Համայնքային ընտրութիւններու գործընթացը կը շարունակուի այս շաբաթավերջին։ Վաղը հերթական քուէարկութիւնը տեղի պիտի ունենայ Պիւյիւքտէրէի Ս. Հռիփսիմեանց եկեղեցւոյ թաղային խորհուրդի կազմի վերանորոգման համար։
Գալֆաեան Տան խնամակալութեան ղեկը ստանձնելու համար թեկնածութիւն առաջադրած կազմը:
Թեկնածուները կը նախատեսեն յառաջիկայ շրջանին կեդրոնանալ դպրոցի մակարդակի բարձրացման նպատակին վրայ:
Երէկ, հաճոյքն ունեցանք խմբագրատանս մէջ հիւրընկալելու Երեւանէն վիպագիր Սամուէլ Մհերեանը, որուն կ՚ընկերանար մեր համայնքէն Նշան Կիւրեղ։ Հաճելի զրոյցի ընթացքին Սամուէլ Մհերեան մեզի յայտնեց, որ մասնագիտութեամբ ճարտարագէտ է, այժմ արհեստով կը զբաղի եւ ժամանակ կը յատկացնէ նաեւ գրական ստեղծագործութիւններու։
Մխիթարեան վարժարանին մէջ այս առաւօտ բացուեցաւ՝ Նոր տարուան առթիւ կազմակերպուած աւանդական քէրմէսը։ Ծնողաց միութեան կողմէ դպրոցին ի նպաստ ծրագիր մըն է այս մէկը, որ պսակուեցաւ յաջողութեամբ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Պոյաճըգիւղի Ս. Երից Մանկանց եկեղեցւոյ նորընտիր թաղային խորհուրդի ատենապետ Նազարէթ Էօզսահակեանն ու գործակից ընկերները։ Ներկայ էր նաեւ Տ. Յովակիմ Աբեղայ Սերովբեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Իսթանպուլի մօտ Չեխիոյ աւագ հիւպատոս Ժիրի Չեսթեսքին։ Մօտեցած ըլլալով իր դիւանագիտական առաքելութեան վերջաւորութեան՝ ան հրաժեշտի այցելութիւն մը տուաւ Պատրիարքարան:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Կէտիկփաշայի Ս. Յովհաննէս եկեղեցւոյ նորընտիր թաղային խորհուրդի ատենապետ Մանուկ Գալայճըն եւ գործակից ընկերները։ Ներկայ էր նաեւ Տ. Տրդատ Աւ. Քհնյ. Ուզունեան։
Սիրքէճիի պատմական Սանասարեան խանի սեփանակութեան իրաւունքին շուրջ Սահմանադրական ատեանը արձակեց պատմական վճիռ մը։ Այսպէս, բարձրագոյն դատարանը յանգեցաւ այն եզրակացութեան, թէ սեփականութեան իրաւունքի խախտում տեղի ունեցած է։
Նախընթաց օր հաճոյքն ունեցանք խմբագրատանս մէջ հիւրընկալելու Սուրբ Փրկիչ Ազգային հիւանդանոցի հոգաբարձութեան ատենադպիր Մկրտիչ Սերթշիմշէքը։ Թէ՛ որպէս վարչային, թէ՛ որպէս արհեստաւոր եւ թէ որպէս բարերար ան տասնամեակներէ ի վեր կարեւոր ներդրում կը բերէ մեր հաւաքական կեանքին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Խասգիւղի երբեմնի Ս. Ստեփանոս եկեղեցւոյ նորընտիր թաղային խորհուրդի ատենապետ Սարգիս Չավուշեանն ու իր գործակից ընկերները։ Ներկայ էր նաեւ Տ. Շիրվան Քհնյ. Միւրզեան։
