Արխիւ

Ամերիկայի Միացեալ Նահանգներու պետական քարտուղար Էնթընի Պլինքընի՝ Եւրոպայի եւ Եւրոասիոյ գծով տեղակալ Ֆիլիփ Ռիքէր Պաքուի մէջ յայտարարեց, որ Հայաստանի եւ Ատրպէյճանի միջեւ սահմանազատման հարցերը պէտք է լուծուին խաղաղ ճանապարհով։ Ամերիկացի բարձրաստիճան դիւանագէտը երկու երկիրներուն կոչ ուղղեց, որպէսզի իրենց զօրքերը ետ քաշեն սահմանակից գօտիներէն։

Թուրքիա-Ռուսաստան քաղաքական խորհրդակցութիւններուն ընթացքին օրակարգի վրայ եկաւ Լեռնային Ղարաբաղէն ներս ստեղծուած իրադրութիւնը:
Ըստ Լաւրովի, Հայաստան-Ատրպէյճան հաղորդակցութիւններու բացումով շահագրգռուած են նաեւ Անգարան եւ Թեհրանը, որոնց կարծիքը նոյնպէս հաշուի պէտք է առնուի:

Գարակէօզեան Տան Գնալը կղզիի Կազդուրման կայանը այս տարի եւս պիտի չկարողանայ իր դռները բանալ քորոնաժահրի համաճարակի հետեւանքով։

ԱՐԵՒԻԿ ՊԱՊԱՅԵԱՆ

Որակը կը գերազանցէ քանակը:
Ժողովուրդները՝ մարդոց զգալի, ստուար հատուած մը միշտ նոյնն են՝ չեն փոխուիր: Ժամանակը, դարերն ու հազարամեակները կ՚անցնին անոնց քովէն: Անոնք կը մնան անփոփոխ:

Ֆրանսական հեղինակաւոր «Dior» նորաձեւութեան տան նոր հաւաքածոյի ցուցադրութիւնը տեղի կ՚ունենայ Աթէնքի «Փանաթինաիքոս» մարզադաշտին մէջ, կը յայտնէ «Greek City Times» թերթը։ Այսպէս, յունիսի 17-ին ֆրանսական նորաձեւութեան տունը «Փանաթինաիքոս» մարզադաշտը կը վերածէ «փոտիումի»՝ ներկայացնելով  նոր «Քրուազիէր 2022» հաւաքածոն, որ կը կրէ յունական ազդեցութիւն եւ նուիրուած է Յունաստանի անկախութեան շարժման 200-ամեակին։

Հայաստան-Ատրպէյճան սահմանին վրայ իրավիճակը կը շարունակէ մնալ լարուած։ Երէկ մտահոգութիւնները ա՛լ աւելի խորացան, որովհետեւ Ատրպէյճանի բանակին կողմէ դարձեալ հայ զինուոր մը գերեվարուեցաւ։ Հայաստանի Պաշտպանութեան նախարարութեան աղբիւրները օրուայ սկիզբին տեղեկացուցին, որ զինեալ ուժերու N զօրամասի պայմանագրային շարքայիններէն Ա. Քաթանեան մշուշի հետեւանքով ապակողմնորոշուած է ու ակամայ յայտնուած՝ այն տարածքէն ներս, որ Ատրպէյճանի զինեալ ուժերու վերահսկողութեան տակ կը գտնուի։

Հայաստանի Օփերայի եւ պալէի ազգային ակադեմական թատրոնի տնօրէն ու գեղարուեստական ղեկավար Կոնստանդին Օրբելեան նշանակուեցաւ Նիւ Եորքի քաղաքային օփերայի երաժշտական տնօրէն ու խմբավար։ «Արմէնփրէս»ի հաղորդումներով, Նիւ Եորքի օփերայի պաշտօնական կայքը արդէն հաղորդած է այս լուրը՝ ընդգծելով, որ մաէսթրօ Օրբելեանի մասնակցութեամբ առաջին օփերան՝ նոր շունչ ստացած «Ռիկոլեթթօ»ն պիտի ներկայացուի օգոստոսի 29-ին։

ՍԱԳՕ ԱՐԵԱՆ

Լիբանանի վարչապետի պաշտօնակատար Հասսան Տիապ, որ ահազանգային կոչով մը հանդէս եկաւ ու խօսք ուղղեց «մեծ պետութիւններ»ուն՝ արագօրէն միջամտել եւ օգնել Լիբանանին։ Ան յաւելեց նաեւ, որ եթէ անոնք արագ չշարժին, վաղը ուշ կրնայ ըլլալ...։

Արտաքին գործոց նախարար Մեւլիւտ Չավուշօղլու երէկ այցելեց Փարիզ, ուր հանդիպում մը ունեցաւ Ֆրանսայի Արտաքին գործոց նախարար Ժան-Իվ լը Տրիանի հետ։ Ընկերային ցանցերու միջոցաւ տեղեկացուեցաւ, որ նախարարները կանգ առած են երկկողմանի յարաբերութիւններու ընթացքին վրայ, նաեւ կարծիքի փոխանակումներ ունեցած՝ տարածքաշրջանային եւ միջազգային իրադարձութիւններու շուրջ։