Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Պիւյիւքտէրէի Ս. Հռիփսիմեանց եկեղեցւոյ նորընտիր թաղային խորհուրդի անդամները՝ գլխաւորութեամբ ատենապետ Մինաս Մեծատուրի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Պոլսահայ սանուց միութիւններու ներկայացուցիչները, որոնք Պատրիարքարան փութացին՝ Նորին Ամենապատուութեան տեղեկացնելու համար, թէ յառաջիկայ Բարեկենդանին կազմակերպուելիք միջմիութենական խրախճանքը ջնջուած է՝ ահաւոր երկրաշարժի հետեւանքներով պայմանաւորուած մթնոլորտին մէջ։
Պոլսահայ աղքատախնամ մարմինները կը համակարգեն աղէտեալներու համար սկսած զօրակցութեան արշաւը:
Համայնքին կողմէ հաւաքուած օգնութիւնները մեծ բեռնատարով մը ճանապարհ դուրս կու գայ դէպի աղէտի գօտի:
Պէյօղլուի սուրբ եկեղեցեաց թաղային խորհուրդի ընտրութեան համար թեկնածութիւն ներկայացուց 6 խումբ:
Ընտրական մարմինը վաղը ցուցակներու հաստատման համար պիտի դիմէ VGM-ի Իսթանպուլի Ա. շրջանի տնօրէնութեան:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գարակէօզեան Տան նորընտիր խնամակալութեան անդամները՝ գլխաւորութեամբ ատենապետ Տիգրան Կիւլմէզկիլի։
Ամեն. Ս. Պատրիարք Հօր նախագահութեամբ, համայնքային մարմիններու ատենապետները երէկ յետմիջօրէին ժողով մը գումարեցին Գումգաբուի մէջ:
Թրքահայ ազգային-եկեղեցական կեանքը կեդրոնացած է աղէտի գօտի առաւելագոյն զօրակցութիւնը փութացնելու վրայ: Պետրոս Շիրինօղլու տեղեկացուց, որ ERVAB-ի կողմէ արդէն 2 միլիոն 500 հազար լիրա նուիրատուութիւն կատարուած է: Միւս հաստատութիւններն ալ խոստացան կրկնապատկել այս գումարը՝ մինչ հոգեւոր հայրերն ալ կը յատկացնեն իրենց ամսականները:
Թուրքիոյ Հայոց Պատրիարք Ամենապատիւ Տ. Սահակ Սրբազան Արքեպիսկոպոս Մաշալեան ընդունեց Պալաթի Ս. Հրեշտակապետաց եկեղեցւոյ նորընտիր թաղային խորհուրդի անդամները։ Ներկայ էր նաեւ Պալաթի եկեղեցւոյ հոգեւոր հովիւ Տ. Ներսէս Քահանայ Այվազեան եւ գաւազանակիր Տ. Շիրվան Քահանայ Միւրզեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան հիւրընկալեց Կեսարիոյ Ս. Գրիգոր Լուսաւորիչ եկեղեցւոյ նորընտիր ծխական խորհուրդի անդամները՝ գլխաւորութեամբ ատենապետ Զատիկ Թոքէրի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան սաստիկ երկրաշարժին առթիւ երէկ ցաւակցութիւններ յայտնեց պետական աւագանիին։ Ամեն. Ս. Պատրիարք Հայրը վշտակցական պատգամներ յղեց Հանրապետութեան նախագահ Ռեճեփ Թայյիպ Էրտողանին եւ Ներքին գործոց նախարար Սիւլէյման Սոյլուին։
Որպէս երկրի անանջատելի տարրերէն մին՝ թրքահայութիւնը շարժման անցած է երկրաշարժի ծանր ու ողբերգական հետեւանքներու լոյսին տակ:
Պատրիարքական Աթոռի ընկերային յանձնախումբի երէկուան ժողովէն վերջ, այսօր Գումգաբուի մէջ տեղի կ՚ունենայ համայնքային մարմիններու ատենապետներու խորհրդակցութիւն: Բոլոր լծակները շարժման կ՚անցըուին դէպի աղէտի գօտի բազմաբնոյթ օգնութիւն փութացնելու համար:
Մալաթիայէն տխուր լուրեր. Սամի եւ Այտա Թապաշներէն վերջ զոհուեցաւ նաեւ իրենց անչափահաս զաւակը:
Ամեն. Ս. Պատրիարք Հօր նախագահութեամբ Աթոռանիստ Մայր եկեղեցւոյ մէջ երէկ երեկոյեան տեղի ունեցաւ աղօթք, որու ընթացքին միաբերան ծնրադիր «Տէր ողորմեա» երգուեցաւ:
