Արխիւ

Իսթանպուլի երեսփոխան Սեւան Սվաճըօղլու «Անատոլու» գործակալութեան թղթակցին տպաւորութիւններ փոխանցած է՝ Հանրապետութեան նախագահ Ռեճեփ Թայյիպ Էրտողանի պաշտօնամուտի արարողութեան առթիւ Հայաստանի վարչապետ Նիկոլ Փաշինեանի Անգարա կատարած այցելութեան շուրջ։

Տ.Տ. Գարեգին Բ. Ամենայն Հայոց Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ երէկ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Երէկ երեկոյեան Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանն ալ ԳՀԽ-ի նստաշրջանին մասնակցելու համար մեկնեցաւ Մայր Աթոռ Սուրբ Էջմիածին:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ, Պատրիարքական Աթոռի միաբաններէն Տ. Գասպար Աբեղայ Կարապետեան շաբաթավերջին մեկնեցաւ Անթալիա՝ կիրակնօրեայ պաշտամունքի եւ տեղւոյն հայ համայնքի անդամներուն հետ համախմբուելու նպատակով։ Հայր սուրբին ընկերացան Արտէն Միւճերրեթօղլու եւ Յովհաննէս Մուրատեան։

Գատըգիւղի Արամեան-Ունճեան վարժարանին մէջ մանկապարտէզի փոքրիկներուն տարեվերջի հանդէսը առիթ դարձաւ մեծ խանդավառութեան։ Մանկապարտէզի երկու փուլերու տղաքը ծափահարութիւններու արժանացան իրենց գործադրած յայտագրերով, որոնք կ՚ընդգրկէին արտասանութիւններ, պարեր, թատերակներ եւ նուագներ։

Շիշլի մարզակումբի վարչութեան ատենապետ Ալէն Թեքպըչաք երէկ երեկոյեան մեկնեցաւ Երեւան։ Ան, միեւնոյն ժամանակ, Համահայկական խաղերու Իսթանպուլի կարգադիր յանձնախումբի ատենապետն է։

ՏԻԳՐԱՆ ԳԱԲՈՅԵԱՆ

Հայերու ներկայութիւնը Միջին Արեւելքի մէջ դարաւոր պատմութիւն ունի, առաջին ցայտուն արձագանգը կը հասնի Մեծն Տիգրան թագաւորի ժամանակաշրջանէն (Ն.Ք. առաջին դար), երբ Հայաստանը կը համարուէր մեծ կայսրութիւն, ծաւալած Կասպից ծովէն մինչեւ Միջերկրական, ընդգրկելով Սուրիան, Լիբանանն ու Պաղեստինը եւ մաս մը Եգիպտոսէն:

Պաքըրգիւղի Տատեան վարժարանին մէջ անցեալ շաբաթ տեղի ունեցաւ գեղարուեստական հանդիսութիւն մը, որ մեծ ոգեւորութեան առիթ հանդիսացաւ։ Ուսուցչական կազմը վերահսկած էր՝ աշակերտներու կողմէ գործադրուած ծրագրին պատրաստութիւնը։

Շիշլի մարզակումբի նախաձեռնութեամբ կազմակերպուած ձմրան դասընթացքները եզրափակուեցան՝ արդիւնաւէտ աշխատանքային շրջանէ մը վերջ։

Էսաեանի ընտանիքը շաբաթավերջին համակուած էր տօնական տրամադրութեամբ։ Էսաեանցիներու հաւաքը այս տարի արտասովոր ոգեւորութեան առիթ հանդիսացաւ, որովհետեւ համաճարակի սահմանափակումներու հետեւանքով երեք տարուան ընդհատումէ վերջ առիթ հանդիսացաւ աննախընթաց խանդավառութեան։