ԱՅՎԱԶՈՎՍՔԻԻ «ՀԱՐԱՒԱՅԻՆ ԱՓԻՆ» ԳՈՐԾԸ ՎԱՃԱՌՈՒԵՑԱՒ

Յովհաննէս Այվազովսքիի «Հարաւային ափին» նկարը, որ նախապէս գնահատուած էր 400-600 հազար սթերլին, աճուրդի ընթացքին վաճառուած է 514 հազար սթերլինով։ Աճուրդը կազմակերպած է «MacDougall՚s» աճուրդատունը։ Աճուրդի մէկ այլ գոհար դարձած է Կոնստանդին Կորպաթովի «Բաց պատուհան» կտաւը, որ նախապէս գնահատուած է 100-200 հազար սթերլին, իսկ վաճառուած է 116 հազար 935 սթերլինով։ Աճուրդը տեղի ունեցած է մարտի 18-էն մինչեւ ապրիլի 10-ը առցանց ձեւաչափով՝ Փարիզի «Hôtel Drouot» աճուրդատան հարթակին վրայ։