Թրքահայ կեանք

Տ. ՅՈՎԱԿԻՄ ԱԲԵՂԱՅ ՍԵՐՈՎԲԵԱՆԻ ՄԱՏՈՒՑԱԾ ԱՆԴՐԱՆԻԿ ՍՈՒՐԲ ՊԱՏԱՐԱԳԸ ՀՈԳԵՒՈՐ ՎԱՌ ԱՊՐՈՒՄՆԵՐՈՒ ԱՌԻԹ ՀԱՆԴԻՍԱՑԱՒ

Պոլսահայ ազգային-եկեղեցական կեանքին տեսակէտէ ուրախառիթ էին Գումգաբուի Ս. Աստուածածին Աթոռանիստ Մայր եկեղեցւոյ համալիրէն ներս երէկ առաւօտ տեղի ունեցած արարողութիւնները։ Այսպէս, հաւատացեալ ժողովուրդը ողջունեց Ս. Որդւոց Որոտման տաճարի երդիքին տակ Տ. Յովակիմ Աբեղայ Սերովբեանի կողմէ անդրանիկ Ս. Պատարագի մատուցուիլը, ինչ որ հոգեւոր վառ ապրումներու առիթ հանդիսացաւ։

ՆՈՐԱՕԾ Տ. ՅՈՎԱԿԻՄ ԱԲԵՂԱՅ ՍԵՐՈՎԲԵԱՆ ԱՅՍ ԱՌԱՒՕՏ ԻՐ ԱՆԴՐԱՆԻԿ Ս. ՊԱՏԱՐԱԳԸ ՄԱՏՈՅՑ ԳՈՒՄԳԱԲՈՒԻ ՄԷՋ

Այս առաւօտ Գումգաբուի Ս. Աստուածածին Աթոռանիստ Մայր եկեղեցւոյ համալիրէն ներս տեղի ունեցաւ յատկանշական արարողութիւն մը։ Ս. Որդւոց Որոտման տաճարէն ներս Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց անուան տօնախմբութեան։

ԶԵԿՈՅՑ Ի ՄԱՍԻՆ ԱՄԱՆՈՐԵԱՆ ՈՒ Ս. ԾՆՆԴԵԱՆ ԱՐԱՐՈՂՈՒԹԵԱՆՑ

Այսու, կու գանք մերազն հաւատացեալ ժողովուրդի ուշադրութեան յանձնել, թէ պաշտօնական մարմիններու ցուցմունքներուն զուգահեռ, Ամանորի ու 2021 տարուան Ս. Ծնունդի առթիւ եղած են հետեւեալ տնօրինումները.

ԿԷՏԻԿՓԱՇԱՅԻ Ս. ՅՈՎՀԱՆՆԷՍ ԵԿԵՂԵՑՒՈՅ ՏԱՐԵԿԱՆ ԱՆՈՒԱՆ ՏՕՆԱԽՄԲՈՒԹԻՒՆԸ

Կէտիկփաշայի Ս. Յովհաննէս եկեղեցւոյ տարեկան անուան տօնախմբութեան աւանդական արարողութիւնները այս տարի տեղի ունեցան՝ քորոնաժահրի համաճարակով պայմանաւորուած սահմանափակումներու մթնոլորտին մէջ։ Յամենայնդէպս, հոգեւոր ուրախութիւնը որոշ չափով զգալի էր եկեղեցւոյ կամարներուն ներքեւ, ուր պատարագեց Տ. Տրդատ Ա. Քհնյ. Ուզունեան:

«ՓՈՔՐԻԿ» ԱՄԱՆՈՐԻ ՇՐՋԱՆԻՆ ՃՈԽ ԲՈՎԱՆԴԱԿՈՒԹԵԱՄԲ ԿԸ ՆԵՐԿԱՅԱՆԱՅ ՊԱՏԱՆԻ ԸՆԹԵՐՑԱՍԷՐՆԵՐՈՒՆ

Ամանորի եւ Ս. Ծննդեան ներկայ տօնական շրջանին «Փոքրիկ» կայքէջը նոր թափ տուած է իր թողարկումներուն՝ ուղղեալ նորահաս սերունդին։ Մանկապատանեկան ընթերցումները խրախուսելու հետամուտ այս կայքէջը տօնական շրջանի համար՝ որպէս նուէր վերապահած է նոր նախագծեր։

ԿԷՏԻԿՓԱՇԱՅԻ ԹԱՂԱՅԻՆ ԽՈՐՀՈՒՐԴԸ ԳԻՐՔ ՄԸ ԿԸ ՊԱՏՐԱՍՏԷ Ի ՅԻՇԱՏԱԿ ՈՂԲ. ՅԱՐՈՒԹԻՒՆ ՇԱՆԼԸԻ

Կը տեղեկանանք, որ Կէտիկփաշայի Ս. Յովհաննէս եկեղեցւոյ թաղային խորհուրդը որոշած է հրատարակութեան ծրագիր մը կեանքի կոչել՝ ի յիշատակ իր նախկին ատենապետին՝ հոգելոյս Յարութիւն Շանլըի։ Ինչպէս ծանօթ է, նախորդ ամիսներուն Յարութիւն Շանլը զոհ գացած էր քորոնաժահրի համաճարակին։

ԱՄԱՆՈՐԻ ՍԵՄԻՆ «ԱՐԱՍ» ՀՐԱՏԱՐԱԿՉՈՒԹԻՒՆԸ ԳԻՐՔԵՐ ԿԸ ՁՕՆԷ ՊԱՏԱՆԻ ԸՆԹԵՐՑՈՂՆԵՐՈՒՆ

Գոհունակութեամբ կը տեղեկանանք, որ Ամանորի ընդառաջ «Արաս» հրատարակչութիւնը պատանի ընթերցողներու տրամադրութեան տակ դրած է երկու արժէքաւոր գիրք՝ մին հայերէն, իսկ միւսը թրքերէն։
«Մեծ տղաքը կու լան» կը կոչուի գիրքը, որու հեղինակն է Ճոնթի Հոուլի՝ միեւնոյն ժամանակ կատարած ըլլալով նկարազարդումը։ 

ՌՈՒՍ ԼՐԱԳՐՈՂՆԵՐ ԱՅՑԵԼԵՑԻՆ ԺԱՄԱՆԱԿ-Ի ԽՄԲԱԳՐԱՏՈՒՆԸ

ԺԱՄԱՆԱԿ օրաթերթի խմբագրատան մէջ վերջին օրերուն հիւրընկալուեցան խումբ մը ռուս լրագրողներ։ Այսպէս, մեր հիւրերն էին Սերկէյ Ակափով, Կլեպ Լաւրով եւ Վերա Քորոթեւա, որոնք վաւերագրական նիւթ մը կը պատրաստեն թրքահայութեան մասին։

«ԱՐԱՍ» ՀՐԱՏԱՐԱԿԵՑ ՀՈԳԵԼՈՅՍ ՅԱԿՈԲ ԱՅՎԱԶԻ ԹԱՏԵՐԱԿԱՆ ՅՈՒՇԵՐՈՒ ԹՐՔԵՐԷՆԸ՝ ՓԱՅԼԻՆԷ ԹՈՎՄԱՍԵԱՆԻ ԹԱՐԳՄԱՆՈՒԹԵԱՄԲ

Գոհունակութեամբ վերահասու կ՚ըլլանք, թէ «Արաս» հրատարակչութիւնը ներկայիս գրասէրներու տրամադրութեան տակ դրած է հոգելոյս դերասան, հրապարակագիր ու հրատարակիչ Յակոբ Այվազի յուշերը։ «Sahne Arkadaşlarım: Tiyatro Tarihimizden Simalar» խորագրեալ այս գիրքը կ՚ընդգրկէ Յակոբ Այվազի կողմէ հայերէնով գրի առնուած յուշեր, որոնք թրքերէնի թարգմանուած են «Արաս»ի ընտանիքի սիւներէն Փայլինէ Թովմասեանի կողմէ։

Էջեր