու։
Ապրիլի 24-ի պատգամին մէջ նախագահ Պայտըն դարձեալ ցեղասպանութիւն որակեց 1915-ի դէպքերը:
Չավուշօղլու. «Դարձեալ բեմահարթակի վրայ են քաղաքական շառլաթանները, որոնք կը ջանան պատմութիւնը աղաւաղել»:
Երեւանի մէջ վերջին օրերուն տեղի ունեցաւ Հայաստանի, Իրանի եւ Հնդկաստանի արտաքին գործոց նախարարութիւններուն միջեւ եռակողմանի ձեւաչափով քաղաքական խորհրդակցութիւն մը, որ առաջինն էր իր նմաններու շարքին։
Թուրքիոյ, Ռուսաստանի, Սուրիոյ եւ Իրանի միջեւ քառակողմանի բանակցութիւնները այսօր կը շարունակուին Մոսկուայի մէջ։ Այս անգամուան ժողովը պաշտպանութեան նախարարներու մակարդակով կազմակերպուած է։
Երեւանի «Մխիթար Հերացի» պետական բժշկական համալսարանը պատուոյ տոքթորի կոչում շնորհեց Ֆրանսայի յայտնի մասնագէտներէն փրոֆ. Էրվէ Ֆերնանտեսին։ Այս վերջինը Փարիզի «Քրեմլեն-Պիսեթրէ» համալսարանական մանկաբարձա-կնախտաբուժական հիւանդանոցին գլուխը կը գտնուի։
Երեւանի մէջ վերջին օրերուն տեղի ունեցաւ Եւրոպայի ծանրաբարձութեան առաջնութիւնը, որ պսակուեցաւ բացառիկ յաջողութեամբ։ «Կարէն Տեմիրճեան» մարզահամերգային համալիրէն ներս տեղի ունեցաւ մրցաշարքը, որ տեւեց շուրջ շաբաթ մը։
Համայն հայութիւնը այսօր դարձեալ համախումբ է 24 Ապրիլի առթիւ։ Աշխարհի չորս ծագերուն հայերը կ՚ոգեկոչեն իրենց սուրբ նահատակները։ 1915-ի ցեղասպանութենէն 108 տարի անց աշխարհասփիւռ հայ ժողովուրդը բիւր յարգանքով իր խոնարհումը կը բերէ նահատակներու նուիրական յիշատակին առջեւ՝ խնդրելով անոնց բարեխօսութիւնը։
