ԱՏՐՊԷՅՃԱՆԻ ԵՒ ԷՕԶՊԵՔԻՍՏԱՆԻ ԿՈՂՄԷ ՀԱՄԱՏԵՂ ՆԱՒԱՏՈՐՄԻ ՈՒՂՂԵԱԼ ՔԱՅԼԵՐ

Պաքուի եւ Թաշքենթի ղեկավարութիւնները այս շրջանին թափ կու տան՝ Կասպից ծովէ ներս համատեղ նաւատորմ մը ստեղծելու ուղղեալ աշխատանքներուն: 

Ատրպէյճանի նախագահ Իլհալ Ալիեւ, որ պետական այցելութիւն մը տուաւ Թաշքենթ, հիւրընկալուեցաւ Էօզպեքիստանի նախագահ Շեւքէթ Միրզոյեւի կողմէ: Երկու ղեկավարները նախ ունեցան առանձնազրոյց մը, ապա գլխաւորեցին Բարձրագոյն միջպետական խորհուրդի երրորդ նիստը: 

«Մենք միասին կը զարգացնենք Անդրկասպեան միջանցքի ներուժը, կը բարձրացնենք լոժիստիք ենթակառուցուածքներու արդիւնաւէտութիւնը, կ՚աշխուժացնենք աշխատանքը Կասպից ծովէ ներս համատեղ նաւատորմ մը ստեղծելու ուղղութեամբ», տեղեկացուցին պաշտօնական աղբիւրները՝ մեկնաբանելով բանակցութիւններու արդիւնքը: