Լրահոս
ԽՈՐ ԹԱԽԻԾ ԵՒ ՅՈՅՍԻ ՇՈՂ
Հայաստանի Հանրապետութեան նախագահն ու Ամենայն Հայոց Կաթողիկոսը Ուաշինկթընի մէջ այցելեցին Հոլոքոստի թանգարան եւ ԱՄՆ-ի գոնկրէսի գրադարան:
Սերժ Սարգսեան. «Մարդկութեան դէմ կատարուած ոճիրներուն ձօնուած թանգարանները ո՛չ միայն զոհերուն յարգանքի տուրք մատուցելու համար են, ո՛չ միայն վերապրածներու յիշողութիւններու խտացեալ ամփոփումներն են, այլ նաեւ յստակ պատգամ են ներկայ եւ ապագայ սերունդներուն, որպէսզի միշտ վառ պահեն անցեալի դառն յիշողութիւնները՝ դասեր քաղելու համար անոնցմէ եւ անոնց սերունդէ սերունդ փոխանցման համար»:
ԼԻՒՔՍԵՄՊՈՒՐԿԻ ԿՈՂՄԷ ԲԱՆԱՁԵՒ
Լիւքսեմպուրկի խորհրդարանը երէկ ընդունեց բանաձեւ մը, որով իւրացուց ցեղասպանութեան վերաբերեալ հայոց տեսակէտները։ «Արմէնփրէս»ի հաղորդումներով, նախագիծը խորհրդարան ներկայացուած էր երկրի ընդդիմադիր Քրիստոնեայ սոցիալ-ժողովրդավարական կուսակցութեան երեսփոխաններէն Լորէն Մոզարի կողմէ։vv
ՅՈՎՀԱՆՆԷՍ ԹԷՔԿԷՕԶԵԱՆԻ ԹՐՔԵՐԷՆԻ ԹԱՆՐԳՄԱՆՈՒԱԾ «ՓԱԽՉՈՂ ՔԱՂԱՔ» ՎԷՊԸ ՀԵՏԱՔՐՔՐՈՒԹԵԱՆ ԱՌԱՐԿԱՅ՝ ԻՍԹԱՆՊՈՒԼԻ ԳՐԱԿԱՆ ՓԱՌԱՏՕՆԻՆ ՇՐՋԱԳԾՈՎ
Ահմէտ Համտի Թանփընարի անունը կրող Իսթանպուլի գրական փառատօնը այս տարի կը կայանայ 4-8 Մայիս թուականներուն միջեւ՝ «Քաղաք եւ սահմաններ» կարգախօսով։ Ի շարս բազմաթիւ գրողներու, այս տարի փառատօնին կը մասնակցի նաեւ Երեւանէն Յովհաննէս Թէքկէօզեան, որու «Փախչող քաղաք» վէպը թրքերէնով ալ տպագրուած էր «Այրընթը» հրատարակչատունէն, ԺԱՄԱՆԱԿ-ի խմբագիր Սեւան Տէյիրմենճեանի թարգմանութեամբ։
ՆԱԽԱՐԱՐ ՎՈԼՔԱՆ ՊՈԶՔԸՐԻ ՄԱՍՆԱԿՑՈՒԹԵԱՄԲ ՆԱԽԱՃԱՇ՝ ՍԿԻՒՏԱՐԻ ՄԷՋ
Եւրոպական միութեան գծով նախարար Վոլքան Պոզքըր, որ ԱՔ կուսակցութեան կողմէ առաջադրուած է երեսփոխանութեան թեկնածու, յառաջիկայ խորհրդարանական ընտրութիւններուն ընդառաջ երէկ առաւօտ Սկիւտարի շրջանի փոքրամասնութեանց ներկայացուցիչներուն հետ համախմբուեցաւ նախաճաշի սեղաններու շուրջ։ Սկիւտարի քաղաքապետութեան զբօսարանին մէջ տեղի ունեցաւ այս նախաճաշը, որուն ներկայ գտնուեցան ԱՔ կուսակցութեան Սկիւտարի մասնաճիւղի ղեկավար Հալիտ Հըզըր եւ նոյն մասնաճիւղի փոքրամասնութեանց գծով պատասխանատու Նուրճան Ալթըն։
ԹԱՓԱՆՑԻԿ ՈՒ ՄՐՑԱԿՑԱՅԻՆ
Եւրոխորհրդարանի պատգամաւորներուն զարմանք կը պատճառեն այն երկիրները, որոնք չեն ճանչնար Արցախի ընտրութիւնները:
Եդուարդ Նալպանտեան. «Լեռնային Ղարաբաղի ժողովուրդը ապացուցանեց իր ճակատագիրը տնօրինելու վճռականութիւնը»:
ԱՆԳԱՐԱՅԻ ՄՕՏ ԱՄՆ-Ի ԴԵՍՊԱՆԸ ԽՕՍԵՑԱՒ ՀԱՅ-ԹՐՔԱԿԱՆ ՅԱՐԱԲԵՐՈՒԹԻՒՆՆԵՐՈՒՆ ՄԱՍԻՆ
Անգարայի մօտ Ամերիկայի Միացեալ Նահանգներու դեսպան Ճոն Պեսս յայտարարեց, որ Թուրքիոյ եւ Հայաստանի միջեւ առկայ խնդիրը կեդրոնացած է միակ օրուան մը վրայ, սակայն կարեւորը անոր լուծուիլն է։ Երէկ, Դիւանագիտական թղթակիցներու միութեան անդամ լրագրողներու հետ զրուցելու ընթացքին ամերիկացի դեսպանը կարծիքներ արտայայտած է Թուրքիոյ օրակարգի զանազան նիւթերուն շուրջ։
ՅԱԿՈԲԵԱՆԻ ԳԱՆԱՏԱ ԱՅՑԸ
Հայաստանի Սփիւռքի նախարար Հրանոյշ Յակոբեան վերջերս այցելեց Գանատա, ուր մասնակցեցաւ 2015-ի շրջագծով նախատեսուած շարք մը ոգեկոչման արարողութիւններու, նաեւ շփումներ ունեցաւ տեղւոյն հայ համայնքի շրջանակներուն հետ։ 2015-ի ոգեկոչումներու տեղական յանձնախումբին հրաւէրով տեղի ունեցաւ այս այցելութիւնը, որու ընթացքին Հրանոյշ Յակոբեան հիւրընկալուեցաւ նաեւ Մոնրէալի քաղաքապետ Տենի Կոտէրի կողմէ։


