Արխիւ

Գոհունակութեամբ վերահասու կ՚ըլլանք, որ ամերիկահայ համայնքի նոր սերունդի ներկայացուցիչներէն Տքթ. Շէյտա Մելքոնեան վերջին շրջանին կ՚արձանագրէ յարատեւ վերելք ու որպէս հոգեբան՝ մանաւանդ Լոս Անճելըսի շրջանէն ներս կը դասուի իր ոլորտի յառաջատար մասնագէտներու շարքին։ Շէյտա Մելքոնեան ուսում ստացած է հեղինակաւոր համալսարաններու մէջ եւ ներկայիս կը ծաւալէ բազմակողմանի գործունէութիւն

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

«Ո՛վ որ ծա­րաւ է՝ թող ին­ծի գայ եւ խմէ։ Ով որ ին­ծի կը հա­ւա­տայ, ինչ­պէս Սուրբ Գիր­քը կ՚ը­սէ.- Ա­նոր սիր­տէն կեն­սա­տու ջու­րի գե­տեր պի­տի բղխին», (ՅՈՎՀ. Է 37-38)։
­Տա­ղա­ւա­րա­հաց տօ­նը, գա­ւառ­նե­րու ժո­ղո­վուր­դը ի­րա­րու մօտ էր բե­րած, ա­նոնք ե­կած էին կրօ­նա­կան հան­դի­սու­թիւն­նե­րու մաս­նակ­ցե­լու, եւ կեան­քը կը շա­րու­նա­կէր իր սո­վո­րա­կան ըն­թաց­քը վրան­նե­րու տակ։

Վարչապետ Պինալի Եըլտըրըմ այսօր Պերլինի մէջ հանդիպում մը կ՚ունենայ Գերմանիոյ վարչապետ Անկելա Մերքէլի հետ։ Այս կարեւոր տեսակցութեան ընդառաջ Պինալի Եըլտըրըմ հարցազրոյց մը տուաւ ARD գերմանական հեռուստակայանին եւ կոչ ուղղեց՝ որպէսզի երկկողմանի յարաբերութիւններուն մէջ բացուի նոր էջ մը։

Թրքահայ ուսուցչաց միութեան նորընտիր վարչութիւնը երէկ հիւրընկալեց համայնքային վարժարաններու տնօրէնները։ Ինչպէս ծանօթ է, միութեան նորընտիր վարչութիւնը վերջին շրջանին աշխոյժ թափով յառաջ կը տանի բազմակողմանի շփումներ համայնքային շրջանակներէն ներս։

Պուլկարիոյ նախագահ Ռումէն Ռատեւ աւարտեց իր պաշտօնական այցելութիւնը դէպի Երեւան, ուր հիւրընկալուեցաւ Հայաստանի նախագահ Սերժ Սարգսեանի կողմէ։ Ուղեւորութեան ծրագրի շրջագծէն ներս պուլկար ղեկավարը այցելեց նաեւ Մայր Աթոռ Սուրբ Էջմիածին, ուր ընդունուեցաւ Ամենայն Հայոց Տ.Տ. Գարեգին Բ. Կաթողիկոսին կողմէ։

Տ. Գարեգին Արք. Պեքճեան, որ Պատրիարքարանի վերաբերեալ վերջին իրադարձութիւններուն զուգահեռ թողուց տեղապահի պաշտօնը, երէկ հրաժեշտ առաւ քաղաքէս։ Եշիլգիւղի «Աթաթիւրք» օդակայանին մէջ իրեն ողջերթ մաղթեցին խումբ մը համակիրներն ու Սուրբ Խաչ դպրեվանքի շրջանակներէն դէմքեր։

ԳՐԻԳՈՐ ԱՒԱԳ ՔԱՀԱՆԱՅ ՏԱՄԱՏԵԱՆ

Հիփոքրաթի ուխտեալ հետեւորդները այսօր կը սգան իրենց հանրածանօթ դասակիցներէն Փրոֆ. Տքթ. Յակոբ Կոթողեանի անդարձ մեկնումը։ Հանրածանօթ մորթաբանը, իր ծով փորձառութեամբ եւ գիտութեամբ ծառայեց մարդկութեան, հաւատարիմ մնալով իր ուխտին։

Սուրբ Փրկիչ Ազգային հիւանդանոցի հոգաբարձութեան ատենապետը մասնաւոր յայտարարութիւններ ըրաւ ԺԱՄԱՆԱԿ օրաթերթին։
Պետրոս Շիրինօղլու. «Բոլորս դաս քաղենք Պատրիարքարանի վերաբերեալ վերջին իրադարձութիւններէն եւ իրարու դէմ չտրամադրուինք հաշուեյարդարի համար»։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Մեծ պահոց շրջանի ամենակարեւոր ապրումն է «զղջում»ը, որ հետեւա՛նքն է ներհայեցողութեան, ինքնաճանաչութեա՛ն։ Արդարեւ, այս շրջանը առիթ մըն է անդրադառնալու ամէն մէկը իր ներաշխարհին եւ հոն փնտռելու եւ գտնելու՝ այն ամէն ինչ որ կ՚արատաւորէ, կ՚ապականէ հոգին եւ արդէն պղտոր միտքը՝ աւելի եւս պղտորութեան եւ անորոշութեան կը մատնէ։