Լրահոս

Ատրպէյճանի մէջ նախագահական ընտրութեան առաջին փուլին վերընտրուեցաւ Իլհամ Ալիեւ։ 7 թեկնածուներու ընտրապայքարի պայմաններով Իլհամ Ալիեւ ստացաւ ձայներու 90 տոկոսէն աւելին։

Հայաստանի Պետական սենեկային նուագախումբը համերգով մը հանդէս եկաւ Տիգրան Մանսուրեանի 85-ամեակին առթիւ:
Ռոպերթ Մլքէեանի մականին ներքեւ, Երեւանի Սենեկային երաժշտութեան տան մէջ հնչեցին «Զուգահեռ երգեր»ը, «Քաւարան»ը եւ «Տարուայ եղանակներ»ը:

Ատրպէյճանի մէջ այսօր տեղի կ՚ունենայ արտահերթ նախագահական ընտրութեան առաջին փուլը։ Սա Արցախի երկրորդ պատերազմին յաջորդած առաջին ընտրութիւնն է երկրին մէջ։

Չաղլայանի Իսթանպուլի Արդարադատութեան պալատի համալիրէն ներս երէկ ահաբեկչական յարձակում մը տեղի ունեցաւ։ Ժամը 11.46-ին պատահած դէպքը լայն արձագանգ ստեղծեց հանրային կարծիքին մօտ եւ պատճառ դարձաւ խոր մտահոգութեան։

Քաթալին Նովաք. «Հունգարիա կ՚աջակցի Հայաստան-Եւրոպական Միութիւն կապերու ամրապնդման»:
Երեւան-Պուտափեշտ փոխյարաբերութիւններու վերականգնումէն յետոյ բարձրագոյն մակարդակի առաջին շփումը:

Թուրքիա-Իրաք առանցքին վրայ մեծ աշխուժութիւն՝ ահաբեկչութեան դէմ պայքարի օրակարգով:
Ազգային պաշտպանութեան նախարար Կիւլէր եւ ընդհանուր սպայակոյտի նախագահ Կիւրաք այցելեցին Պաղտատ:

Թուրքիա այսօր տխուր տարելից մը կ՚ոգեկոչէ։ Տարի մը առաջ պատահած եւ բազմատասնեակ հազարաւոր զոհեր խլած 6 փետրուարէն ի վեր չսպիացած վէրքերը այսօր դարձեալ կը կոտտան։ Տարի մը անց դարձեալ սուգի մթնոլորտ կը տիրէ երկրին մէջ, մինչ բոլորը կ՚ոգեկոչեն զոհերը ու կը ջանան գօտեպնդել աղետէն փրկուածները, որոնց դիմագրաւած ցնցումը անբացատրելի է։

Երեւանի արուարձաններէն Նոր Արէշի 34-րդ փողոցին մէջ երէկ պատահեցաւ սարսափելի պայթում մը:
Հայաստանի Քննչական կոմիտէն հարցաքննութեան ձեռնարկեց ցաւալի դէպքի պատճառները պարզելու համար:

Վարչապետ Նիկոլ Փաշինեանի գլխաւորութեամբ քննարկուեցան ռազմավարական բնոյթով հարցեր:
Հայաստանի Հանրապետութեան Ազգային անվտանգութեան խորհուրդը երէկ ժողով մը գումարեց Երեւանի մէջ:

ՇԱՀԱՆ ԳԱՆՏԱՀԱՐԵԱՆ

Սահմանադրութեան փոփոխութեան անհրաժեշտութեան մասին բարձրաձայնուած յայտարարութիւններուն առընթեր, յայտնապէս կը նախապատրաստուի նաեւ հանրային կարծիք ստեղծել՝ օրհներգի եւ զինանշանի փոփոխութիւններուն ուղղութեամբ: