Լրահոս

Երէկ, Ռուսաստանի նախագահ Վլատիմիր Փութին հեռախօսազրոյցներ ունեցաւ Իրանի նախագահ Մեսուտ Փեզեշքիանի եւ Իսրայէլի վարչապետ Պենիամին Նեթանիյահուի հետ։

Հայաստանի Հանրապետութեան առաջին նախագահ Լեւոն Տէր-Պետրոսեան ենթարկուեցաւ վիրահատութեան մը։ Առաջին նախագահի գրասենեակը երէկ հաղորդեց, որ գործողութիւնը տեղի ունեցաւ Երեւանի «Աստղիկ» բժշկական կեդրոնին մէջ։

Իսրայէլի վարչապետ Պենիամին Նեթանիյահու յետաձգեց ներկայ շաբթուան տեւողութեան նախատեսուած դէպի Պաքու պաշտօնական այցելութիւնը, որու շրջանակներէն ներս պիտի հիւրընկալուէր Ատրպէյճանի նախագահ Իլհամ Ալիեւի կողմէ։

ՍԱԳՕ ԱՐԵԱՆ

Անգարա-Վատիկան կապը էական գործօն մըն է Սուրիոյ քրիստոնեաներու ապագային տեսակէտէ:
Երկրի փոքրաթիւ հայութիւնը խորապէս ներգրաւուած է՝ տարածաշրջանի ազգագրա-մշակութային կառուցուածքին:

Հանրապետութեան նախագահ Ռեճեփ Թայյիպ Էրտողան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Տանըլտ Թրամփի հետ։ Էրտողան ընկերային ցանցերու վրայ տեղեկացուց, որ արդիւնաւէտ, ծաւալուն եւ անկեղծ զրոյց մը ունեցած է իր ամերիկացի պաշտօնակցին հետ։

Ռուսաստանի արտաքին գործոց նախարար Սերկէյ Լաւրով կը պատրաստուի այցելել Երեւան։

Հայկական գիտական աշխարհը երէկ ունեցաւ մեծ կորուստ մը. ոչ եւս է ակադեմիկոս Ռադիկ Մարտիրոսեան։ 89 տարեկան հասակին կեանքէն հեռացաւ ակադեմիկոս Ռադիկ Մարտիրոսեան, որ մասնագիտութեամբ աստղաֆիզիքոս էր։

Վատիկանի մէջ վաղը պիտի գումարուի Քոնքլաւը՝ ընտրելու համար Հռոմէական Կաթոլիկ եկեղեցւոյ նոր քահանայապետը։ Պապընտիր ժողովին 133 կարտինալ պիտի մասնակցի։

Հռչակաւոր դաշնակահար Շահան Արծրունիի քաղաքիս մէջ տեղի ունեցած համերգին արձագանգները կը շարունակուին։ Հարպիյէյի «Նոթրը Տամ տը Սիոն» ֆրանսական լիսէի դահլիճի երդիքին տակ Շահան Արծրունի հերթական անգամ խոր տպաւորութիւն գործեց իր ունկնդիրներուն վրայ։

Խոր ցաւով վերահասու եղանք, թէ Նիւ Եորքի մէջ իր մահկանացուն կնքած է յայտնի երաժիշտ, խմբավար Խորէն Մէյխանէճեան, որ անփոխարինելի վաստակ ներդրած է Հայաստանեայց Առաքելական Եկեղեցւոյ սրբազան երաժշտութեան աւանդոյթներու եւ ընդհանրապէս դպրոցի յարատեւութեան ճանապարհին։