Արխիւ

ՀՐԱՅՐ ՏԱՂԼԵԱՆ

Բոլորս ալ լոյս աշխարհ կու գանք մեր կամքէն անկախ եւ աշխարհագրութիւնը որուն մէջ մեր աչքերը կը բանանք, կը նկատենք բախտ կամ ճակատագիր: Սակայն իրականութեան մէջ մարդուն կեանքը բարելաւողը այդ աշխարհագրութիւնը չէ, այլ մարդը ի՛նքն է իր կեանքը բարելաւողը:

ՀՐԱՅՐ ՏԱՂԼԵԱՆ

Յստակօրէն հասկնալու եւ գիտնալու համար, թէ ո՞ւր էինք եւ ո՛ւր հասանք, պէտք է անպայմանօրէն ստուգել անցեալի հայկական մամուլը եւ ինչո՞ւ չէ նաեւ օտար մամուլները: Ապագայի հանդէպ մեր մտահոգութիւնը, ներկայի հանդէպ մեր դժգոհութիւնն ու անցեալի հանդէպ եղած սէրը որպէս յոռետեսութիւն թող չորակուի, սակայն անուրանալի է, թէ անցեալին ունէինք աւելի աշխոյժ մշակութային ու ազգային կեանք մը՝ քան ներկայիս:

Մխիթարեան վարժարանին մէջ մանկապարտէզի փոքրիկներու տարեվերջի հանդիսութիւնը առիթ դարձաւ մեծ խանդավառութեան։ Մանկապարտիզպանուհիներէն Թանիա Փաքէրթիքի ողջոյնի խօսքով սկսաւ հանդիսութիւնը, որմէ վերջ արտայայտուեցաւ Մխիթարեան միաբանութեան Իսթանպուլի վանատունէն Հայր Յակովբոս Ծայրագոյն Վարդապետ Չօփուրեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս առաւօտեան կանուխ ժամերուն վերադարձաւ իր Աթոռը։ Ինչպէս ծանօթ է, Ամեն. Ս. Պատրիարք Հայրը շուրջ շաբաթէ մը ի վեր կը գտնուէր Մայր Աթոռ Սուրբ Էջմիածնի մէջ, ուր մասնակցեցաւ Տ.Տ. Գարեգին Բ. Ամենայն Հայոց Վեհափառ Հայրապետին նախագահութեամբ գումարուած Գերագոյն հոգեւոր խորհուրդի (ԳՀԽ) նստաշրջանին։

Սփիւռքի միակ բարձրագոյն ուսման հաստատութենէն այս տարի 132 ընթացաւարտ վկայուեցաւ:
Պէյրութի Հայկազեան համալսարանի շրջանաւարտները ստացան իրենց վկայականները՝ փառաշուք հանդիսութեամբ:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հարաւային Գալիֆորնիոյ համալսարանէն պատուիրակութիւն մը։ Հիւրերը գլխաւորեց Հարաւային Գալիֆորնիոյ համալսարանի Հայագիտական հետազօտութիւններու կաճառի խորհուրդի նախագահ Չարլզ Ղալեան։

ԳԷՈՐԳ ՊԵՏԻԿԵԱՆ

Խնդրե՛մ, ըսէ՛ք, ի՞նչ պիտի ըլլար ձեր պատասխանը, երբ օր մը ձեր սենեակէն ներս, գրասեղանիդ վրայի համակարգիչին դիմաց նստած, մտածկոտ ու խոհերու մէջ թաղուած, յանկարծ տասը տարեկան ձեր թոռնուհին սենեակ մտնէր, առանց բարեւելու, մօտենար ձեզի եւ բարկացող եւ սակայն անմեղօրէն հարց տար.

ՎԱՐԱՆԴ ՔՈՐԹՄՈՍԵԱՆ

Հարցում. Ինչպէ՞ս հասկնալ Առակագիրին հետեւեալ ըսածը. «Երբ Տէրը մարդուն ճամբաներուն հաճի, մինչեւ անգամ անոր թշնամիները կը հաշտեցնէ անոր հետ» (Առ 16.7):
Պատասխան. մարդ երբ Աստուծոյ կամքին համաձայն ապրի եւ իր կեանքը անուշաբոյր պատարագ ըլլայ մատուցուած Տէր Աստուծոյ, ապա Աստուած այդ մարդուն հետ կ՚ընթանայ քայլ առ քայլ, եւ երբ կարիք ըլլայ միջամտելու կամ օգնելու, ապա Իր օգնութիւնը կամ միջամտութիւնը կը ցուցաբերէ տուեալ մարդուն:

Գերագոյն հոգեւոր խորհուրդի ընդլայնուած կազմով նստաշրջանի աւարտին յայտարարութիւն:
Մայր Աթոռը կը շարունակէ անհանգստութիւն յայտնել Հայաստանի իշխանութիւններուն որդեգրած քաղաքականութեան շուրջ: