Արխիւ

«Աստուծոյ հետ ըլլալ կը նշանակէ հզօր ըլլալ, Աստուծոյ հետ ըլլալ կը նշանակէ երջանիկ կեանքով ապրիլ»:
Տաւուշի թեմէն երիտասարդներ Մայր Աթոռ Սուրբ Էջմիածնի մէջ ստացան Վեհափառ Հայրապետի օրհնութիւնը:

ԱԼԵՔՍ ՍՐԿ. ԳԱԼԱՅՃԵԱՆ

Դատելու եւ դատուելու եղանակները մարդկային, ընկերային եւ փոխյարաբերական կեանքիդ անբաժան արարքները կը նկատուին։ Կը դատես, երբ կը տեսնես սխալ արարք մը կամ անուղղայ ընթացք մը՝ ըլլայ անիկա քեզի կամ ուրիշին դէմ կատարուած։ Կը դատես ի խնդիր ճշմարտութեան յայտնաբերման եւ արդարութեան հաստատման։

Ներքին գործոց նախարար Սիւլէյման Սոյլու պաշտօնական այցելութիւն մը տուաւ Պաքու, ուր հիւրընկալուեցաւ նաեւ Ատրպէյճանի նախագահ Իլհամ Ալիեւի կողմէ։ Հանդիպման ընթացքին նախարարը անդրադարձաւ թէ՛ երկու երկիրներու եւ թէ անոնց ղեկավարներու բարեկամութեան։

Իրանի եւ Ատրպէյճանի միջեւ համաձայնութիւն գոյացաւ՝ երկաթուղիի մը եւ մայրուղիի մը կառուցման շուրջ։ Թեհրանի պաշտօնական աղբիւրները տեղեկացուցին, որ Ատրպէյճանի Աստարա եւ Իրանի նոյնպէս Աստարա կոչուած շրջաններուն միջեւ պիտի կառուցուին մայրուղի մը ու երկաթուղի մը։

Հայաստանի եւ Ռուսաստանի ղեկավարութիւններուն միջեւ լիակատար փոխըմբռնում գոյութիւն ունի յարաբերութիւններու ապագային մասին:
Նիկոլ Փաշինեանի եւ Վլատիմիր Փութինի Մոսկուայի հանդիպման ընթացքին ամփոփուեցան վերջին ութ ամիսներուն տեղի ունեցած ծաւալուն քննարկումները:

Թոփգաբուի Լեւոն-Վարդուհեան վարժարանին մէջ ներկայ Ամանորի շրջանը բնորոշուեցաւ մեծ խանդավառութեամբ։ Դպրոցէն ներս նախընթաց օր տեղի ունեցաւ հանդէս մը, որու ընթացքին տղաքը ողջունեցին Կաղանդ պապուկը։

Գատըգիւղի Արամեան-Ունճեան վարժարանին մէջ Ամանորի եւ Ս. Ծննդեան առթիւ ստեղծուեցաւ մեծ ոգեւորութիւն, որ ներկայ տօնական շրջանին կը պայմանաւորէ Գատըգիւղի ամբողջ ընտանիքի տրամադրութիւնը։ Իրականութեան մէջ ամբողջ դեկտեմբեր ամիսը վարժարանի տնօրէնութեան եւ ուսուցչական կազմի ջանքերով նախապատրաստական շրջանի մը վերածուած էր, իսկ վերջին օրերուն հրճուանքը հասաւ գագաթնակէտին։

Երէկ երեկոյեան Գարակէօզեան Տան մէջ տեղի ունեցաւ Ամանորի խրախճանք։ Վերջին տարիներուն աւանդական դարձած է այս հաւաքոյթը, որու ընթացքին ստեղծուեցաւ մեծ խանդավառութիւն։

ԺԱՄԱՆԱԿ-ի հիմնադիր Միսաք Գօչունեանի կողմէ առաջին անգամ աշխարհաբարի վերածուած Նարեկի վերահրատարակութեան առթիւ որդիական զգացումներով կու գանք մեր ամենախորին երախտագիտութիւնը յայտնել Ն.Ս.Օ.Տ.Տ. Գարեգին Բ. Ամենայն Հայոց Սրբազնագոյն Կաթողիկոսին, որու օրհնութիւնով ու հրամանով վերահրատարակուած է գիրքը։ Վեհափառ Հայրապետի ցուցաբերած վերաբերմունքը մեզ կը խրախուսէ Քասիմի աւանդին հաւատարիմ մնալու ճանապարհին։