Թրքահայ կեանք

Մխի­թա­րեան վար­ժա­րա­նին նա­խա­ձեռ­նու­թեամբ կազ­մա­կեր­պուած միջ­լի­սէա­կան մար­զա­կան խրախ­ճան­քի մրցա­նա­կա­բաշ­խու­թիւ­նը ե­րէկ տե­ղի ու­նե­ցաւ խան­դա­վառ մթնո­լոր­տի մը մէջ։ Մեր լի­սէ­նե­րու խում­բե­րը վո­լէյ­պո­լի եւ պաս­քեթ­պո­լի հան­դի­պում­նե­րու ար­դիւն­քին մրցա­նա­կի ար­ժա­նա­ցան հան­դի­սա­ւոր ա­րա­րո­ղու­թիւ­նով մը։

Սուրբ Փրկիչ Ազգային հիւանդանոցի տարեգրութեանց մէջ էջ մը եւս թերթուեցաւ՝ հպարտութեան զգացումներով եւ յարատեւութեան մաղթանքով:
Համբարձման տօնին օրը այս տարի եւս համայնքային շրջանակները բարձր տրամադրութեամբ նշեցին Գթութեան յարկին հիմնադրութեան տարեդարձը:

Գա­րա­կէօ­զեա­նի ըն­տա­նի­քը ե­րէկ կազ­մա­կեր­պեց ե­րաժշ­տա­կան խան­դա­վառ ձեռ­նարկ մը։ «Դուն ալ մաս­նակ­ցէ, դուն ալ նուա­գէ» կար­գա­խօ­սով կազ­մա­կերպուած ե­րաժշ­տա­կան մա­րա­թոն մըն էր այս մէ­կը, որ տե­ղի ու­նե­ցաւ Շիշ­լիի «Քենթ» մշա­կոյ­թի կեդ­րո­նի եր­դի­քին տակ։

Է­սաեան վար­ժա­րա­նի նա­խա­ձեռ­նու­թեամբ կազ­մա­կեր­պուած անգ­լե­րէն բա­ռա­խա­ղի (Scrabble) 9-րդ մր­ցոյ­թը ե­րէկ եզ­րա­փա­կուե­ցաւ խան­դա­վառ մթնո­լոր­տի մը մէջ։ Նա­խըն­թաց օ­րուան միջ­նա­կար­գե­րու պար­գե­ւատ­րու­մէն վերջ, ե­րէկ ալ լի­սէ­նե­րու դա­սա­ւոր­ման մրցա­նա­կա­բաշ­խու­թիւ­նը տե­ղի ու­նե­ցաւ վար­ժա­րա­նի սրա­հին մէջ։

Մխի­թա­րեան վար­ժա­րա­նի նա­խա­ձեռ­նու­թեամբ կազ­մա­կեր­պուած մար­զա­կան խրախ­ճան­քը վեր­ջին օ­րե­րուն ա­ռիթ հան­դի­սա­ցաւ մեծ ո­գե­ւո­րու­թեան։ Եր­կար տա­րի­նե­րէ ի վեր կը կազ­մա­կեր­պուի այս խրախ­ճան­քը, հե­տե­ւա­բար ու­նի խոր ա­ւան­դու­թիւն­ներ ու ձե­ւա­ւո­ր-ւած նա­խըն­թաց­ներ։

Թոփ­գա­բուի Լե­ւոն-Վար­դու­հան վար­ժա­րա­նի 8-րդ դա­սա­րա­նի ա­շա­կերտ­նե­րը ան­ցեալ շա­բա­թա­վեր­ջին ու­ղե­ւո­րու­թիւն մը ի­րա­կա­նա­ցու­ցին դէ­պի Էս­կի­շէ­հիր։ Խում­բին գլու­խը կը գտնուէին վար­ժա­րա­նի տնօ­րէ­նու­հի Ա­նի­թա Թու­մա­յեան եւ ա­ւար­տա­կան դա­սա­րա­նի ու­սուց­չու­հի Լու­սիա Գը­լընճ­լը։

ԱԳ կուսակցութեան կողմէ առաջադրուած երեսփոխանի թեկնածուն երէկ երեկոյեան համայնքային շրջանակներուն հետ մէկտեղուեցաւ «Elite World» պանդոկին մէջ:
Մարգար Էսաեան խանդավառ ելոյթով մը բացատրեց յառաջիկայ շրջանին վերաբերեալ իր մտադրութիւնները եւ սպասումները: Խրախուսական անկեղծ ու ջերմ խօսքեր արտասանեցին նաեւ Տ. Սահակ Եպսկ. Մաշալեան եւ Պէյօղլուի քաղաքապետ Ահմէտ Միսպահ Տէմիրճան:

Ե­րէկ, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Է­սաեան վար­ժա­րա­նի հա­յե­րէ­նի ու­սուց­չու­հի­նե­րէն Ար­մա­ւե­նի Մի­րօղ­լուն, ո­րուն կ՚ըն­կե­րա­նա­յին դպրո­ցի լե­զուի բաժ­նին հե­տե­ւող ա­ւար­տա­կան դա­սա­րա­նի սա­նե­րը։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան նա­խըն­թաց օր հիւ­րըն­կա­լեց Շիշ­լի մար­զա­կում­բին կող­մէ խումբ մը։ Վար­չու­թեան ա­տե­նա­պետ Ա­լէն Թէք­պը­չա­քի գլխա­ւո­րու­թեամբ շիշ­լի­ցի­նե­րը Նո­րին Սրբազ­նու­թեան բա­ցատ­րու­թիւն­ներ տուին ամ­սա­վեր­ջին կա­յա­նա­լիք «Նո­րա­ծա­գում» հա­ւա­քոյ­թին շուրջ, ո­րու պատ­րաս­տու­թիւն­նե­րը յա­ռաջ կը տա­րուին Նա­տիա Շա­տեա­նի կող­մէ գլխա­ւո­րուած կար­գա­դիր յանձ­նա­խում­բին կող­մէ։

Թրքա­հայ ու­սուց­չաց միու­թեան նա­խա­ձեռ­նու­թեամբ այ­սօր տե­ղի կ՚ու­նե­նայ կրթա­կան մշակ­նե­րու տա­րե­կան ա­ւան­դա­կան պտոյ­տը։ Մեր վար­ժա­րան­նե­րուն մէջ գոր­ծող կամ հանգս­տեան կո­չուած կրթա­կան մշակ­ներ այս ա­ռա­ւօտ մաս­նա­ւոր փո­խադ­րա­մի­ջոց­նե­րով Ֆէ­րի­գիւ­ղէն ճամ­բայ ե­լան դէ­պի Վոս­փոր՝ Գա­լէն­տէր թա­ղա­մա­սը, ուր «Գաղտ­նի պար­տէզ» զբօ­սա­րա­նին մէջ կ՚ան­ցը­նեն ի­րենց օ­րը։