Եկեղեցական

Վեհափառ Հայրապետը նոր սերունդին կը պատգամէ ներգրաւուիլ ազգային կեանքին:
ՀԲԸՄ-ի ամառնային ծրագրերուն մասնակից երիտասարդները արժանացան բիւր օրհնութեան:

Ամենայն Հայոց Տ.Տ. Գարեգին Բ. Կաթողիկոսը վերջին օրերուն Մայր Աթոռ Սուրբ Էջմիածնի մէջ հիւրընկալեց Մոսկուայի Պետական համալսարանի վերատեսուչ ակադեմիկոս Վիքթոր Սատովնիչիի կողմէ գլխաւորուած պատուիրակութիւնը։ Իրեն կ՚ընկերանար Հայաստանի Գիտութիւններու ազգային ակադեմիայի նախագահ ակադեմիկոս Ռադիկ Մարտիրոսեան։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Իսրայէլի նորանշանակ դեսպան Էլիաւ Պելոցերքովսքին, որ վերջին օրերուն Հայաստանի ղեկավարութեան յանձնեց իր հաւատարմագիրը։ Զրոյցի ընթացքին անդրադարձ կատարուեցաւ երկու ժողովուրդներու պատմական առընչութիւններուն եւ ընդհանրութիւններուն, ինչպէս նաեւ երկու երկիրներու յարաբերութիւններուն։

Վեհափառ Հայրապետի մաղթանքն է, որ հայ ժողովուրդի զաւակները ապրին Ս. Էջմիածնի օրհնութեան ներքեւ:
Մայր Տաճարի հիմնանորոգութեան համար հանգանակութիւն պիտի կատարուի յառաջիկայ Սուրբ Աստուածածնի տօնին: Համակարգման յանձնախումբի աշխատանքները կը գլխաւորուին Տ. Յովնան Արք. Տէրտէրեանի կողմէ:

Մայր Աթոռ Սուրբ Էջմիածնի մէջ հանդիսաւոր հաւաքոյթ՝ Վեհափառ Հայրապետի գլխաւորութեամբ:
«Ոսկէ ծիրան»ի ծիրէն ներս այս տարի «Եղիցի լոյս»ը շնորհուեցաւ ռուս յայտնի բեմադրիչ Ալեքսանտր Մինտածէին:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց շաբաթավերջին Երեւանի Ս. Գրիգոր Լուսաւորիչ Մայր եկեղեցւոյ մէջ ձեռնադրուած 12 նորաօծ քահանաները։ Հանդիպման ներկայ էին Մայր Աթոռ Սուրբ Էջմիածնի լուսարարապետ Տ. Յովնան Եպսկ. Յակոբեան եւ Արմաւիրի թեմի առաջնորդ Տ. Սիոն Արք. Ադամեան, որ կատարած էր ձեռնադրութիւնը։

Երեւանի Սուրբ Գրիգոր Լուսաւորիչ Մայր եկեղեցւոյ մէջ երէկ տեղի ունեցաւ հանդիսաւոր արարողութիւն։
Մայր Աթոռ Սուրբ Էջմիածնի զանազան կառոյցներէն ներս ծառայող 12 սարկաւագներ կոչուեցան քահանայութեան։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց խումբ մը ամերիկահայ ուխտաւորներ, որոնք մեկնած էին Ֆիլատելֆիայէն։ Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմի Ֆիլատելֆիոյ Ս. Երրորդութիւն եկեղեցւոյ հոգեւոր հովիւ Տ. Յակոբ Քհնյ. Գէորգեանի կողմէ գլխաւորուած ամերիկահայ ուխտաւորները այս օրերուն հոգեւոր մեծ հրճուանք կ՚ապրին Հայաստանի մէջ։

Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ վերջերս հիւրընկալեց Հայաստանեայց Առաքելական Եկեղեցւոյ Աւստրալիոյ եւ Նոր Զելանտայի հայոց թեմէն խումբ մը ուխտաւորներ։ Մելպուռնի Ս. Աստուածածին եկեղեցւոյ հոգեւոր հովիւ Տ. Խաչեր Քհնյ. Յարութիւնեանի կողմէ գլխաւորուած ուխտաւորները հոգեւոր մեծ հրճուանք ապրեցան ստանալով Վեհափառ Հայրապետի օրհնութիւնը եւ հաղորդ դառնալով անոր պատգամին։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի վարչապետ Նիկոլ Փաշինեանի կողակիցը՝ Աննա Յակոբեանը, որ կը գլխաւորէ «Իմ Քայլը» եւ «City of Smile - Ժպիտներու քաղաքը» բարեգործական հիմնադրամներու հոգաբարձուներու խորհուրդները։ Կը հաղորդուի, որ Աննա Յակոբեան Վեհափառ Հայրապետին ներկայացուցած է իր ղեկավարած երկու հիմնադրամներու գործունէութիւնը, ծրագրերն ու արդէն ձեռնարկուած աշխատանքները։