Արխիւ

ՊԻԱՆՔԱ ՍԱՐԸԱՍԼԱՆ

Ներկայիս բազում մարդիկ կը պնդեն, թէ բարոյականութիւնը նահանջած է. համամիտ չեմ։ Թէ՞ ինչու…

ՀՐԱՅՐ ՏԱՂԼԵԱՆ

Առեղծուած է կեանքը… լեցուն լաւ ու վատ անակընկալներով: Առեղծուած, որ անյստակութիւն կը ստեղծէ վայրկեաններուն իսկ միջեւ, մէկ պահէն միւս պահը հազար ու մէկ բան փոխելով մարդու կեանքին մէջ:

Հայաստանի Անվտանգութեան խորհուրդի քարտուղար Արմէն Գրիգորեան յայտարարեց, որ Լեռնային Ղարաբաղի հիմնախնդիրը Երեւանի համար տարածքային հարց մը չէ։ «Այդ առումով մեզի համար սկզբունքային է Լեռնային Ղարաբաղի հայութեան անվտանգութիւնն ու իրաւունքները», յայտնեց Արմէն Գրիգորեան «Արմէնփրէս» գործակալութեան տուած հարցազրոյցին մէջ։

Շաբաթ երեկոյեան Գնալը կղզիին մէջ տեղի ունեցաւ Մխիթարեան սանուց միութեան վարչութեան կողմէ կազմակերպուած հաւաքոյթ մը, որ համախմբեց վարժարանի զանազան սերունդներէ սաներն ու համակիրները։ Ջրային մարզաձեւերու ակումբէն ներս տեղի ունեցաւ հաւաքոյթը, որու ընթացքին երաժշտական յայտագիր գործադրեց Արի Պարութօղլու։

Մեր ընթերցողներուն ուրախութեամբ կը տեղեկացնենք, թէ երէկ երեկոյեան քաղաքս ժամանեց Երեւանի մեր արժէքաւոր աշխատակիցներէն Վարանդ Քորթմոսեան։ Երեւան-Իսթանպուլ թռիչքով, թերթիս խմբագրութեան հրաւէրին ընդառաջ Պոլիս կ՚այցելէ Վարանդ Քորթմոսեան, որու կեցութիւնը կը տեւէ աւելի քան երկու շաբաթ։

Հայաստանէն՝ Շիրակի թեմի առաջնորդ Տ. Միքայէլ Արք. Աջապահեան այս օրերուն կը հիւրընկալուի Մեծի Տանն Կիլիկիոյ Կաթողիկոսութեան կողմէ։ Ըստ էութեան, Անթիլիասի եւ Պիքֆայայի մէջ ան կ՚անցընէ իր կեցութեան շրջանը։

Աշխարհի չորս ծագերուն ցրուած հայութեան կեանքը բարեփոխելու եւ վերակազմակերպելու ուղղեալ որոնումներու պարունակին մէջ առաջարկուած գործնական ծրագիր մը:
«Համոզիչ եւ արդար է, որ ազգային տեսական բարձրագոչ լոզունգները ընդհանրապէս ժամանակի հոսանքին հետ անիմաստ կը դառնան, եթէ չգործնականացուին իմաստալից ծրագիրներով»:

ՍԱԳՕ ԱՐԵԱՆ

Շուրջ տասն օր առաջ Լիբանանի մէջ ծայր կ՚առնէր նոր տագնապ մը, ձեւով մըն ալ պատճառ դառնալով, որ երկրի քաղաքական շրջանակները՝ մէկ կողմ թողեն առաջնահերթ զանազան թղթածրարներ, ստիպուած ըլլան զբաղելու Լիբանանի մարոնիթ եկեղեցւոյ միաբաններէն Մուսա Հաժ եպիսկոպոսի խնդրով։

ՀՐԱՅՐ ՏԱՂԼԵԱՆ

Դարձեալ Լիբանան... դարձեալ ողբերգութիւն...:
Լիբանանի վիճակը կամաց կամաց դէպի լաւ երթալու փոխարէն, օրէ օր աւելի կը վատթարանայ. մարդիկ կտոր մը հաց առնելու համար երկար շարքեր կը կազմեն՝ շատ անգամ կռուելով ու պայքարելով: