Մխիթարեան վարժարանը այս տարի տուաւ իր 192-րդ շրջանաւարտները: Ընթացաւարտ աշակերտներուն հանդէսը, որ պիտի կատարուէր վարժարանին պարտէզին մէջ, աննպաստ օդի հաւանականութեան պատճառաւ տեղի ունեցաւ Շիշլիի «Մարիոթ» պանդոկին մէջ:
Պատրիարքական ընտրութիւնը թիւրիմացութիւններէ զերծ ու երաշխաւորեալ ձեւով կազմակերպելու նպատակով կ՚առնուին հեռատես ու նրբանկատ քայլեր, որոնք յաչս պետութեան ամուր ենթագետին մը պիտի ստեղծեն յառաջիկայ ճակատագրական գործընթացին համար:
Եկեղեցականաց համագումար ժողովը ձայներու ջախջախիչ մեծամասնութեամբ վերջ տուաւ ընդհանուր փոխանորդի պաշտօնին եւ Տ. Արամ Արքեպսկ. Աթէշեանի համապատասխան իրաւասութիւններուն:
Տեղապահ Տ. Գարեգին Արքեպսկ. Պեքճեանի գլխաւորութեամբ կ՚ընթանան նաեւ նախաձեռնարկ մարմին մը կազմելու ուղղեալ աշխատանքները: Ընդունուած բանաձեւը այսօր կը ներկայացուի Իսթանպուլի կուսակալութեան:
Այսու կը ծանուցանենք թէ 28 Յունիս 2017, Չորեքշաբթի, ժամը 10.00-ին, Եկեղեցական Ընդհանուր Ժողովը գումարուեցաւ, Պատրիարքարանի դահլիճին մէջ, նախագահութեամբ՝ Պատրիարքական Տեղապահ՝ Բարձր. Տ. Գարեգին Արքեպիսկոպոս Պեքճեանի։
Սամաթիոյ Ս. Գէորգ եկեղեցւոյ մէջ անցեալ շաբաթավերջին տեղի ունեցաւ ոգեկոչման արարողութիւն մը, որ կը ներկայացնէր կարեւոր նշանակութիւն։ Այսպէս, բնիկ սամաթիացի Մարանճեան գերդաստանի հանգուցեալ անդամներուն համար կատարուեցաւ հոգեհանգստեան պաշտօն։
Տեղապահ սրբազան հայրը այս առաւօտ նախագահեց Եկեղեցականաց համագումարի ժողովին:
Գումգաբուի մէջ ուշադիր աշխատանք կը տարուի՝ յաչս պետութեան բանաձեւելու եւ հիմնաւորելու համար ընդհանուր փոխանորդի պաշտօնին վերջ գտած ըլլալը: Տ. Գարեգին Արք. Պեքճեան եւ Տ. Արամ Արք. Աթէշեան հանդիպում մը ունեցան վերջին օրերու արձակուրդէն առաջ:
Նորին Սրբազնութիւնը կը շարունակէ լայնախարիսխ խորհրդակցութիւնները՝ նախաձեռնարկ մարմնի մը ձեւաւորման սեմին:
Հայաստանի մէջ վերջին օրերուն տեղի ունեցաւ թրքահայ համայնքին տեսակէտէ յատկանշական հարսանիք մը։ Այսպէս, երկրի հարաւի պատմական վանքերէն Նորավանքի մէջ ամուսնացան մեր համայնքէն Լենա Քաթըքէօյ եւ Շանթ Չաքմաքճը։
Պատրիարքական ընտրութեան նախապատրաստական գործընթացը յառաջ կը տարուի բազմակողմանի խորհրդակցութիւններով, որոնց արդիւնքով աստիճանաբար կը բիւրեղանան համայնքային շրջանակներու սպասումները եւ կը յստակենայ հերթականութիւնը այն շփումներուն, որոնք պիտի մշակուին պատկան իշխանութիւններուն հետ:
Ուժերու գործնական համախմբում: Կրօնական ժողովէն վերջ, թրքահայ գլխաւոր աշխարհական վարիչներն ալ անվերապահ զօրակցութիւն յայտնեցին տեղապահ սրբազան հօր նկատմամբ: Գումգաբուի երէկուան հանդիպման զուգահեռ՝ Տ. Գարեգին Արք. Պեքճեան այսօր դարձեալ կը մէկտեղուի իր անմիջական շրջապատի դէմքերուն հետ: Նորին սրբազնութիւնը վաղը պատրիարքարանի երդիքին տակ պիտի տեսակցի նաեւ Տ. Արամ Արք. Աթէշեանի հետ:
Ատենապետ Պետրոս Շիրինօղլուի եւ Թորոս Ալճանի միջոցաւ պետական մարմիններէն փոխանցուած դրական ազդանշանները կը շարունակուին: Իսլամաց մօտալուտ Ռամազան տօնի արձակուրդէն անմիջապէս վերջ Իսթանպուլի կուսակալութեան պիտի ներկայացուի առաջին դիմումը: Ամուր հիմքեր կը ստեղծուին՝ նոր նախաձեռնարկ մարմին մը կազմելու նպատակով:
Երէկ երեկոյեան, Գումգաբուի մէջ կազմակերպուած փայլուն հանդիսութիւնով մը Կեդրոնականի ընտանիքը հրաժեշտ տուաւ վարժարանի 2016-2017 կրթական շրջանի ընթացաւարտներուն։ Աթոռանիստ Մայր Եկեղեցւոյ համալիրէն ներս այս առթիւ ստեղծուեցաւ մեծ ոգեւորութիւն։
Երէկ երեկոյեան Էսաեան վարժարանին մէջ տեղի ունեցաւ 2016-2017 կրթական շրջանի ընթացաւարտներու հրաժեշտի հանդիսութիւնը։ Դպրոցէն ներս մեծ խանդավառութիւն ստեղծեց շրջանաւարտներուն ի պատիւ կազմակերպուած այս ձեռնարկը եւ Էսաեանի ընտանիքը յարատեւ յաջողութեան մաղթանքով հրաժեշտ տուաւ ընթացաւարտներուն։
Կրօնական ժողովը նիստէն վերջ զօրակցութիւն յայտնեց տեղապահին, ինչ որ կարեւոր նշանակութիւն ունի պատրիարքական ընտրութեան գործընթացը նպատակասլաց ձեւով յառաջ տանելու առումով։
Մօտալուտ արձակուրդէն վերջ՝ Յունիսի 28-ին տեղի կ՚ունենայ եկեղեցական համագումար: Աշխատանքներ կը նախատեսուին Աթոռի տնտեսական, դիւանական եւ գոյքերը փոխանցման կազմակերպման ուղղութեամբ: Երէկ Տ. Արամ Արք. Աթէշեան հեռաձայնով կապ հաստատեց տեղապահ սրբազան հօր հետ։
Տ. Գարեգին Արքեպիսկոպոս Պեքճեան այս առաւօտ Գումգաբուի մէջ խորհրդակցութիւն մը ունեցաւ խումբ մը համայնքային գործիչներու եւ բարերարներու հետ։ Նորին Սրբազնութիւնը այսօր երեկոյեան կը մասնակցի ոչ-իսլամ փոքրամասնական համայքներուն կողմէ սարքուած իֆթարի սեղանին՝ պետական շրջանակներու ու մանաւանդ Վաքըֆներու ընդհանուր տնօրէնութեան բարձրաստիճան պաշտօնատարներուն համար։
