Լրահոս

Ֆրանսայի Արտաքին գործոց նախարարութեան պետական քարտուղար Ժան-Պաթիստ Լըմուան երէկ երեկոյեան ժամանեց Երեւան, ուր կ՚ունենայ երկօրեայ շփումներ։ «Ազատութիւն» ռատիօկայանի հաղորդումներով, երէկ երեկոյեան Լըմուան տեսակցեցաւ Հայաստանի Արտաքին գործոց նախարար Եդուարդ Նալպանտեանի հետ։

Ամերիկայի Միացեալ Նահանգներու նախագահ Տանըլտ Թրամփ երէկ յայտարարեց, որ իր երկիրը դուրս պիտի գայ Սուրիայէն։ Թրամփ այս անակնկալ յայտարարութիւնը ըրաւ Օհայօ նահանգին մէջ, ուր կը խօսէր ենթակառուցուածքներու ներդրումներուն շուրջ։ Իր այս յայտարարութիւնը հակասութեան մէջ է Փենթակոնի կողմէ հրապարակուած վերջին լուրերուն հետ։

Յունաստանի Ազգային պաշտպանութեան նախարար Փանոս Քամենոս շփումներ ունեցաւ Երեւանի մէջ՝ Հայաստանի Պաշտպանութեան նախարար Վիգէն Սարգսեանի հրաւէրին ընդառաջ։ Հիւր նախարարը Հայաստանի Պաշտպանութեան նախարարութեան կեդրոնական վարչական համալիրէն ներս դիմաւորուեցաւ պաշտօնական արարողութեամբ։

ՄԱԿ-ի ընդհանուր քարտուղար Անթոնիօ Կութերես յայտնեց, որ խորապէս մտահոգուած է Ամերիկայի Միացեալ Նահանգներու եւ Ռուսաստանի միջեւ առկայ լարուածութենէն։ Իր խօսքերով՝ աշխարհ կ՚ընթանայ դէպի Պաղ պատերազմի ժամանակաշրջանին նման կացութեան մը։

Հասան Ռուհանի եւ Իլհամ Ալիեւ Պաքուի մէջ անդրադարձան Լեռնային Ղարաբաղի հակամարտութեան:
Իրանի նախագահը մատնանշեց, որ իր երկիրը կը պաշտպանէ Ատրպէյճանի տարածքային ամբողջականութիւնը:

Գիտութիւններու ազգային ակադեմիոյ տարեկան ընդհանուր ժողովը գումարուած:
Հայաստանի Հանրապետութեան նախագահ Սերժ Սարգսեան հանդէս եկաւ ելոյթով մը:

Սուրբ Զատկի տաղաւարին ընդառաջ Պատրիարքական Աթոռը հրապարակեց յայտարարութիւն մը՝ միասնականութեան ու զօրակցութեան հրաւիրելով մեր ժողովուրդը:
Խորհրդակցական մարմնի որոշումով շինիչ կոչ:
Պատրիարքարանը տօնական օրերու սեմին կը ներկայացնէ թրքահայ կեանքի ընդհանուր արժեւորումը եւ կը շեշտէ փոխադարձ սիրոյ ու յարգանքի հիման վրայ համախմբման անհրաժեշտութիւնը:

Մեր հաստատութիւններու յարգարժան ղեկավարներ եւ մերազն համայնքի սիրեցեալ անդամներ,
Պատրիարքարանի նորաստեղծ Խորհրդակցական մարմինը մեր համայնքային կեանքը ընդհանուր արժեւորումի մը ենթարկած է իր անդրանիկ նիստին ժամանակ ու միաձայնութեամբ յարմար դատած՝ հետեւեալ պարագաները յանձնել հանրային կարծիքի ուշադրութեան.

Ազգային անվտանգութեան խորհուրդի երէկուան ժողովը տեւեց մօտաւորապէս չորսուկէս ժամ:
Թուրքիա կրնայ նախաձեռնութիւն ստանձնել՝ Մենպիչի, Սինճարի եւ Քանտիլի ահաբեկիչներէ մաքրագործման համար:

Արցախի նախագահ Բակօ Սահակեան յայտարարեց, որ Լեռնային Ղարաբաղի հակամարտութեան կարգաւորման հիմնական խոչընդոտը Ատրպէյճանի ծայրայեղական, թշնամական եւ ապակառուցողական դիրքորոշումն է։