Արխիւ

Հայաստանի վարչապետ Նիկոլ Փաշինեան աւարտեց իր պաշտօնական այցելութիւնը դէպի Տոհա։ Ուղեւորութեան վերջին օրը Նիկոլ Փաշինեան հանդիպում մը ունեցաւ Քաթարի հայր էմիր Համիտ պին Խալիֆա էլ Թանիի հետ, որուն շնորհեց բարեկամութեան շքանշան։

Ներքին գործոց փոխ-նախարարը մայրաքաղաք Անգարայի մէջ հիւրընկալեց ԱՔ կուսակցութեան կեդրոնական գործադիր խորհուրդի անդամը:
Փոքրամասնութեան վաքըֆներու ընտրութեան նոր կանոնադրութեան մէջ հաշուի առնուած են բոլոր համայնքներու առանձնայատկութիւնները: Մուհթերէմ Ինճէ Սեւան Սվաճըօղլուին տեղեկացուցած է, որ գործընթացը եզրափակիչ փուլը թեւակոխած է: Նախագահ Էրտողանի կամքն է, որ բոլորը հանգիստ պայմաններով կարողանան քուէարկել:

Կալաթասարայ մարզակումբի նորընտիր վարչութիւնը երէկ երեկոյեան գումարեց անդրանիկ նիստը:
Տիգրան Կիւլմէզկիլին յառաջիկայ շրջանին ծանր բեռ մը պիտի վիճակի՝ առկայ ելմտական լուրջ մարտահրաւէրներուն բերումով:

Հայաստանեայց Առաքելական Եկեղեցին երէկ տօնախմբեց Ս. Գայիանեաց կոյսերու յիշատակը։ Օրուան տօնին առթիւ Ս. Գայիանէ վանքին մէջ մատուցուեցաւ Ս. Պատարագ, որուն նախագահեց Տ.Տ. Գարեգին Բ. Ամենայն Հայոց Վեհափառ Հայրապետը։

ՏՔԹ. ՀՐԱՅՐ ՃԷՊԷՃԵԱՆ

Իւրաքանչիւր երկիր ունի իր մշակութային իւրայատկութիւնը եւ կենցաղը: Կենցաղն ու ապրելակերպը կը հանդիսանան երկրի մը բնութագիրը, պիտակը:

ՀՐԱՅՐ ՏԱՂԼԵԱՆ

Որոշ տարիքի մը հասնելէ ետք սկսայ աւելիով հասկնալ եւ ըմբռնել, թէ ինչ ըսել կ՚ուզէր Յիսուս Քրիստոս ըսելով, թէ «մարդ չի կրնար երկու տէրերու ծառայել»: Բոլորս ալ գիտենք, որ Քրիստոս այս խօսքը ըսած է դրամի եւ հարստութեան համար. աւելի առջեւ երթալով մինչեւ իսկ ըսած է. «Շատ աւելի դիւրին է որ պարանը ասեղի ծակէն մտնէ, քան հարուստը՝ Աստուծոյ արքայութիւնը»:

Հայաստանի փոխ-վարչապետ Մհեր Գրիգորեան յայտարարեց, որ Երեւանի եւ Մոսկուայի այս շրջանի համատեղ ջանքերը ուղղուած են ռազմավարական համագործակցութեան նոր հեռանկարային ոլորտներու բացայայտման։ «Արմէնփրէս»ի հաղորդումներով, Ռուսաստանի օրուան առթիւ Երեւանի մէջ այդ երկրի դեսպանութենէն ներս կազմակերպուած ձեռնարկին մասնակցեցաւ Մհեր Գրիգորեան, որ հանդէս եկաւ շնորհաւորական խօսքով մը։

Հայաստանի Արտաքին գործոց նախարար Արարատ Միրզոյեան պաշտօնական այցելութիւն մը կու տայ Սոֆիա։ «Արմէնփրէս»ի հաղորդումներով, Արարատ Միրզոյեան այս առաւօտ հիւրընկալւեցաւ Պուլկարիոյ նախագահ Ռումէն Ռատեւի կողմէ։

Պէյրութէն կը հաղորդուի, որ «Փթիթ» մանկապատանեկան կայքէջը վերջերս ենթարկուած է բարեփոխման եւ այդ հիման վրայ հասած է նոր ծաղկումի մը։ Լիզպոնի «Գալուստ Կիւլպէնկեան» հիմնարկի Հայկական բաժանմունքի խրախուսանքով կեանքի կոչուած է այս ծրագիրը։