Համայնքային շրջանակներէն ներս երէկ յետմիջօրէի ժամերէն սկսեալ արձագանգ գտան շարք մը լսումներ, ըստ որոնց Պատրիարքական տեղապահ Տ. Սահակ Եպսկ. Մաշալեանին տրուած է եկեղեցիէ դուրս սքեմ կրելու իրաւունք։ Հանրապետութեան նախագահ Րէճէպ Թայյիպ Էրտողանի կողմէ ստորագրուած է համապատասխան տնօրինութիւնը։
«Եւրօ-2020»ի ֆութպոլի ախոյենութեան զտումի մրցաշարքին ծիրին մէջ, 8 սեպտեմբերին տեղի կ՚ունենայ Հայաստան-Պոսնիա մրցումը՝ Ժ. խմբակին մէջ:
ԱՐԵՒԻԿ ՊԱՊԱՅԵԱՆ
Երկու օրէ ի վեր իմ սիրտն ու հոգին պատած է թախիծ։ Այժմ ալ անսահման տխրութիւն ու ափսոսանք կայ հոգւոյս մէջ։
Գոհունակութեամբ վերահասու կ՚ըլլանք, որ «Արաս» հրատարակչութիւնը կատարած է հայ գրականութեան դասականներէն Զապէլ Եսայեանի «Կեղծ հանճարներ» գործին վերահրատարակութիւնը։ Զապէլ Եսայեան այնպիսի հեղինակ մըն է, որ անոր թողած ժառանգի արժեւորման նպատակով տարուած ամէն աշխատանք կը համարուի նուիրական եւ իսկապէս ժամանակավրէպ դառնալու հաւանականութիւնը չունի։
Տարեկան ձեռնարկի ատենախօսներն էին Շէյտա Մելքոնեան եւ Լայզա Արսլանեան:
ՀԲԸՄ-ի Հիւսիսային Ամերիկայի Արեւտմեան ափի մասնաճիւղի «Հայ կին» խումբի ճաշկերոյթը:
Լեռնային Ղարաբաղի նախագահ Բակօ Սահակեան հանդիպում մը ունեցաւ ԵԱՀԿ-ի շրջանային նախագահի յատուկ ներկայացուցիչ դեսպան Անճէյ Կասպրչիկի հետ։ «Արմէնփրէս»ի հաղորդումներով, հանդիպումը տեղի ունեցաւ Ստեփանակերտի մէջ։ Սահակեան եւ Կասպրչիկ անդրադարձան Արցախի եւ Ատրպէյճանի զինեալ ուժերու շփման գծի առկայ իրավիճակին վերաբերեալ շարք մը հարցերու։
Այցելութիւն՝ Յոյն Ուղղափառ Եկեղեցւոյ հիւսիսային եւ հարաւային Ամերիկայի նորընտիր առաջնորդին:
Տ. Դանիէլ Եպսկ. Ֆընտըքեան եւ Արեւելեան Ուղղափառ ներկայացուցիչները մէկտեղուեցան Էլփիտոֆորոս Մետրապոլիտին հետ:
«Բնականաբար, Իսթանպուլի մէջ հայոց ներկայութիւնը, հասարակական դերակատարութիւնը միայն պատմութիւնով չի սահմանափակուիր։ Այսօր ալ հայերը զգալի ներկայութիւն ունին քաղաքի կեանքին մէջ։ Ճիշդ է, որ այսօր մեր համայնքին թիւը անհամեմատօրէն նուազած է, անոր ներուժը դարձած է շատ սահմանափակ։ Սակայն, պատմական ճշմարտութիւն մըն է, որ մեր ժողովուրդը երբեք քանակ չէ եղած առաջին հերթին, այլեւ՝ եղած է որակ։ Հայը ունի ստեղծագործ, արտադրող ժողովուրդի համբաւ եւ Իսթանպուլի մէջ մեր համայնքի զաւակները կը շարունակեն արդարացնել այդ համբաւը։ Յետոյ, չմոռնանք նաեւ, որ հայութիւնը կը շարունակէ հանդիսանալ Թուրքիոյ ամենաբազմանդամ ոչ-իսլամ փոքրամասնական հաւաքականութիւնը։ Սա մեզի կու տայ կշիռ մը»։
Տ. Արամ Արքեպիսկոպոս Աթէշեան. «Տակաւին որքա՞ն պիտի շարունակուի այն լարուածութիւնը, որ գրաւի տակ կը պահէ մեր Պատրիարքական Աթոռի, մեր համայնքի ապագան։ Ինչո՞ւ կը պայքարինք, ինչո՞ւ իրարու դէմ թշնամացած ենք։ Ինչո՞ւ կորսուած է այն գիտակցութիւնը, թէ բոլորս նոյն նաւուն մէջ կը ճանապարհորդենք»
Նորին Սրբազնութեան համոզմամբ, պէտք չէ Պատրիարքական Ընտրութեան առիթն ալ մսխել։ Ընտրութիւնը նոր համախմբումի մը առիթը պէտք է դառնայ մեր ժողովուրդին համար։ Ընտրութիւնը առաքելութեան թարմացման, վերամրապնդման առիթը պէտք է դառնայ մեր աթոռին տեսակէտէ։
Ըստ Կրօնական ժողովի ատենապետին, մեր ժողովուրդը քուէատուփի մօտ պիտի երթայ՝ ձայն տալու համար իմաստութեան, հեռատեսութեան, միասնականութեան եւ այդ բոլորը մարմնաւորելիք վարչական կերպարի մը, որ պիտի ըլլայ Թուրքիոյ հայոց 85-րդ պատրիարքը. «Նախ եւ առաջ, պէտք չէ մոռնանք աղօթել եւ իրարու համար աղօթել՝ մնացեալը գլուխ կը հանենք առաջ Աստուած»։
Ֆրանսայի նախագահ Էմմանիւէլ Մաքրոն երէկ հիւրընկալեց Ռուսաստանի նախագահ Վլատիմիր Փութինը։ Միջազգային օրակարգին տեսակէտէ շատ կարեւոր հանդիպում մըն էր այս մէկը։
ԺԱՄԱՆԱԿ-ի ընտանիքը խորապէս կը սգայ իր բազմամեայ ու երախտաշատ երիցագոյն վեթերանին անմխիթար կորուստը. ոչ եւս է հեղինակաւոր գիտնականն ու հասարակական գործիչը, Կեդրոնականի հպարտ սանը, որ իր սերնդակիցներու շարքին առանձնացաւ միջազգային մակարդակի վրայ հասած գագաթնակէտով:
Վարդան Օզինեան Փարիզի մէջ ուղեղային խռնումի հետեւանքով մահկանացուն կնքեց 90 տարեկան հասակին՝ ետին թողլով քաղցր յիշատակ մը, որուն միախառնուած են հայկական ինքնութեան ու ժառանգութեան գոյատեւման համար պաշտպանուած զգայնութիւններ: Մեծ մտաւորականին հրաժեշտը կաղնիի մը տապալման համազօր է հայ իրականութենէն ներս:
