ՀԱՅՃԱՐ-Ի ՄԷՋ ԱՍՈՒԼԻՍ

ՀԱՅՃԱՐ-ի նախաձեռնութեամբ երէկ երեկոյեան տեղի ունեցաւ հետաքրքրական ասուլիս մը, որու ատենախօսն էր Նազար Շիկահեր։ Միութիւնը ներկայիս կազմակերպած է զրոյցներու շարք մը, որու առաջինն էր երէկուանը։ ՀԱՅՃԱՐ-ի հաւաքատեղիին մէջ կազմակերպուած ձեռնարկի ընթացքին կարծիքի փոխանակումներ տեղի ունեցան ճարտարապետական ձեւաւորումներու վերաբերեալ նիւթերու շուրջ։ Նազար Շիկահերի խորհրդածութիւններու լոյսին տակ ստեղծուեցաւ հետաքրքրական քննարկման մը մթնոլորտը։