Արխիւ

ՍԱԳՕ ԱՐԵԱՆ

Ծաղկաձորեան հանգստեան օր մըն էր (2015) ու երեկոյեան Talk Show-ին կը մասնակցէր Ռուբէն Մելքոնեան: Զրոյցի նիւթը բնականաբար Թուրքիոյ զարգացումներն էին, որոնց մասին բացի համոզիչ եւ հասկնալի բացատրութիւններ տալէ, Մելքոնեան իր գիտնականի հմուտ տեսակէտներով կը յաջողէր լռութեան մատնել իր ընդդիմախօսը եւ ակնդիրի մտքին մէջ ներդաշնակ կերպով «տեղաւորել» իր գաղափարները:

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Եթէ մարդ տեղեակ ըլլայ, թէ գործիք մը ի՞նչպէս կ՚աշխատի եւ գիտնայ անոր մասին մանրամասնութիւններ, զայն գործածելը կը դիւրացնէ եւ գործիքը աւելի օգտակար կ՚ըլլայ։ Կեանքի մէջ ալ պարագան նոյնն է. կեանքը ճանչնալ, կեանքի փորձառութիւն ունենալ՝ կեանքը դիւրատար կ՚ընէ, կեանքի զանազան նեղութիւններուն, դժուարութիւններուն դէմ պայքարը աւելի հեշտ կը դարձնէ, կեանքը ապրիլ աւելի դիւրին կ՚ըլլայ, մէկ խօսքով՝ կեանքը աւելի դիւրատար կը հանդիսանայ։

Գարակէօզեան Տան «Նատիա եւ Տիգրան Կիւլմէզկիլ» գեղարուեստական աշխատանոցի յարկէն ներս Բարեկենդանը նշուեցաւ մեծ խանդավառութեամբ։ Աշխատանոցի ծրագրերուն մասնակից յիսունութ փոքրիկներ մասնակցութիւն բերին կազմակերպուած խրախճանքին։

ԱՐԱ ԳՕՉՈՒՆԵԱՆ

Ֆէրիգիւղի Ս. Վարդանանց եկեղեցւոյ մէջ երէկուան Ս. Պատարագի ընթացքին պատահած ցաւալի դէպքը հերթական անգամ օրակարգի վրայ բերաւ մեր համայնքէն ներս բեւեռացումներէ խուսափելու եւ հաւաքական պատասխանատուութեան գիտակցութիւնը ամրապնդելու անհրաժեշտութիւնը:
Հաւաքական կեանքի բոլոր հարցերու լուծման բանալին է՝ իրարու նկատմամբ յամառօրէն սէրն ու յարգանքը:

Ս. Վարդանանց Դպրաց Դասու հիմնադրութեան 109-րդ եւ երգչախումբի կազմութեան 86-րդ կրկնակ տարեդարձները երէկ նշուեցան տօնական բարձր տրամադրութեամբ:
Բուն բարեկենդանի կրօնական եւ աշխարհիկ աւանդական արարողութիւններուն հանդիսապետեց Պատրիարքական ընդհանուր փոխանորդ Տ. Արամ Արքեպիսկոպոս Աթէշեան:

Թուրքիա շաբաթավերջին հիւրընկալեց Ուաշինկթընէն բարձրաստիճան պաշտօնատար մը։ Այսպէս, Ամերիկայի Միացեալ Նահանգներու նախագահ Տանըլտ Թրամփի ազգային անվտանգութեան գծով խորհրդականը՝ զօրավար ՄաքՄեսթըր երէկ Իսթանպուլի մէջ ընդունուեցաւ Հանրապետութեան նախագահ Րէճէպ Թայյիպ Էրտողանի բանբեր դեսպան Իպրահիմ Քալընի կողմէ։

ԱՆԻ ԴԱՆԻԷԼԵԱՆ

Հայկական լեռնաշխարհը մետաղամշակութեան հնագոյն բնօրրաններէն մին է։ Հայաստանի մէջ մետաղի գեղարուեստական մշակումը ունի հնագոյն աւանդոյթներ։ Սակայն, մինչեւ վերջին տարիները Հայաստանի հելլէնիստական դարաշրջանի տուեալները գրեթէ անյայտ էր։

Կրօնական ժողովի երէկուան նիստի արդիւնքով Պատրիարքական Աթոռէն ներս վերահաստատուեցաւ օրինական դրութիւն մը, որու շնորհիւ հասարակաց յայտարարի մը վրայ բերուեցան պաշտօնական ընթացակարգերով պայմանաւորուած պետութեան ակնկալութիւններն ու մեր եկեղեցական կարգ ու կանոնաց տեսակէտէ անհրաժեշտ նուազագոյն բոլոր տարրերը: Գումգաբուի կողմէ անմիջապէս իրազեկուեցան պատկան իշխանութիւններն ու Մայր Աթոռ Ս. Էջմիածինը:

Ճգնաժամը յաղթահարուեցաւ:
Երկար սպասումէ վերջ բանիմացութեան յաղթանակ:
Տ. Արամ Արքեպիսկոպոս Աթէշեան ամիսներ անց դարձեալ ստանձնեց Պատրիարքարանի ղեկը՝ ընդհանուր փոխանորդի հանգամանքով, մինչեւ նոր ընտրութիւն:

Ա­ԼԵՔՍ ՍՐԿ. ԳԱ­ԼԱՅ­ՃԵԱՆ

Դպրեվանքեան ուսանողութեանս տարիներն էին, երբ վաստակաշատ եւ մեծ ուսուցիչ հանգուցեալ Պարոն Գէորգ Գանտահարեանը իր ժպտադէմ դէմքով դասարան մուտք գործեց։ «Ալե՛քս,- յանկարծ ըսաւ,- ելիր գրատախտակին վրայ բահ բառը փ-ով գրէ»։ Շշմած էի։