Հայաստանի Հանրապետութեան նախագահ Սերժ Սարգսեան երէկ տեսակցեցաւ՝ իր գլխաւորած Հայաստանի Հանրապետական կուսակցութեան կողմէ նախագահի թեկնածու առաջադրուած Արմէն Սարգսեանի հետ։ «Արմէնփրէս»ի հաղորդումներով, Արմէն Սարգսեան հանդիպման ընթացքին Սերժ Սարգսեանին տեղեկացուց, որ ընդունած է Հայաստանի Հանրապետութեան նախագահի թեկնածու ըլլալու առաջարկը։
Հոլանտայի մէջ համախոհական իշխանութեան մասնակից չորս կուսակցութիւնները կը պատրաստուին խորհրդարանի մէջ հաւանութիւն տալ՝ հայկական հարցին շուրջ պատրաստուած երկու բանաձեւերու։ «Պի.Պի.Սի.»ի թրքական ծառայութեան հաղորդումներով, այդ երկու բանաձեւերուն հեղինակն է Քրիստոնէական միութեան կուսակցութեան երեսփոխաններէն Ժոէլ Վորտեւինտ։
ՖԻՖԱ-ի աշխարհի ախոյենութեան բաժակը պատմութեան մէջ առաջին անգամ ըլլալով գտնուեցաւ Հայաստանի մէջ:
Արհեստավարժ կռփամարտիկ, գերմիջին կարգի WBO-ի վարկածով աշխարհի նախկին ախոյեան Արթուր Աբրահամ յայտարարեց, որ իր յաջորդ մենամարտը պիտի կատարէ 28 Ապրիլին, հակառակ անոր որ իր մրցակիցին անունը ցարդ անորոշ է:
Հայաստանի Ֆութպոլի դաշնակցութիւնը հաղորդեց, որ Հայաստանի ֆութպոլի բարձրագոյն դասակարգի ախոյենութեան եւ բաժակի մրցաշարքին գծով կատարուած են շարք մը փոփոխութիւններ:
Հանրապետութեան նախագահ Էրտողան երէկ երեկոյեան ընդունեց Ամերիկայի Միացեալ Նահանգներու Արտաքին գործոց նախարար Թիլըրսընը:
Անգարայի եւ Ուաշինկթընի միջեւ առկայ ծանրակշիռ խնդիրները քննարկուեցան բոլոր մանրամասնութիւններով ու առաջնահերթութիւններու ընդգծումով:
Թուրքիա եւ Գերմանիա պատրաստակամ են յաղթահարելու իրենց առկայ տարակարծութիւնները:
Վարչապետներ Պինալի Եըլտըրըմ եւ Անկելա Մերքէլ խնդիրները քննարկեցին դրական ակնկալութիւններով:
Հայաստանի Հանրապետութեան նախագահի թեկնածու Արմէն Սարգսեան կը շարունակէ ունենալ լայնախարիսխ հանդիպումներ եւ բազմակողմանի շփումներ՝ իր վերջնական որոշումը տալու սեմին։ Արմէն Սարգսեան ցայսօր տեսակցեցաւ քաղաքական կուսակցութիւններու ներկայացուցիչներու, գիտական ու թեքնիկ յառաջատար կառոյցներու վարիչներու, մտաւորականներու, գեղարուեստական աշխարհէ դէմքերու եւ հասարակական կազմակերպութիւններու պատասխանատուներու հետ։
Ռուսաստանի Արտաքին գործոց նախարարութեան բանբեր Մարիա Զախարովա յայտարարեց, որ յոյս կայ Լեռնային Ղարաբաղի հակամարտութեան լուծման ուղղութեամբ։ «Արմէնփրէս» լրատու գործակալութեան հաղորդումներով, ռուս բանբերը յայտնեց, որ Ռուսաստան կ՚ակնկալէ՝ թէ ղարաբաղեան հակամարտութիւնը պիտի գտնէ իր լուծումը։
Առողջապահութեան նախարար Ահմէտ Տեմիրճան վաղը Գումգաբուի մէջ պիտի մասնակցի նորոգ հանգուցեալ Փրոֆ. Յակոբ Կոթողեանի յուղարկաւորութեան։ Ս. Աստուածածին Աթոռանիստ Մայր եկեղեցւոյ մէջ նախատեսուած արարողութեան ժամանակ ան պիտի ներկայացնէ պետութիւնը եւ յանուն Հանրապետութեան նախագահ Րէճէպ Թայյիպ Էրտողանի պիտի փոխանցէ վշտակցութիւններ։
