Արխիւ

Վաքըֆներու խորհուրդի մօտ փոքրամասնութեանց ներկայացուցիչ Ճան Ուսթապաշըի պաշտօնավարութեան շրջանը աւարտին հասնելու վրայ է։ Կը հաղորդուի, որ յառաջիկայ դեկտեմբերի 7-ին նախատեսուած է Վաքըֆներու խորհուրդի 6-րդ շրջանի կազմին ընտրութիւնը։

ՀՐԱՅՐ ՏԱՂ­ԼԵԱՆ

Հայաստանի մէջ տեղի ունեցող վերջին իրադարձութիւններէն ետք եթէ որպէս լուծում կ՚ուզենք գիտնալ, թէ ինչ կարելի է եւ պարտաւոր ենք ընել՝ պէտք է դասեր քաղենք անցեալէն:

ՎԱՐԱՆԴ ՔՈՐԹՄՈՍԵԱՆ

Հարցում. Ի՞նչ ըսել կ՚ուզէ Սողոմոն Իմաստուն երբ կը գրէ. «Մարդուն հոգին իր հիւանդութեան կը համբերէ, բայց վիրաւորուած հոգին ո՞վ կրնայ մխիթարել» (Առ 18.14):

Վատիկանէ ներս ընթացքի մէջ է Հռոմէական Կաթոլիկ Եկեղեցւոյ Ս. Սինոդի ժողովը, որու ծիրէն ներս շաբաթավերջին առ Աստուած աղօթք բարձրացուեցաւ Լեռնային Ղարաբաղի համար։ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապի նախագահութեամբ կ՚ընթանան Սինոդի նիստերը, որոնց կը մասնակցի նաեւ Արեւմտեան Եւրոպայի հայրապետական պատուիրակ եւ Վատիկանի Ս. Աթոռի մօտ Ամենայն Հայոց Կաթողիկոսի ներկայացուցիչ Տ. Խաժակ Արք. Պարսամեան։

Արցախի հայաթափման ծանր հետեւանքները կը բիւրեղանան զանազան երեսակներով։ Այս ամբողջին մէջ առանձնապէս ուշադրութեան առարկայ են այն աւելի քան 30 հազար երեխաները, որոնք ստիպուած իրենց տուներէն փախած են երկու շաբաթ առաջ՝ ռազմական գործողութիւններու հետեւանքով։ ԻՒՆԻՍԷՖ մասնագիտական զգուշացումով մը հանդէս եկաւ անոնց պարագային։ Արդարեւ, առանց անյապաղ աջակցութեան՝ անոնց հոգեկան առողջութիւնը կրնայ վատթարանալ։

Երեւանի քաղաքապետարանէն ներս այս առաւօտ տեղի ունեցաւ մայրաքաղաքի նորընտիր աւագանիին անդրանիկ նիստը։ Մօտաւոր անցեալի ընտրութիւններով ձեւաւորուած աւագանին քաղաքապետ ընտրեց Տիգրան Աւինեանը, որ 2018-ի իշխանափոխութենէն վերջ միջոց մը վարած էր Հայաստանի փոխ-վարչապետի պաշտօնը։

Խոր ցաւով վերահասու եղանք, թէ երէկ իր մահկանացուն կնքած է յայտնի լուսանկարիչ Մանուէլ Չըթաք։ Իր յանկարծական մահը ցնցում պատճառած է բոլոր սիրելիներուն՝ քանի ան իսկապէս անժամանակ հրաժեշտ առած է կեանքէն։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Հայաստանի Ճարտարապետներու միութեան նախագահ Աշոտ Գրիգորեանը, որ «Հայճար»ի կողմէ հրաւիրուած է քաղաքս։ Հանդիպման ներկայ էր նաեւ «Հայճար»ի սիւներէն Նազար Պինաթլը։

Երէկ, Մայր Աթոռ Սուրբ Էջմիածնի մէջ տեղի ունեցաւ եպիսկոպոսական ձեռնադրութիւն եւ օծում։ Թէեւ համազգային ցնցումի ընդհանուր մթնոլորտը անխուսափելիօրէն ազդած է ամէն ինչի վրայ, սակայն, Մայրավանքի համալիրէն ներս յամենայնդէպս ստեղծուեցաւ արտասովոր մթնոլորտ։ Սուրբ Էջմիածնի Մայր Տաճարի վսեմ հովանիին ներքեւ անոր շրջապատի նուիրական մթնոլորտին մէջ, Հայաստանեայց Առաքելական Եկեղեցւոյ եպիսկոպոսաց դասը համալրուեցաւ հինգ նոր արժանաւոր անդամով։