ՇԻՇԼԻԻ ՃԱՏՐԱԿԻ ԿԱԶՄԷՆ ՊԵՐՔԱՅ ԷՔԻՆՃԻԻ ՓԱՅԼՈՒՆ ՅԱՋՈՂՈՒԹԻՒՆԸ

Անթալիայի մէջ նախորդ շաբթուայ տեւողութեան տեղի ունեցաւ Թուրքիոյ ճատրակի առաջնութիւնը՝ ըստ զանազան տարիքային դասաւորումներու։ Այս մրցաշարքին մասնակցեցաւ նաեւ Շիշլի մարզակումբէն 18-ամեայ Պերքայ Էքինճի, որ թէ՛ աստղերու եւ թէ գլխաւոր կազմին մասնակից է։ Ան Անթալիայի մէջ արձանագրեց փայլուն յաջողութիւն մը՝ նուաճելով Թուրքիոյ 2-րդի տիտղոսը՝ իր տարիքային դասաւորման մէջ։ Ուստի, Պերքայ Էքինճի իրաւունք շահեցաւ մաս կազմելու ազգային հաւաքականին՝ նոյնպէս իր տարիքային դասաւորումով։

Այս յաջողութիւնը մեծ ուրախութիւն ստեղծած է Շիշլիի ընտանիքին մօտ։ Ակումբի վարչութիւնը ջերմօրէն շնորհաւորած է թէ՛ Պերքայ Էքինճին եւ թէ մարզիչ Էմրէ Ճանը։

Երեքշաբթի, Փետրուար 1, 2022