Գրեց՝ ԱՆՈՒՇ ԹՐՈՒԱՆՑ
Ողբերգական շերտերով լի են ամերիկահայ երկու հայ նկարիչներու՝ Արշիլ Կորքիի եւ Արթիւր (Աշոտ) Փինաճեանի կեանքի անցած ճանապարհները: Մինչ կարգ մը արուեստաբաններ կը համեմատեն այս երկու նկարիչները ամերիկեան վերացական արուեստի մէջ ունեցած անոնց հսկայական դերին համար, ուրիշներ՝ տարբեր հարթութիւններու վրայ կը դնեն Փինաճեանն ու Կորքին:
Գրեց՝ ԱՐԵՒԻԿ ՊԱՊԱՅԵԱՆ
Փոքրերի աշխարհ միշտ պայծառ,
Ձայն, հնչիւն ու բառ,
Փոքրերի աշխարհ միշտ արդար,
Խաղ է երգ ու պար,
Օրը մեզ համար տօն է անդադար…
ԱՐԵՒԻԿ ՊԱՊԱՅԵԱՆ
Հայը հունտի մը կը նմանի։ Որքան ալ փորձես մաքրել, հնձել զայն, միեւնոյնն է, թեթեւ հովի մը օգնութեամբ ան օդի մէջ սաւառնելով, ի վերջոյ մայր հողին գիրկը կը վերադառնայ։ Նորէն կը ծլարձակի, կը շատնայ. պարզապէս անհնարին է հունտը, ինչպէս նաեւ հայը արմատախիլ ընել։
Գրեց՝ ԱՆՈՒՇ ԹՐՈՒԱՆՑ
Հայաստանի մօտ Միացեալ Նահանգներու նորանշանակ դեսպան Լին Մ. Թրէյսի Հայաստանի Մշակոյթի փոխ-նախարար Տիգրան Գալստեանի հետ, մի քանի օր առաջ, նշանաւորեց Դաշտադէմի ամրոցի պահպանութեան ծրագրին աւարտը: Ծրագիրը, որ հովանաւորուած էր Միացեալ Նահանգներու Դեսպաններու մշակութային արժէքներու պահպանութեան հիմնադրամին կողմէ, ներգրաւած է պեղումներ եւ Դաշտադէմ ամրոցի համալիրի մասնակի վերականգնումը:
Հոգելոյս նկարչուհի Քրիստին Սալերիի յիշատակին կազմակերպուած միջվարժարանային նկարչութեան մրցոյթի մրցանակաբաշխման արարողութիւնը շաբաթավերջին տեղի ունեցաւ Մխիթարեան վարժարանին մէջ։ Ինչպէս ծանօթ է, Քրիստին Սալերիի հարազատներուն կողմէ հիմնադրուած համանուն հիմնարկը անոր մահէն ի վեր կը կազմակերպէ միջվարժարանային նկարչութեան մրցոյթներ, որոնց շնորհիւ թարմ կը մնայ նկարչուհիին յիշատակը եւ իր անունը կը փոխանցուի սերունդէ սերունդ։
ԿԱՐՕ ՊԵՏՐՈՍԵԱՆ
Ժողովուրդներու կեանքին եւ պատմութեան մէջ, ամէնուրեք բնական երեւոյթ եղած է, որ նշանակալի դէպքեր, հայրենասիրական սխրագործութիւններ, կրօնական, նպատակային երազուած իրագործումներ արժանանան հաւաքականութիւններու գնահատանքին եւ յաջորդական սերունդներ զանոնք իբր աւանդ պահեն ու գնահատեն մասնաւոր յիշատակութեամբ, կամ՝ իբրեւ տօն:
Գրեց՝ ԱՆՈՒՇ ԹՐՈՒԱՆՑ
Մտաւորական, մանկավարժ, վիպագիր, հրապարակագիր, արեւմտահայ ժողովրդավար գործիչ Մատթէոս Մամուրեանի այս երկու նամակները իր հայկական նամականի շարքէն են:
«Ծաղիկ»‚ «Մեղու»‚ «Կիլիկիա»‚ «Արեւելեան Մամուլ» եւ այլ պարբերականներու էջերուն մէջ լոյս տեսած իր բազմաթիւ յօդուածները Մամուրեան ամփոփած է «Հայկական նամականի» (1872) եւ «Անգլիական նամականի կամ Հայու մը ճակատագիրը» (1881) հրապարակախօսական գիրքերուն մէջ, ուր կ՚երեւին ազգային-ազատագրական պայքարի, Հայաստանի տնտեսական զարգացման հարցերը:
Գրեց՝ ԱՐԵՒԻԿ ՊԱՊԱՅԵԱՆ
Ահաւասիկ մայիս է, հայ ժողովուրդի յաղթանակներուն ամիսը։
Այդ յաղթանակներու վառ օրինակներէն են Աւարայրի (451 թուականի մայիսի 26-ին), Սարդարապատի ճակատամարտերը (1918 թուականի մայիսի 29-ին), մայիս իննեան եռատօնը՝ Համաշխարհային երկրորդ պատերազմի եւ, ի հարկէ՝ Շուշիի յաղթանակը:
Կեդրոնական սանուց միութեան մէջ երէկ երեկոյեան տեղի ունեցաւ «Խեր ըլլայ» թատերախաղի կալան։ Խանդավառ մթնոլորտի մը մէջ տեղի ունեցաւ երեկոյթը, որուն մասնակից թատերասէրները հաճելի ժամանց ունեցան այս զաւեշտով։ Խաղի բեմադրիչն է համակրելի անուն մը՝ Գրիգոր Տինչքայըքճը։
Գրեց՝ ԱՆՈՒՇ ԹՐՈՒԱՆՑ
Երեւանի մէջ վերջերս կեանքէն հեռացաւ պոլսահայ մտաւորական, գրող, գրականագէտ, Ամենայն Հայոց Վազգէն Ա. կաթողիկոսի քառասուն տարուան թարգմանիչն ու անձնական քարտուղարը՝ Պարգեւ Շահպազեան: Իր մտերիմները, գործընկերներն ու նախկին ուսանողները ցաւով յայտնեցին, որ կեանքէն հեռացած է պատկառանք ներշնչող մտաւորականութեան վերջին ներկայացուցիչներէն մէկը, որուն ամբողջ կեանքը, Հայաստան հայրենադարձուելէն ետք, նուիրուած է գրականութեան, մանկավարժութեան ու Հայ Առաքելական Եկեղեցւոյ:
