ՇԱՐԺԱՆԿԱՐԻ ԱՇԽԱՐՀԻՆ ՍՈՒԳԸ

Ֆրանսացի աշխարհահռչակ դերասան Ժան-Փոլ Պելմոնտօ երէկ մահացաւ 88 տարեկան հասակին։ Գոյժը խոր սուգի մատնեց շարժանկարի աշխարհը։ Ժան-Փոլ Պելմոնտօ 81 ժապաւէնի մէջ դեր ստանձնած էր։ 1960-1980-ական թուականներուն Պելմոնտօ կը համարուէր ֆրանսական շարժանկարի գլխաւոր աստղերէն մին։

Վերջին տարիներուն Ժան-Փոլ Պելմոնտոյի առողջական վիճակը բաւական ծանր էր։ Արդարեւ, 20 տարի առաջ ան կաթուած մը անցուցած էր։ 4 զաւկի հայր Ժան-Փոլ Պելմոնտոյի ամենափոքր դուստրը՝ Սթելլան 17 տարեկան է։