Արխիւ

Հայաստանի տեղական ինքնակառավարման մարմիններու ընտրութիւններուն ընդառաջ, երէկ երեկոյեան, Երեւանի կեդրոնին տեղի ունեցաւ մեծ հանրահաւաք մը, որուն յաջորդեց նաեւ երթ մը։ Վարչապետ Նիկոլ Փաշինեան եւս մասնակցեցաւ այս մեծ հանրահաւաքին, որու ընթացքին ունեցաւ ելոյթ մը։

Էսաեան վարժարանի լիսէի բաժնէն աշակերտներ երէկ շրջագայութիւն մը կատարեցին Պէյօղլուի մէջ։ Այսպէս, անոնք այցելեցին պատմական թաղամասի զանազան եկեղեցիները։

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Ահաւասիկ հասած ենք Խաչվերացի տաղաւարին։ Տարւոյն հինգ տաղաւարներէն վերջինը, որուն տօնակատարութեան կեդրոնական տեղը կը գրաւէ Խաչը, Խաչեալը եւ Խաչի խորհուրդը։

ՎԱՐԱՆԴ ՔՈՐԹՄՈՍԵԱՆ

Վաղը Հայ Առաքելական Սուրբ Եկեղեցին պիտի նշէ Տաղաւար տօներէն հինգերորդը՝ Խաչվերացը, Սուրբ Խաչի տօնը:
Այսօր մեր ընթերցողներուն պիտի ներկայացնեմ փունջ մը Աստուածաշնչական համարներ եւ Եկեղեցւոյ Սուրբ Հայրերու գրութիւններէն հատուածներ՝ նուիրուած Սուրբ Խաչին:

Աշխարհահռչակ երաժիշտ Արամ Խաչատուրեանի ծննդեան 120-ամեակին առթիւ Իսթանպուլի մէջ նախատեսուած պատմական ձեռնարկներուն թուականը կը մօտենայ:
Եզակի ժամադրութիւն:
Երաժշտասէրները անհամբերութեամբ կը սպասեն յաջորդ հինգշաբթի՝ սեպտեմբերի 21-ի երեկոյեան CRR-ի բեմին վրայ ողջունելու համար Երեւանէն «Խաչատուրեան» եռեակն ու Իսթանպուլի Ֆիլհարմոնիի միութեան սենեկային նուագախումբը, որոնք եզրափակիչ փուլին միասնաբար պիտի մեկնաբանեն մեծանուն վարպետին «Սուսերով պար»ը: Սրահին մէջ պիտի ցուցադրուի նաեւ առասպելական վարպետին ճանապարհորդութիւններուն վերաբերեալ գծաֆիլմ մը:
Շահան Արծրունի հանգամանալից զեկուցումով եւ Ճեմալ Ռեշիտ Ռէյի դաշնամուրով հանդէս պիտի գայ՝ պաշտօնական հիւրերուն առջեւ:
Հանդիսաւոր համերգը պիտի զուգադիպի Հայաստանի Հանրապետութեան անկախութեան հռչակման 32-րդ տարեդարձին: Նախապատրաստական աշխատանքները թափով ու բծախնդրութեամբ յառաջ կը տարուին՝ ՍԾՏՀԿ-ի մօտ մշտական ներկայացուցչութեան վերահսկողութեան ներքեւ, կարգադիր յանձնախումբի ջանքերով:

Արեւմտեան Եւրոպայի հայրապետական պատուիրակ եւ Վատիկանի Սուրբ Աթոռին մօտ Ամենայն Հայոց Կաթողիկոսի մշտական ներկայացուցիչ Տ. Խաժակ Արք. Պարսամեան երէկ Սուրբ Պետրոսի հրապարակին վրայ մասնակցեցաւ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապի շաբաթական ընդհանուր ունկնդրութեան։

ՍԱԳՕ ԱՐԵԱՆ

«Համահայկական եւ համազգային ծրագիրներու տեսադաշտէն դուրս կը մնան նոր լուծման հեռանկարները»:
Խալոյեան. «Այսօր նոյն եւ հին ակնոցներով չենք կրնար նայիլ սփիւռքին, որու հետ շփուելու համար պետութիւնը նոր ձեւեր պէտք է որդեգրէ։ Արցախի առկայ իրավիճակը բոլորին համար պարտադրանք կը ստեղծէ՝ սեփական դերակատարութիւնը վերատեսութեան ենթարկելու։ Երիտասարդութիւնը պէտք է մղել գիտական ուղղութեան»:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Johann Christoph Friedrich von Schiller (1759-1805թթ.) կ՚ըսէ. «Մարդու մը ճշմարիտ արժէքը կախում ունի ո՛չ թէ իր բանականութենէն, այլ կամքի ուժէն, երբ սա կը պակսի, այն ատեն հոգիին տաղանդները զայն կը տկարացնեն։ Չկայ աւելի դժբախտ եւ խեղճ արարած աշխարհի վրայ քան մեծ հոգի մը՝ որուն համապատասխան նկարագիր կը պակսի»։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Ֆրանսայի նորանշանակ դեսպան Օլիվիէ Տըքոթինյին։ Զրոյցի ընթացքին Վեհափառ Հայրապետը դեսպանին բարեմաղթութիւններ ըրաւ, որպէսզի արդիւնաւոր առաքելութիւն ունենայ Հայաստանի մէջ։