Լրահոս

Պէյ­րու­թի Հայ­կա­զեան հա­յա­գի­տա­կան հա­մալ­սա­րա­նին մէջ վեր­ջերս տե­ղի ու­նե­ցաւ շրջա­նա­ւար­տու­թեան փայ­լուն հան­դի­սու­թիւն մը, ո­րով եզ­րա­փա­կուե­ցաւ ներ­կայ կրթա­կան շրջա­նը։

Իս­թան­պու­լի Ճատ­րա­կի միու­թիւ­նը կը սգայ Հա­յաս­տա­նի Ճատ­րա­կի դաշ­նակ­ցու­թեան բազ­մա­մեայ պա­տաս­խա­նա­տու­նե­րէն, «Շախ­մա­տա­յին Հա­յաս­տան» հան­դէ­սի գլխա­ւոր խմբա­գիր Գա­գիկ Յով­հան­նի­սեա­նի մա­հը։ Սա իս­կա­պէս լուրջ կո­րուստ մըն է ճատ­րա­կի աշ­խար­հին հա­մար։ Գա­գիկ Յով­հան­նի­սեան քա­նի մը օր ա­ռաջ մահ­կա­նա­ցուն կնքեց Ե­րե­ւա­նի մէջ, խոր ցաւ յա­ռա­ջաց­նե­լով Հա­յաս­տա­նի ճատ­րա­կի ըն­տա­նի­քին մօտ։

Հա­յաս­տա­նի կա­ռա­վա­րու­թեան նա­խա­ձեռ­նու­թեամբ նա­խըն­թաց օր Ե­րե­ւա­նի մէջ կազ­մա­կեր­պուե­ցաւ «Տնտե­սա­կան օ­րա­կարգ» խո­րագ­րեալ հա­մա­ժո­ղով մը, ո­րու բա­ցու­մին ե­լոյ­թով մը հան­դէս ե­կաւ Վար­չա­պետ Յո­վիկ Աբ­րա­հա­մեան։ Հե­ռուս­տալ­րագ­րող Ար­տակ Ա­լեք­սա­նեա­նի հան­դի­սա­վա­րու­թեամբ տե­ղի ու­նե­ցած բաց­ման նիս­տի միւս ա­տե­նա­խօս­ներն էին նա­խա­րար­ներ՝ Վա­չէ Գաբ­րիէ­լեան եւ Կա­րէն Ճշմա­րի­տեան։

Հա­յաս­տա­նի կա­ռա­վա­րու­թեան ջան­քե­րով ճա­նա­պար­հա­շի­նու­թեան աշ­խա­տանք­նե­րը կա­նո­նա­ւոր թա­փով կը շա­րու­նա­կուին ամ­բողջ երկ­րէն ներս։ Այս շրջագ­ծով կա՛մ կը վե­րա­նո­րո­գուին գո­յու­թիւն ու­նե­ցող ճա­նա­պարհ­նե­րը եւ կամ կը կա­ռու­ցուին նո­րե­րը։

Հա­յաս­տա­նի Սփիւռ­քի նա­խա­րար Հրա­նոյշ Յա­կո­բեան նա­խըն­թաց օր Ե­րե­ւա­նի մէջ ըն­դու­նեց ֆրան­սա­հայ աշ­խար­հահռ­չակ շար­ժան­կա­րի բե­մադ­րիչ հան­գու­ցեալ Ան­րի Վեր­նէօ­յի որ­դին՝ Փաթ­րիք Մա­լա­քեա­նը, ո­րուն հետ էր նաեւ ֆրան­սա­հայ գոր­ծա­րար Ռե­նի Մե­քե­նե­ճեան։

Հա­յաս­տա­նի Սփիւռ­քի նա­խա­րար Հրա­նոյշ Յա­կո­բեան նա­խըն­թաց օր Ե­րե­ւա­նի մէջ հիւ­րըն­կա­լեց Լոս Ան­ճե­լը­սէն Վար­դան եւ Սի­րա­նոյշ Գէոր­գեան­նե­րը, ո­րոնք տեղ­ւոյն հա­մա­նուն պա­րի ա­կա­դե­միոյ հիմ­նա­դիր­ներն են։

«Ճում­հու­րի­յէթ» օ­րա­թեր­թի այ­սօ­րուան հա­ղոր­դում­նե­րով, Պէյ­րու­թի մէջ, հայ­կա­կան պատ­մա­կան գե­րեզ­մա­նա­տուն մը կը փոր­ձուի վե­րա­ծել պան­դո­կի եւ այս գոր­ծարքը կ՚ի­րա­կա­նա­ցուի Մե­ծի Տանն Կի­լի­կիոյ Կա­թո­ղի­կո­սու­թեան հա­ւա­նու­թեամբ։ Ըստ թեր­թի հա­ղոր­դում­նե­րուն, պատ­մա­կան Կիպ­րոս քա­ղա­քի ծո­վա­փին գո­յու­թիւն ու­նի հա­րիւր տա­րուան վա­ղե­մու­թեամբ հայ­կա­կան գե­րեզ­մա­նա­տուն մը, ո­րու տե­ղա­փո­խու­թիւ­նը կը նա­խա­տե­սուի, որ­պէս­զի այն­տեղ կա­ռու­ցուի ա­ռափ­նեայ լիւքս զբօ­սա­րան մը։

Փարիզի «Գէորգ Արապեան» նորակառոյց նախակրթարան-միջնակարգը վաղը պաշտօնապէս պիտի բանայ իր դռները:
Վարժարանի բացման հանդիսաւոր արարողութեան պիտի մասնակցին Հայաստանի եւ Ֆրանսայի վարչապետները՝ Յովիկ Աբրահամեան եւ Մանուէլ Վալս:

Լեռ­նա­յին Ղա­րա­բա­ղի Նա­խա­գահ Բա­կօ Սա­հա­կեան յա­ռա­ջի­կայ շաբ­թուան մէջ պի­տի այ­ցե­լէ Լոն­տոն եւ ե­լոյ­թով մը հան­դէս պի­տի գայ Անգ­լիոյ Մի­ջազ­գա­յին յա­րա­բե­րու­թիւն­նե­րու ար­քու­նի կա­ճա­ռին մէջ։ Պաշ­տօ­նա­կան հրա­ւէ­րով ան պի­տի խօ­սի Chatam House-ի եր­դի­քին տակ, ինչ որ զայ­րոյթ յա­ռա­ջա­ցու­ցած է Պա­քուի մօտ։

Ֆրան­սա­հայ յայտ­նի գրող Վա­լե­րի Թո­րա­նեա­նի «Օ­տա­րը» գիր­քը ար­ժա­նա­ցաւ «Մա­տամ Ֆի­կա­րօ» մրցա­նա­կին։ «Մա­տամ Ֆի­կա­րօ»ն յայտ­նի «Լը Ֆի­կա­րօ» օ­րա­թեր­թի կա­նանց յա­ւե­լուածն է, որ ու­նի բա­ւա­կան լայն տա­րա­ծում ու կը կազ­մա­կեր­պէ նման մրցոյթ մը։