Լրահոս

«ՄԱՅՔՐՈՍՈՖԹ» ԿԱՐԵՒՈՐ ԿԵԴՐՈՆ ՄԸ ՊԻՏԻ ՍՏԵՂԾԷ ՀԱՅԱՍՏԱՆԻ ՄԷՋ

«Մայք­րո­սոֆթ» ըն­կե­րու­թիւ­նը Հա­յաս­տա­նի մէջ պի­տի հիմ­նէ ամպա­յին եւ բջի­ջա­յին փոր­ձա­գի­տու­թիւն­նե­րու նոր կեդ­րոն մը։ «Ար­մէնփ­րէս»ի հա­ղոր­դում­նե­րով, սա պի­տի դառ­նայ ըն­կե­րու­թեան տասն լա­ւա­գոյն կեդ­րոն­նե­րէն մին աշ­խար­հի մէջ։

ԵԸԼՄԱԶԷՐԷՆ ՑՈՒՑՄՈՒՆՔՆԵՐ

Լրագ­րող-հրա­պա­րա­կա­գիր Հրանդ Տին­քի դէմ կա­տա­րուած մա­հա­փոր­ձի հար­ցաքն­նու­թեան շրջագ­ծով ե­րէկ երկ­րորդ ան­գամ ցուց­մունք­ներ տուաւ Իս­թան­պու­լի Անվ­տան­գու­թեան տնօ­րէ­նու­թեան լրա­քա­ղու­թեան բա­ժան­մուն­քի պետ Ա­լի Ֆուատ Եըլ­մա­զէր։ «Ա­նա­տո­լու» գոր­ծա­կա­լու­թեան հա­ղոր­դում­նե­րով, ան այդ ցուց­մունք­նե­րը տուաւ Իս­թան­պու­լի Հան­րա­պե­տա­կան ա­ւագ դա­տա­խա­զու­թեան ա­հա­բեկ­չու­թեան ու կազ­մա­կեր­պեալ յան­ցա­գոր­ծու­թիւն­նե­րու բա­ժան­մուն­քի դա­տա­խազ Կէօ­քալփ Քէօք­ճի­ւի կող­մէ յա­ռաջ տարուած հե­տաքն­նու­թեան շրջագ­ծով։

ԱՆԳԱՐԱՅԻ ԿԱՐՄԻՐ ԳԻԾԵՐԸ

Եւ­րո­միու­թեան գծով նա­խա­րար Վոլ­քան Պոզ­քըր յայ­տա­րա­րեց, թէ Եւ­րո­խորհր­դա­րա­նի Թուր­քիոյ վե­րա­բե­րեալ յե­տաձ­գեալ տե­ղե­կագ­րի հար­ցին շուրջ մաս­նա­ւո­րա­պէս խնդրա­յա­րոյց դար­ձած է հայ­կա­կան հար­ցը։ «Հա­պէր Թիւրք»ի հա­ղոր­դում­նե­րով, Եւ­րո­խորհրդա­րա­նի Թուր­քիոյ վե­րա­բե­րեալ տե­ղե­կագ­րի նա­խագ­ծին հա­մար 420 փո­փո­խու­թեան ա­ռա­ջարկ կա­տա­րուած է։

ՄԱԿ-Ի ՄՕՏ ՊԱՔՈՒԻ ԿՈՂՄԷ ՀԵՐԹԱԿԱՆ ՓԱՍՏԱԹՈՒՂԹԸ

Թէեւ Լեռ­նա­յին Ղա­րա­բա­ղի հա­կա­մար­տու­թիւ­նը յա­րա­բե­րա­բար սա­ռե­ցեալ վի­ճա­կի մը մէջ կը գտնուի, սա­կայն հայ եւ ա­զէ­րի կող­մե­րուն մի­ջեւ լայ­նա­ծա­ւալ դի­ւա­նա­գի­տա­կան պայ­քար մը կ՚ըն­թա­նայ մի­ջազ­գա­յին կազ­մա­կեր­պու­թիւն­նե­րուն մօտ։ «Ա­զա­տու­թիւն» ռա­տիօ­կա­յա­նի հա­ղոր­դում­նե­րով, Պա­քու ՄԱԿ-ի անվ­տան­գու­թեան խոր­հուր­դին մօտ շրջանա­ռու­թեան մէջ դրած է հեր­թա­կան փաս­տա­թուղ­թը, որ սադ­րանք ու զրպար­տանք կը հա­մա­րուի Ե­րե­ւա­նի կող­մէ։

ՄԱՅԻՍԻ 28-Ի ՏՕՆԻՆ ԱՌԹԻՒ ՊԱՐԳԵՒԱՏՐՈՒՄՆԵՐ

Ե­րէկ, Մա­յիս 28-ի Հան­րա­պե­տու­թեան տօ­նը փայ­լուն հան­դի­սու­թիւն­նե­րով նշուե­ցաւ Հա­յաս­տա­նի մէջ։ Սար­տա­րա­պա­տի յու­շա­հա­մա­լի­րին մօտ տե­ղի ու­նե­ցած հան­դի­սու­թիւն­նե­րուն մաս­նակ­ցե­ցաւ Հան­րա­պե­տու­թեան նա­խա­գահ Սերժ Սարգ­սեան, որ հան­դէս ե­կաւ ե­լոյ­թով մը։ Տե­ղի ու­նե­ցաւ նաեւ զի­նուո­րա­կան շքերթ։

Էջեր