Արխիւ

Արաբական Միացեալ Էմիրութիւնները հերթական անգամ թիրախաւորուեցաւ՝ Եմէնի շիի հուսիներուն կողմէ, որոնք Իրանի հովանաւորութիւնը կը վայելեն։ Անջատողական այս շարժումի վերջին յարձակումը հետաքրքրական ժամկէտի մը զուգադիպեցաւ։

Իսթանպուլի եւ Երեւանի միջեւ ուղիղ թռիչքները վաղը պիտի վերսկսին՝ շուրջ երկուքուկէս տարուայ ընդհատումէ մը վերջ։ Այժմու նոր մեկնարկը տեղի կ՚ունենայ՝ Թուրքիա-Հայաստան յարաբերութիւններու բնականոնացման գործընթացի համայնապատկերին վրայ, եւ անոր համապատասխան իմաստ կը վերագրուի։

Անթալիայի մէջ նախորդ շաբթուայ տեւողութեան տեղի ունեցաւ Թուրքիոյ ճատրակի առաջնութիւնը՝ ըստ զանազան տարիքային դասաւորումներու։ Այս մրցաշարքին մասնակցեցաւ նաեւ Շիշլի մարզակումբէն 18-ամեայ Պերքայ Էքինճի, որ թէ՛ աստղերու եւ թէ գլխաւոր կազմին մասնակից է։

Էսաեան սանուց միութիւնը այս տարի կը նշէ իր հիմնադրութեան 75-ամեակը։ Այս առթիւ միութեան ներկայացուցիչները երէկ հիւրընկալուեցան Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի կողմէ։

Ամենայն Հայոց Տ.Տ. Գարեգին Բ. Կաթողիկոսը ուղեւորութեան ձեռնարկած է դէպի Ամերիկայի Միացեալ Նահանգներ։ Ամենայն Հայոց Կաթողիկոսութեան Տեղեկատուութեան համակարգը տեղեկացուց, որ Վեհափառ Հայրապետի ճամբորդութիւնը սկսած է այսօր։

Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ

«Մեղքերուն համար» (տե՛ս Յհ 16.8):
Ի՞նչ է մեղքը. ամէն ինչ որ դուրս է բնական եւ գրաւոր օրէնքներէն՝ վարուելակերպ ու շարժումներ, ատոնք մեղք են:

Հայաստանի Սինեմաթոկրաֆներու միութեան դահլիճը օժտուեցաւ նոր սարքաւորումերով եւ այնուհետեւ հանդիսատեսին կը ներկայանայ նոր լուսային ու ձայնային թեքնիքով մը։ Այս համալրման շնորհիւ հնարաւոր պիտի դառնայ, որ «Կինոյի տան» երդիքին տակ կազմակերպուին փառատօներ, ինչպէս նաեւ նպաստ բերուի «Ազգային սինեմաթեք քոնսեփթ» ստեղծարար, կրթական, մշակութային, զբօսաշրջային նախագծի զարգացման։

Հայաստանի մէջ նոր Հանրապետութեան նախագահի ընտրութեան հարցի մանրամասնութիւնները հետզհետէ կը յստականան։ Արդէն շաբաթ մը անցած է Արմէն Սարգսեանի հրաժարելէն ի վեր եւ Ազգային ժողովի համապատասխան յայտարարութեան զուգահեռ՝ նախագահի աթոռը պաշտօնապէս կը դառնայ թափուր։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ արարողութիւններուն նախագահեց Գումգաբուի Ս. Աստուածածին Աթոռանիստ Մայր եկեղեցւոյ մէջ, ուր պատարագեց Տ. Եղիշէ Վրդ. Ոչքունեան։ Կէտիկփաշայի «Հրանդ Տինք» դպրոցի տարեկան նուիրահաւաքն ալ երէկ տեղի ունեցաւ զուգահեռաբար։