Արխիւ

Գումգաբուի «Պէզճեան» սրահին մէջ շաբաթավերջին տեղի ունեցաւ «Մեր հայեր» նորաստեղծ միութեան ծանօթացման ընդունելութիւնը։ Ինչպէս ծանօթ է, «Մեր հայեր»ը համավարակի շրջանին ստեղծուեցաւ՝ որպէս ընկերային օժանդակութեան շարժում։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Գումգաբուի Դրսի Ս. Յարութիւն եկեղեցւոյ տարեկան անուան տօնախմբութեան։ Ս. Պատարագը մատոյց Տ. Նաթան Քհնյ. Արապեան։ Ներկայ էր նաեւ Տ. Յովակիմ Աբեղայ Սերովբեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Իսթանպուլի գլխաւոր քաղաքապետ Էքրէմ Իմամօղլուն, որ փութացած էր Ս. Զատկի տօնական շնորհաւորութեան։

Մեծն եօթնեակի (G-7) երկիրներու արտաքին գործոց նախարարները ժողով մը գումարեցին Ճաբոնի մէջ։ Միջազգային աղբիւրները լայնօրէն արձագանգ կը հանդիսանան այս հաւաքին, որու ընթացքին առաջնահերթօրէն օրակարգի վրայ եկաւ Ուքրայնայի կացութիւնը։

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Քրիստոս յարեաւ ի մեռելոց,
Եօթը շաբթուան Մեծ պահոց ապաշխարութեան շրջանին յաջորդեց Սուրբ Յարութեան առթած հոգեւոր ուրախութիւնը, որով քառասուն օրեր պիտի ողջունենք զիրար, Սուրբ Յարութեան աւետիսի բառերով։ Մեղքով վիրաւորուած մարդկային կեանքին կրած ցաւը կը դարմանուէր ապաշխարութեամբ, պատրաստուելով Սուրբ Յարութեան աւետիսին։

ՎԱՐԱՆԴ ՔՈՐԹՄՈՍԵԱՆ

Ինչպէս Սուրբ Յարութեան տօնը նախորդող շրջանը Եկեղեցին պահեցողութեան եւ ապաշխարութեան շրջան մը կ՚անցընէ, որ ծանօթ է Մեծ պահք կամ Քառասնորդացի պահեցողութիւն անուանումով, այդպէս ալ, Սուրբ Յարութեան յաջորդող շջանը ուրախութեան եւ ցնծութեան շրջան է, որովհետեւ Եկեղեցւոյ Փեսան՝ Տէր Յիսուս հրաշափառապէս Յարութիւն առաւ, մահուամբ մահը կոխելով եւ Իր յարութեամբ մարդոց կեանք պարգեւելով:

ՀՐԱՅՐ ՏԱՂԼԵԱՆ

Յաճախ մենք ունինք այն կարծիքը, որ հայկական սփիւռքը ծնունդ առաւ ցեղասպանութենէն ետք, սակայն իրականութեան մէջ, թէ՛ Ֆրանսայի, թէ՛ Ամերիկայի, թէ՛ Լիբանանի, թէ՛ Սուրիոյ, թէ՛ Հնդկաստանի եւ Եգիպտոսի մէջ արդէն իսկ հայկական գաղութներ գոյութիւն ունէին:

Երէկ, Էօզպեքիստանի տանտիրութեամբ, Աֆղանիստանի հարեւան երկիրներու չորրորդ նախարարական համաժողովը տեղի ունեցաւ Սամարղանտի մէջ։ Այս ծիրէն ներս կազմակերպուեցաւ նաեւ տարածաշրջանային քառեակի երկիրներու՝ Ռուսաստանի, Չինաստանի, Իրանի եւ Փաքիստանի արտաքին գործոց նախարարներուն անպաշտօն հանդիպումը, որ երրորդն էր իր նմաններու շարքին։

Հայաստանի վարչապետ Նիկոլ Փաշինեան երէկ ընդունեց ԵԱՀԿ-ի շրջանային նախագահ երկրի՝ Հիւսիսային Մակեդոնիայի արտաքին գործոց նախարար Պույար Օսմանին: