Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ընկերութիւն մը ամբողջութիւնն է անձերու, որոնք զօդուած են իրարու օրկանական կապով՝ միութեան սկզբունքի մը համեմատ, որ գեր ի վեր է քան անոնցմէ իւրաքանչիւրը։
Ընկերութիւն մը ըլլալով միանգամայն տեսանելի եւ հոգեւոր համախմբում մը, կը համընթանայ ժամանակին մէջ. ան կը ներփակէ անցեալը եւ կը պատրաստէ ապագան։ 

Հայաստանի արտաքին գործոց փոխ-նախարար Վահան Կոստանեան երէկ հերթական անգամ անդրադարձաւ Թուրքիոյ հետ յարաբերութիւններուն։ Իր խօսքով՝ հայկական կողմը պատրաստ է սահմանը բանալու եւ ներկայիս գնդակը կը գտնուի թրքական կողմի դաշտին մէջ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ս. Աստուածածին Աթոռանիստ Մայր եկեղեցւոյ թաղային խորհուրդի ներկայացուցիչները՝ գլխաւորութեամբ ատենապետ Հրանդ Մոսկոֆեանի։ Ներկայ էր նաեւ Պատրիարքական փոխանորդ Տ. Գրիգոր Աւ. Քհնյ. Տամատեան։

Հայաստանի կառավարութիւնը կազմակերպեց՝ 149 ուղեւորով Թել Աւիւ-Երեւան յատուկ թռիչք մը:
Պայտըն Իսրայէլ կը ժամանէ: Թուրքիա մշակած է խաղաղութեան ծրագիր մը՝ երաշխաւորներու դրութեամբ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ երեկոյեան այցելեց Իսթանպուլի կուսակալ Տաւուտ Կիւլին։ Սա Ամեն. Ս. Պատրիարք Հօր կողմէ քաղաքավարական այցելութիւն մըն էր՝ Տաւուտ Կիւլի կուսակալ նշանակման կապակցութեամբ։

ՏԻԳՐԱՆ ԳԱԲՈՅԵԱՆ

Միջին Արեւելքի դիմագրաւած պատերազմները մշտանորոգ հարցերու դիմաց կը կանգնեցնեն հայութիւնը: Մէկ դարու տեւողութեամբ՝ նոյն կրկնուող արհաւիրքները, նոյն անորոշութիւնները, նոյն ուղղուածութիւններու տարրաբաժանումները՝ կը վերաձեւաւորեն գոյութենական հարցեր, կայանալ-կազմաւորուելու չնուաճուած տեսլականներ եւ յետաձգուած-չլուծուած խնդիրներ:

Աշխարհահռչակ ջութակահար Արա Մալիքեան շաբաթավերջին համերգով մը հանդէս եկաւ Երեւանի մէջ։ «Կարէն Տեմիրճեան» մարզահամերգային համալիրի երդիքին տակ տեղի ունեցաւ ձեռնարկը, որ համախմբեց հոծ թիւով երաժշտասէրներ, որոնք ջերմօրէն ողջունեցին Արա Մալիքեանը։

ՍԱԳՕ ԱՐԵԱՆ

«Ատրպէյճան Ռուսաստանի համար երթուղի մըն է դէպի հարաւ, դէպի Իրան եւ Թուրքիա՝ թէ՛ ցամաքէն եւ թէ Կասպից ծովու միջոցաւ, իսկ սա այժմու պայմաններով շատ աւելի կարեւոր առաջնահերթութիւն մըն է Ղարաբաղի վերաբերեալ հանգամանքներուն բաղդատմամբ, որովհետեւ Ուքրայնայի պատերազմին հետեւանքով այժմ փակ են Եւրոպայի սահմանները»:
«Քարնեկի» հիմնարկի աւագ գիտաշխատող Թոմաս տը Վաա, «Ազատութիւն» ռատիօկայանին տուած ծաւալուն հարցազրոյցին ժամանակ, Զանգեզուրի միջանցքի բացման հաւանականութիւնը մեկնաբանելու ժամանակ կը վերյիշէ 1918-1920 թուականներու իրադարձութիւնները. «Հայաստանի եւ Արեւմուտքի տեսակէտէ ցաւալի է տեսնել Մոսկուա-Պաքու-Անգարա առանցքը, ուր Հարաւային Կովկասի պարագային կան ընդհանուր շահեր»:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Անձերու կամ մարդկային խումբերու վրայ կատարուող գիտական, բժշկական կամ հոգեբանական փորձարկումները կրնան սատարել հիւանդներուն բուժումին եւ հանրային առողջութեան յառաջդիմութեան։
Գիտական հիմնահետազօտութիւնը, ինչպէս նաեւ գործառնական հետազօտումը, յատկանշական արտայայտութիւն մը կը հանդիսանան մարդուն արարչագործութեան վրայ բանեցուցած տիրութեան։