Արխիւ

Ամեն. Ս. Պատրիարք Հայր Սամաթիոյ մէջ յայտնեց, որ իւրաքանչիւրը նախ պէտք է իր տան առջեւը աւլէ:
«Մեր հաստատութիւններու հարստութիւնները պէտք է տնօրինենք ո՛չ թէ դրամատան, այլ եկեղեցական մտայնութեամբ»:

Հայաստանի Անվտանգութեան խորհուրդի քարտուղար Արմէն Գրիգորեան այսօր շփումներ կ՚ունենայ Ուաշինկթընի մէջ։ Վերջին օրերուն ան Ամերիկայի Միացեալ Նահանգներ մեկնած էր՝ մաս կազմելով Հայաստանի վարչապետ Նիկոլ Փաշինեանի գլխաւորած պատուիրակութեան, որ մասնակցեցաւ ՄԱԿ-ի ընդհանուր ժողովի նոր՝ 77-րդ նստաշրջանի բացման փուլին։

Համակրելի մեներգչուհի Սիպիլի հետ վերջերս շահեկան հարցազրոյց մը լոյս տեսաւ Երեւանի «Հրապարակ» օրաթերթին մէջ։ Ինչպէս ծանօթ է, Սիպիլ վերջերս այցելած էր Հայաստան եւ հերթական անգամ զանգուածային լրատուութեան միջոցներու ուշադրութեան առարկայ դարձաւ։

Պելժիա-Հայաստան բարեկամութեան խումբի անդամները Մայր Աթոռ Ս. Էջմիածնի մէջ:
Վեհափառ Հայրապետը անդրադարձաւ Հայց. Եկեղեցւոյ եւ քոյր եկեղեցիներու համագործակցութեան:

Պատրաստեց՝ ՎԱՐԱՆԴ ՔՈՐԹՄՈՍԵԱՆ

Վաղը, 25 սեպտեմբեր 2022-ին, Հայ Առաքելական Սուրբ Եկեղեցին պիտի տօնախմբէ Սուրբ Խաչի տօներէն՝ Վարագայ Սուրբ Խաչի յիշատակը: Տօն մը, որ յատուկ միայն մեզի՝ հայերուս, եւ այս պատճառով ալ զանազան հեղինակներու եւ գրիչներու կողմէ կոչուած է «Հայու սեփական Խաչը»ի տօնը:

ՀՐԱՅՐ ՏԱՂԼԵԱՆ

Մինչեւ որոշ ժամանակ գիտութեան եւ արհեստագիտութեան զարգացումը որպէս դրական երեւոյթ կը դիտուէր մարդկութեան կողմէ եւ մարդ արարածը կը հաւատար, որ ժամանակ մը ետք կեանքը աւելի դիւրին ու հանգստաւէտ պիտի ըլլայ իրեն համար, սակայն ժամանակի ընթացքին սկսաւ համոզուիլ, որ բարիքներուն կողքին գիտութեան եւ արհեստագիտութեան զարգացումը ունի նաեւ բազմաթի՜ւ բացասական կողմեր, որոնք դիւրացնելու փոխարէն կրնան մարդուն կեանքը աւելիով դժուարացնել եւ մինչեւ իսկ դժբախտացնել:

Գոհունակութեամբ վերահասու կ՚ըլլանք, թէ Սուրբ Գրոց ընկերութեան Արաբական ծոցի երկիրներու մասնաճիւղի ընդհանուր տնօրէն տքթ. Հրայր Ճէպէճեան վերջերս շքանշանով մը պարգեւատրուած է Հայ Կաթողիկէ Եկեղեցւոյ կողմէ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիրն ու իր գործակից ընկերները։ Ներկայ էր նաեւ թաղի հոգեւոր հովիւ Տ. Զօհրապ Քհնյ. Ճիվանեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Ֆէրիգիւղի Ս. Վարդանանց եկեղեցւոյ մէջ նախագահեց հաւաքական մկրտութեան արարողութեան։ Այսպէս, խորհրդակատարութիւնը տեղի ունեցաւ թաղի Մէրամէթճեան վարժարանի այն 11 աշակերտներուն համար, որոնք նախապէս չէին մկրտուած։