Գնալը կղզիի Ս. Գրիգոր Լուսաւորիչ եկեղեցւոյ աշխատութեանց մասնակից պատանիներ, երիտասարդներ եւ ընտանիքներ, գլխաւորութեամբ եկեղեցւոյ հոգեւոր հովիւ Տ. Յարութիւն Աբեղայ Տամատեանի, շաբաթավերջին այցելեցին Հէյպէլի կղզիի յունաց վանքը։
Պատրիարքական տեղապահ Տ. Գարեգին Արք. Պեքճեան երէկ երեկոյեան վերադարձաւ քաղաքս։ Եշիլգիւղի «Աթաթիւրք» օդակայանին մէջ ան դիմաւորուեցաւ Կրօնական ժողովի ատենապետ Տ. Սահակ Եպսկ. Մաշալեանի եւ Տ. Զաքէոս Ծ. Վրդ. Օհանեանի կողմէ։
Տէր Գարեգին Արքեպիսկոպոս Պեքճեան այսօր յետմիջօրէի ժամերուն կը վերադառնայ Իսթանպուլ:
Վաղը նախատեսուած է Կրօնական ժողովի նիստ։ Գումգաբուի մէջ պատրաստութիւնները հասունցած են՝ պատրիարքական ընտրութեան շուրջ պետական իշխանութիւններուն այլընտրանքային թուականներ առաջարկելու եւ կանոնադրութիւն պահանջելու համար։ Պատրիարքարանէն նամակներ պիտի ուղարկուին նաեւ թեկնածուներուն, սակայն նախընտրական քարոզարշաւը պիտի չսկսի՝ նախքան թոյլտուութեան:
Նորին սրբազնութիւնը այս շաբաթավերջին Վաքըֆլըգիւղի մէջ պիտի նախագահէ Սուրբ Աստուածածնի տաղաւարին:
Մխիթարեան սանուց միութեան վարչութեան նախաձեռնութեամբ Գնալը կղզիի լողաւազանի մարզակումբին մէջ շաբաթավերջին կազմակերպուեցաւ ընթրիք մը։ Մխիթարեանցիներուն կողմէ կազմակերպուած ամրան աւանդական հաւաքոյթն էր այս մէկը, որով ստեղծուեցաւ շատ խանդավառ մթնոլորտ։
Սուրբ Աստուածածնի տօնի նախօրեակին համայնքին ուշադրութիւնը դարձեալ կեդրոնացած Վաքըֆլըգիւղի վրայ:
Սեպտեմբեր 17-ին տեղի պիտի ունենայ հովուատան նորակառոյց համալիրին պաշտօնական բացման արարողութիւնը:
Տ. Արամ Արք. Աթէշեանի կողմէ Դիմատետրի վրայ զետեղուած յայտարարութիւնը դարձաւ ուշագրաւ:
Ըստ հարցախոյզի մը արդիւնքին, համայնքը ընդհանուր առմամբ համոզիչ կը նկատէ ներկայացուած հիմնաւորումները:
Գոհունակութեամբ վերահասու կ՚ըլլանք, որ մեր համայնքի արժէքաւոր երիտասարդուհիներէն Լիա Խաւըթերս կ՚արձանագրէ փայլուն յաջողութիւն՝ համատեղելով բարձրագոյն ուսումն ու աշխատանքի փորձառութիւնը։
Պէյքոզի Ս. Նիկողայոս եկեղեցւոյ թաղային խորհուրդն ու յարակից ստեղծուած խորհրդատու յանձնաժողովը երէկ Պատրիարքարանի երդիքին տակ նիստ մը գումարեցին՝ Կրօնական ժողովի ատենապետ Տ. Սահակ Եպիսկոպոս Մաշալեանի գլխաւորութեամբ։
Փաստաբան Ալի Էլպէյօղլուի հետ տարուած շինիչ աշխատանքին շնորհիւ համայնքին տեսակէտէ ապահովուած են անանտեսելի ձեռքբերումներ: Իսթանպուլի քաղաքապետարանէն հասնելիք հատուցման ժամանակ մասնավճարներու համար զեղչեր պիտի կատարուին եւ ընդհանուր համեմատութիւնը իջած պիտի ըլլայ 11 տոկոսի։
Ապագայ հաւանական շինարարութեան մը պարագային նախատեսուած պայմանաւորուածութիւնն ալ ջնջուած է՝ դժուարութիւնները կանխելու համար։
Գնալը կղզիի Ս. Գրիգոր Լուսաւորիչ եկեղեցւոյս մէջ, Ս. Թադէոս առաքեալի եւ Ս. Սանդուխտ կոյսի տօնին յաջորդող Կիրակի օրը տեղի ունեցան արարողութիւններ։ Եկեղեցւոյ գանձատան մէջ կը պահպանուի Ս. Թադէոս առաքեալի սրբազան մասունքը։
Գնալը կղզիի Ս. Գրիգոր Լուսաւորիչ եկեղեցւոյ հոգեւոր հովիւ Տ. Յարութիւն Աբեղայ Տամատեան, անցեալ շաբաթավերջին իր հետն ունենալով ուխտաւորաց խումբ մը, հովուական այցելութիւն մը տուաւ դէպի Պուրկազ կղզի։ Խումբը դիմաւորուեցաւ պուրկազահայոց կողմէ եւ առաջնորդուեցաւ Այիոս Եուաննիս յունաց եկեղեցին, ուր ձեռամբ հայր սուրբին մատուցուեցաւ հայածէս Ս. Պատարագ։ Արարողութեան ներկայ էին նաեւ եկեղեցւոյ վարչութեան անդամներ՝ գլխաւորութեամբ Անտոն Սարկաւագի։
