Ս. ԱԹՈՌԷՆ ՇՆՈՐՀԱՒՈՐԱՆՔ

Երէկ, Երուսաղէմի Հայոց Պատրիարքութեան ներկայացուցիչները մասնակցեցան՝ Իսրայէլի անկախութեան 78-րդ տարեդարձին առթիւ կազմակերպուած ընդունելութեան, որու տանտէրն էր երկրի նախագահը՝ Եէիցաք Հերցոք:

Նախագահական պալատին մէջ կազմակերպուած պաշտօնական ընդունելութեան ժամանակ նախագահ Հերցոքի կողքին էր առաջին տիկին Միխալ Հերցոք:

Յանուն Երուսաղէմի Հայոց Պատրիարքութեան, այս պաշտօնական ընդունելութեան ներկայ գտնուեցաւ Տ. Կորիւն եպսկ. Պաղտասարեան, որուն ընկերացաւ Սուրբ Աթոռի դիւանապետ Տ. Աղան վրդ. Գոգճեան:

Հայոց Պատրիարքութեան ներկայացուցիչները առիթն ունեցան ձեռնուելու եւ զրուցելու նախագահին հետ, որու նկատառման յանձնեցին շնորհաւորութիւններ եւ յարատեւութեան բարեմաղթանքներ:

Հինգշաբթի, Ապրիլ 23, 2026