Արխիւ

Շիշլի մարզակումբը՝ դպրոցական ներկայ արձակուրդի ընձեռած հնարաւորութենէն օգտուելով, կազմակերպեց իր պատանի մարզիկներուն համար ճամբար մը։ Մալթեփէի համալսարանի «Մարմարա» կրթական աւանէն ներս, «Մարմա» պանդոկի երդիքին տակ համախմբուեցան շիշլիցի պատանի մարզիկները, որոնք քառօրեայ ծրագրի մը հետեւեցան։

ՊԻԱՆՔԱ ՍԱՐԸԱՍԼԱՆ

Կը շարունակենք մեր խորհրդածութիւնները կեանքի իմաստին եւ արժէքին մասին՝ աւելի լայն տեսանկիւնէ մը դիտելով հարցը։
Կեանքը իմաստալից կը դարձնէ կեանքի որակը (որակ ըսելով նկատի չունիմ միայն նիւթական հարստութիւնը։ 

ՀՐԱՅՐ ՏԱՂԼԵԱՆ

Երբեւէ չէի մտածած, թէ կրնայ ըլլալ ժամանակ, որ բռնատիրութիւնն ու բռնակալութիւնը դրական ու աղէկ նկատենք։ Երբեք ալ բռնատիրութեան կողմնակից չենք եղած եւ չե՛նք, սակայն ցաւ ի սիրտ, իրողութիւն մըն է, որ հոն ուր բռնատիրութիւնը կ՚իշխէ, բարոյականութիւնն ու մարդկային արժէքները աւելի երկար կ՚ապրին քան հոն, ուր ժողովրդավարութիւն անուան տակ կը տիրապետէ սանձարձակ ազատութիւնը:

ՀՐԱՅՐ ՏԱՂԼԵԱՆ

Ժողովրդական առածը կ՚ըսէ, թէ «ժամանակը ամէն բանի բուժումն է», սակայն կեանքը իւրաքանչիւրիս սեփական փորձառութեամբ պիտի սորվեցնէ, թէ իրականութեան մէջ ժամանակը այնքան ալ դրական տեսք մը չունի, որովհետեւ բոլորս ալ դէպի անցեալ հայեացք մը նետելով պիտի տեսնենք ժամանակին տարածները:

Ամենապատիւ Ս. Պատրիարք Հայրը այս առաւօտ պատարագեց Տէր Յիսուսի Լոյս գերեզմանին վրայ:
Նորին Ամենապատուութիւնը երէկ այցելեց Երուսաղէմի հայկական կրթօճախները, իսկ երեկոյեան Քրիստոսի անուանակոչութեան՝ Ութօրէքի նախատօնակին հանդիսապետեց Սրբոց Յակոբեանց մայր տաճարի երդիքին տակ:

Պէյօղլուի սուրբ եկեղեցեաց թաղային խորհուրդի՝ մարտի 12-ին նախատեսուած ընտրութեան նախապատրաստական գործընթացը այս շրջանին կը բնորոշէ թրքահայ ազգային-եկեղեցական կեանքի օրակարգը։

Պէյրութի Հայկազեան համալսարանին մէջ վերջերս տեղի ունեցաւ յատկանշական շնորհանդէս մը։ Այսպէս, սա գինեձօնն էր «Հայկազեան» հայագիտական հանդէսի 42-րդ հատորի երկու գիրքերուն։

Եգիպտոսի նախագահ Ապտիւլֆեթթահ Էլ Սիսի վաղը երկօրեայ ուղեւորութեան մը կը ձեռնարկէ դէպի Հարաւային Կովկաս։ Տարածաշրջանային այս ուղեւորութեան ծիրէն ներս Սիսի պիտի այցելէ Հայաստան եւ Ատրպէյճան։

ԱՆՈՒՇ ԹՐՈՒԱՆՑ

«Շրջափակուած Արցախի մէջ պաշարման բոլոր օրերուն երեխաներ ծնած են»: Այս նախադասութիւնը այս օրերուն կը փորձեն հրամցնել որպէս լաւ եւ ուրախալի լուր եւ կը փորձեն ասով քիչ մը մխիթարել Արցախի ճակատագրով մտահոգ մարդիկը: