ՄԱՍՆԱԳԷՏԻ ՀԵՏ ԶՐՈՅՑ

Ֆէրիգիւղի Մէրամէթճեան վարժարանի ուղեկից մասնագէտ Միւժտատ Աթաման նախընթաց օր ասուլիսի մը մասնակցեցաւ աշակերտներու ծնողներուն հետ։ Հաճելի զրոյցի մը մթնոլորտին մէջ տեղի ունեցաւ այս երեկոյթը, որ կազմակերպուած էր թաղի «Շիրինօղլու» սրահի երդիքին տակ։ Միւժտատ Աթաման զանազան վկայութիւններու լոյսին տակ փոխանակուած փորձառութիւնները համադրեց՝ զանոնք դասելով ուսումնական ճամբորդութեան մը ամբողջին մէջ։

Հաւաքոյթի աւարտին դպրոցի տնօրէնուհի Մարալ Էօզտաղ երեկոյթի ատենախօսին յանձնեց յուշանուէր մը։