Երկուշաբթի 4, Օգոստոս 2025
Արխիւ
Հինգշաբթի, Փետրուար 7, 2019
Յունաստանի վարչապետ մը երէկ առաջին անգամ այցելեց Հէյպէլիի Այա Թրիատա վանքը, որ փակ կը մնայ երկար տասնամեակներէ ի վեր:
Տ.Տ. Պարթոլոմէոս Ա. Ուղղափառաց Ծայրագոյն Պատրիարքը կղզիի վրայ հիւրընկալեց Ալեքսիս Ցիփրասը, որ գեղատեսիլ համալիրէն ներս կատարեց ծառատունկ մը:
Հինգշաբթի, Փետրուար 7, 2019
Տեսակցեցաւ՝
ԱՐԵՒԻԿ ՊԱՊԱՅԵԱՆ
Սեբաստիոյ նահանգի գիւղերէն մին է՝ Մանճըլըքը։ Երբեմնի հայաշատ գիւղը ժամանակին ունէր հայկական վարժարաններ, եկեղեցի, որն այսօր ցաւօք՝ կիսաաւերակ է, ինչպէս նաեւ՝ որբանոց։ Բնակչութեան հիմնական զբաղումն էր գիւղատնտեսութիւնը՝ երկրագործութիւն, անասնապահութիւն։
Հինգշաբթի, Փետրուար 7, 2019
Անգարայի ղեկավարութիւնը երէկ անմիջապէս արձագանգեց Ֆրանսայի Հանրապետութեան նախագահ Էմմանիւէլ Մաքրոնի վերջին նախաձեռնութեան, որով 24 ապրիլը կը հռչակուի «Հայոց ցեղասպանութեան ոգեկոչման օր»։ NTV-ի հաղորդումներով, Հանրապետութեան նախագահ Րէճէպ Թայյիպ Էրտողանի բանբերը՝ Իպրահիմ Քալըն այս առթիւ հանդէս եկաւ յայտարարութիւնով մը, որով խստիւ պախարակեց Մաքրոնի յայտարարութիւնը։
Հինգշաբթի, Փետրուար 7, 2019
Նախընթաց օր հաճոյքն ունեցանք խմբագրատանս մէջ հիւրընկալելու Սեւ ծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան նորանշանակ մշտական ներկայացուցիչ Սահակ Սարգսեանը, որուն կ՚ընկերանար ներկայացուցչական խորհրդական Նաղաշ Յակոբեան։ Հաճելի զրոյցի ընթացքին թերթիս գլխաւոր խմբագիր Արա Գօչունեան ջերմօրէն ողջունեց Սահակ Սարգսեանի եւ Նաղաշ Յակոբեանի այցելութիւնը՝ յղելով յաջողութեան մաղթանքներ։
Հինգշաբթի, Փետրուար 7, 2019
Գրեց՝ ԱՆՈՒՇ ԹՐՈՒԱՆՑ
Փետրուարը հայ գրականութեան համար կը սկսի Զապէլ Եսայեանի ոգիով: Անոր ծննդեան օրը՝ փետրուարի 4-ը, արդէն քանի մը տարիէ ի վեր կը նշուի Հայաստանի մէջ, բան մը, որ կարելի չէր ըսել նախորդ տարիներուն, երբ հայ գրականութեան ազատախոհ կին գրողը մոռացութեան մատնուած էր հայրենիքի մէջ եւ հատուկենտ մարդիկ միայն ստէպ ստէպ կը յիշէին անոր անունը, կ՚անդրադառնային տպագրուած գիրքերուն:
Հինգշաբթի, Փետրուար 7, 2019
ՎԱՐԱՆԴ ՔՈՐԹՄՈՍԵԱՆ
Կ՚ապրինք ժամանակաշրջանի մը մէջ, ուր մարդը ինքն իր հետ մրցումի մէջ մտած է, նոր բան մը գտնելու, նոր բան մը հնարելու, այլ խօսքով՝ մարդը սկսած է մի՛շտ նորը փնտռել: Այս մէկը երեւի կրնանք կոչել մնայուն զարգացման ընթացք, որովհետեւ մարդուն գործունէութեան մէջ կը նկատուի միշտ յառաջանալու փափաքն ու սէրը, մէկ կէտի վրայ, այլ խօսքով՝ մէկ յաջողութեան վրայ կանգ չառնել, այլ՝ շարունակել նորանոր ձեռքբերումներու հասնելու համար:
Չորեքշաբթի, Փետրուար 6, 2019
Գրեց՝ ԱՐԵՒԻԿ ՊԱՊԱՅԵԱՆ
Սեբաստիա նահանգի Քանկալ գաւառակի գիւղերէն մին է՝ Մանճըլըք։ Երբեմնի հայաշատ՝ հայկական գիւղը ունի միջնադարէն մեր օրերուն հասած եկեղեցի մը։ Սուրբ Թորոս եկեղեցիի կառուցման տարեթիւի եւ անցած ուղիին մասին, ցաւօք հաւաստի տեղեկութիւններ չունինք։
Չորեքշաբթի, Փետրուար 6, 2019
ՀՐԱԿ ՓԱՓԱԶԵԱՆ
Այս ու առնուազն գալ շաբաթ եւս ընթերցողներուս պիտի պահեմ Ատըեամանի մէջ, ուր տարած էի անցեալ անգամ։ Կարճ պատմած էի Կեաւուր Յ.-ին մասին, որ ըստ զիս առաջնորդող Գրիգոր աղբարիկի՝ վերջին ու միակ հայն էր Ատըեամանի։
Չորեքշաբթի, Փետրուար 6, 2019
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Սուրբ Պատարագի խորհուրդին հանդիսակատարումին կեդրոնական մաս կը հանդիսանան «հաց»ը եւ «գինի»ն, որոնք Քրիստոսի խօսքերով եւ Սուրբ Հոգիին կոչումով կը փոխուին Քրիստոսի Մարմինին եւ Արիւնին։
Արդարեւ Սուրբ Պատարագ՝ «Messe», կամ «Միսսա» լատին լեզուով կը նշանակէ «արձակում», քանի որ փրկութեան խորհուրդը կատարող ծիսակատարումը կը վերջանայ՝ իր աւարտին կը հասնի հաւատացեալներուն արձակո՛ւմով՝ որպէսզի տուն երթան եւ իրենց առօրեայ կեանքին մէջ Աստուծոյ կամքը կատարեն.
Չորեքշաբթի, Փետրուար 6, 2019
Աշխարհահռչակ ռաք երաժիշտ Սերժ Թանկեան՝ տիկնոջ Անժելա Թանկեանի հետ, օգնած են Հայաստանի զանազան բնակավայրերու աւելի քան 200 անապահով ընտանիքի: Այս մասին կը հաղորդէ «Արմէնփրէս»՝ ներկայացնելով այս առընչութեամբ տրամադրուած հաղորդագրութիւնը ամբողջութեամբ.
Չորեքշաբթի, Փետրուար 6, 2019
Երէկ, Ապու Տապիի մէջ, Հռոմէական կաթոլիկ եկեղեցւոյ Քահանայապետ Ֆրանսիսքոս Ա. Պապը եւ Էլ-Ազհարի Իսլամական համալսարանի (Գահիրէ) Ահմէտ էլ Թայէպ շէյխը ստորագրեցին պատմական նշանակութիւնով փաստաթուղթ մը։ Երկու հոգեւոր առաջնորդներուն կողմէ ստորագրուած համաձայնագիրը հետամուտ է խրախուսելու աշխարհի կայունութիւնն ու խաղաղութիւնը։
Չորեքշաբթի, Փետրուար 6, 2019
Երէկ երեկոյեան Փարիզի մէջ տեղի ունեցաւ Ֆրանսահայ կազմակերպութիւններու համակարգման խորհուրդի (CCAF) տարեկան ընթրիքը, որուն մասնակցեցաւ Ֆրանսայի Հանրապետութեան նախագահ Էմմանիւէլ Մաքրոն։ Ֆրանսահայութեան ներկայացուցիչներուն հետ նախագահ Մաքրոնի հանդիպումը տեղի ունեցաւ ոգեւոր մթնոլորտի մը մէջ։ Ներկայ էին նաեւ ֆրանսական քաղաքական շրջանակներէ յայտնի դէմքեր։
Չորեքշաբթի, Փետրուար 6, 2019
Հանրապետութեան նախագահ Րէճէպ Թայյիպ Էրտողան երէկ Անգարայի մէջ հիւրընկալեց Յունաստանի վարչապետ Ալեքսիս Ցիփրասը։ Պեշթեփէի համալիրէն ներս երկու ղեկավարները ունեցան առանձնազրոյց մը, որ տեւեց 2 ժամ 15 վայրկեան։
Չորեքշաբթի, Փետրուար 6, 2019
Տ. Խաժակ Արք. Պարսամեան եւ Տ. Շահէ Ծ. Վրդ. Անանեան այսօր հրաժեշտ կ՚առնեն քաղաքէս՝ վերադառնալու համար Հռոմ եւ Սուրբ Էջմիածին:
Անգարայի մէջ պատրիարքական ընտրութեան հարցին շուրջ փոխանցուած պատգամները ընդհանուր լաւատեսութիւն մը ստեղծած են համայնքային շրջանակներէն ներս:
Չորեքշաբթի, Փետրուար 6, 2019
Երէկ, Պաքըրգիւղի մէջ տեղի ունեցաւ յատկանշական արարողութիւն մը։ Այսպէս, Տատեան վարժարանի գտնուած փողոցը վերանուանուեցաւ նոյն անունով։
Չորեքշաբթի, Փետրուար 6, 2019
Էսաեան սանուց միութեան վարչութեան ատենապետուհի Մարիամ Տրամէրեան հրաժարեցաւ իր պաշտօնէն։ Երէկ ան հանդէս եկաւ համապատասխան յայտարարութիւնով մը։
Չորեքշաբթի, Փետրուար 6, 2019
Համազգայինի «Արշակ եւ Սոֆի Քոլստըն» ճեմարանի երդիքին տակ պատմական օր:
Վեհափառ Հայրապետը աշակերտներուն նուիրեց Մայր Աթոռ Սուրբ Էջմիածնէն տարուած խաչեր:
Երեքշաբթի, Փետրուար 5, 2019
Գոհար Գասպարեանի 95-ամեակը նշանաւորուեցաւ երգչուհիին նուիրուած համերգային ծրագրով մը։ Այսպէս, հայկական օփերայի արուեստի մեծագոյն վարպետ, ԽՍՀՄ-ի ժողովրդական արուեստագիտուհի Գոհար Գասպարեանի 95-ամեայ յոբելեանի կապակցութեամբ Երեւանի Պետական քամերային երգչախումբի մենակատարները կատարեցին Փուչինիի, Չայքովսկիի, Կոմիտասի, Բարսեղ Կանաչեանի, Արմէն Տիգրանեանի, Վայնէրի եւ այլ յօրինողներու գործեր:
Երեքշաբթի, Փետրուար 5, 2019
Հանրապետութեան նախագահ Րէճէպ Թայյիպ Էրտողան յառաջիկայ շաբաթ պիտի այցելէ Սոչի, ուր պիտի տեսակցի Ռուսաստանի նախագահ Վլատիմիր Փութինի հետ։ «Անատոլու» գործակալութեան հաղորդումներով, հանդիպումը նախատեսուած է փետրուարի 14-ին։ Սոչիի մէջ միեւնոյն ժամանակ տեղի պիտի ունենայ Թուրքիոյ, Ռուսաստանի եւ Իրանի նախագահներուն եռակողմանի գագաթաժողովը՝ Սուրիոյ տագնապին շուրջ։
Երեքշաբթի, Փետրուար 5, 2019
Փարիզի մէջ այսօր տեղի կ՚ունենայ Ֆրանսահայ կազմակերպութիւններու համակարգման խորհուրդի (CCAF) տարեկան ընթրիքը, որուն մասնակցութիւն կը բերէ Ֆրանսայի Հանրապետութեան նախագահ Էմմանիւէլ Մաքրոն։ Վերջին տարիներուն արդէն աւանդական դարձած է այս հանդիպումը։
