ԹՈՒՐՔԻԱ Կ՚ՈՂՋՈՒՆԷ ԱՄՆ-Ի ԵՒ ԻՐԱՆԻ ՀԱՄԱՁԱՅՆՈՒԹԻՒՆԸ

Հանրապետութեան նախագահ Ռեճեփ Թայյիպ Էրտողան հեռախօսազրոյց մը ունեցաւ ՄԱԿ-ի ընդհանուր քարտուղար Անթոնիօ Կութերեսի հետ։ Այս կարեւոր շփումը տեղի ունեցաւ՝ Ամերիկայի Միացեալ Նահանգներ-Իրան համաձայնութեան վերաբերեալ յայտարարութիւններով պայմանաւորուած մթնոլորտին մէջ։ Ամբողջ աշխարհի օրակարգը արդէն յեղաշրջուած է այս լուրերով։ Էրտողան Կութերեսի հետ զրուցելու ընթացքին ընդգծեց, որ Միացեալ Նահանգներ-Իրան խնդիրներու դիւանագիտական լուծման ուղղեալ հնարաւորութիւնը պէտք է շատ լաւ արժեւորուի եւ միջազգային հաւաքականութեան գործ կը վիճակի՝ գործընթացի խափանարարումը կանխելու առումով։

Նախագահը եւ ընդհանուր քարտուղարը անդրադարձան նաեւ տարածաշրջանային եւ համաշխարհային այլ իրադարձութիւններուն։

Բացի հեռախօսազրոյցէն, երէկ, Էրտողան կառավարութեան ժողովէն վերջ ալ գոհունակութիւն յայտնեց՝ շեշտելով, որ անիմաստ պատերազմը վերջ գտած է։ «Տարածաշրջանը, որ ամիսներէ ի վեր փուշի վրայ էր, հանգիստ շունչ մը քաշեց», ըսաւ նախագահը՝ ընդգծելով, որ Թուրքիա միշտ եղած էր խաղաղութեան ձայնը։

ԱՄՆ-Իրան համաձայնութիւնը գետի նման վարարած է միջազգային օրակարգը, որու վրայ կան նաեւ ենթադրութիւններ ապագայի համար։ Յամենայնդէպս, Հիւրմիւզի ջրանցքէն ազատ նաւագնացութիւնը պիտի վերսկսի եւ շուրջ երկու ամսուան բանակցութիւններ պիտի ընթանան։